اولا انا بقايا شاب عمرى قارب 37 سنه ولم يسبق لى الزواج حتى الآن بسبب جرح قديم اقصد حب قديم لا استطيع ان انساه
بدايتا عند تخرجى من الجامعة وبداية الحياة العملية احببت بنت الجيران التى تربيت معها حب شديد جدا لدرجة انى اعتبر النظر لاى بنت اخرى هو خيانة لها وكنت اعتقد انها تبادلنى نفس الحب من كلامها معى واهتمامها بى واستمريت على هذا الحال عدة سنوات الى ان صارحتها وقلت لها ان اريد ان اقابل والدها لاخطبها فكان ردها انها تعتبرنى مثل اخيها ورفضتنى
فكانت صدمة على اثرها امتنعت عن الاكل لعدة ايام ومع مرور الزمن نسيتها والحمد لله وانغمرت فى عملى الذى احبه ونسيت موضوع الزواج
ومرت عدة سنوات الى ان شاء القدر و رأيت بنت اخرى واحببتها جدا جدا واحسست ان الله اراد ان يعوضنى عن صدمتى الاولى وصرت احب فيها حوالى اربع سنوات ( حب من طرف واحد ) وعندما تأكدت من حبى لها جيدا تقدمت لخطبتها فصدمتنى ورفضتنى ايضا
فأنغمرت فى عملى ايضا واصبحت هدفى هو جمع النقود فقط والعمل اكثر واكثر لكى اثبت انى ناجح
وانا الان عمرى قارب ال37 سنة واعيش وحيد اعيش لنفسى فقط اعيش لشغلى فقط
وكثيرا ما احد معارفى يقول لى عندى لك عروسة واخر يقول لى نفس الكلام
ولكن يوجد بداخلى جرح لم يلتأم بعد ولا استطيع ان اتزوج زواج تقليدى بدون حب
فسؤالى هل اتزوج اى واحدة وخلاص ام انتظر حب والى متى
ام اعيش حياتى وحيد كما انا ومافيش نصيب فى الزواج
ملحوظة
احس ان سلوكى بدأ يميل الى العدوانية والعصبية لانى احس انى اتظلمت من الدنيا
انا اقول لك ان ليس كل من احب مرة او مرتين فهوة انظلم من الدنيا واعلم انا الله سبحانة وتعالى كل شئ فعلة لمصلحتك انت ولا يريد الله سبحانة وتعالى الاذى وان يحزنك ولا كن اراد انا ينقذك من شئ معين لا تعلمة انت
انت غلطت انك وقفت حياتك عشان التجربتين دول مع انك لسه شاب وصغير بس حرمت نفسك وظلمتها وموضوع انك زعلان على اللى مكنوش ليك ففى حديث فيما معناه ان واحد جه للرسول ص وقاله ادعيلى اتجوز فلانه فالرسول قاله لو دعا لك جبريل وميكائيل وحملة العرش وانا فيهم ما تزوجت إلا المرأه التى كتبها الله لك . عشان كده لازم تعرف ان ده نصيب وقدر مش انت وحش ولا هما ظلموك وبعدين ربنا عالم مين اللى تصلحلك وتسعدك لان لو فيهم خير ليك مكنش ربنا فرق بنكم لان كل قدر لايخلو من حكمه يمكن لو ارتبطت بواحده منهم كانت متسعدكش وهقولك حاجه حطها حلقة فى ودنك على طول ان الرزق من مال وزواج واولاد لا يبدل ابداااااااا وخلى عندك يقين اللى ليك هيجيلك وفى حكمه بتقول متزعلش على راح عشان مش بتاعك ومتفرحش باللى جاى لانه ليك وعشان كده ارمى اللى فات من ورا ضهرك وابدأ من جديد وانت 37 يعنى شاب والراجل لحد ال45 شباب غير الست طبعا وشوف واحدة من اللى معارفك بيقولولك عليهم مش يمكن تطلع نصيبك وتعوضك ولو محصلش لاقدر الله شوف غيرها وعادى بلاش تقفلها وتبص تلاقى نفسك العمر جرى بيك ومعملتش حاجه غير شوية فلوس الفرصة لسه معاك لكن لاقدر الله لو استمريت ع الحال ده هتلاقى فى يوم اللى حوليك عملوا بيوت واولاد وانت هتموت من وحدتك طبعا ربنا مايقدر بس اللى ممكن انهارده بكره مستحيل وربنا يرزقك بالى تسعدك وسورى على الاطاله والرغى الكتير
السلام عليكم ورحمه الله وبركاته
اخي الكريم كل شئ قسمه ونصيب وقل ما يصيبنا الا ماكتب الله لنا
انت الان بعز الشباب وفيك تحب وتنحب وما في شئ بيخوف انت اتكل ع الله
وهل المره صارحها بحبك ما تظل ساكت
وما تخاف من مسئله السن شو بئول انا هلا 43 سنه ومطلقه كيف فكر اتزوج
السن للمراه شئ صعب بس للرجل شئ عادي لان هل الدنيا ما فيها عدل والسلام ختام وربي يسعدك ويهنيك
انا خايف اعمل زيك كدا لاني فعلا في الطريق دا …. انا خطبت مرتين و فسخت و قررت ان مراتي هي الشغل على الرغم من اني لسه صغير بس الحمدلله بحقق تجاحات سريعة بس خايف اعمل زيك و ابعد عن الدنيا لاني تقريبا مش بشوف البيت حتى الا لما اروح انام … ربنا معاك ومعايا
انت انسان كويس جدا صحيح انك خجول شويه زياده عن اللزوم مافيش مشكله انت دلوقتي جاهز وتمام فلا تتردد ويا ريت تتزوج بعقلك عن طريق الاسره اوالمعارف وتشوف العروسه مرتين وتلاته في بيت اهلها احسن وتقرا الفاتحه وعندما تشعر بالميل لها كمل وبلاش التردد وما تفتكرش انك بقيت عجوز ابدا ولوخمسين سنه
اخيى المحترم كلنا نخطا وهده ليست هي المشكلة فالمشكلة ادا لم نتعلم من اخطانا من المفروض انك مريت بتجربتين فلا تياس امامك الكثير فكن حكيما وهده المرة حكم عقلك لاعوطفك واختر اصل البنت وتوكل على الله اما الماضى انساه فهو ليس حب مادم من طرف واحد والحب الحقيقي بعد الزواج لا قبله وفقك الله.
مشكلتك ياأخي النادر من نوعك في هذا الزمن الذي لايعرف لغة الصمت في الحب كان يفترض عليك أن تتأكد من مشاعر الطرف الأخر قبل أن تحب أي فتاه ومش معنى إنك صدمت مرتين في مشاعرك فهذا يفقدثقتك بنفسك فأنت رجل والرجل يكون مثال للقوة وتحدي الصدمات وكل صدمة عليك أن تستفاد منها ومعنى كلامك أنك كونت نفسك يعني تقدر على مصاريف الزواج وتحمل المسؤلية وهذا لايشير أن تتزوج أي فتاه عن طريق الزواج التقليدي فالزواج التقليدي ناجح أكثر من الزواج على حب لأنة واقعي ليس مبني على أحلام وهميةتنسى في أقرب مشكلة فعليك أن تختار فتاه تكون مناسبة لسنك حتى يكون فيه تقارب في الأفكار وأيضاًتناسب في المستوى التعليمي والآجتماعي والزواج مش زوجة وخلاص وربنا يصلحلك حالك
يا استاذ لو كل واحد مننا فشل فى الحب مره ام اتنين دا مش معنى ان الحياه واقفة لا دى الحياه ماشيه واحنا اللى عايشين فيها ويمكن ربنا شايلك الاحسن ان شاء الله عليك يا اخى انك تخلى ولدتك او مختك يشوفولك بنت الحلال وصدقنى الحب بيجى مع العشره مدام هى كويسه ومحترمه وفهماك لزم تحبها وكمان مينفعش تستناه الحب العمر هيجرى واحده واحده منك لازم تسرع فى الزوج ومتقولش واحده وخلاص واتمنى لك بنت الحلال انت وشباب المسلمين امين (نهله طلعت)
الزواج عن حب جميل وكلنا نتمنى عيشه لكن اثبت الزواج التقليدي ايضا نجاحه اخي الكريم انت الان في السابعه والثلاثون لا تنتظر الحب الحب سيأتي بعد الزواج اطوي الماضي وابدأ من جديد
عزيزى بجد كل ما اقوله لك انت ظلمت نفسك بنفسك بتصرفاتك
انت عاطفى وخجول ولم يسبق لك تجربة الحب واوهمت نفسك بحب بنت الجيران التى كانت تعتقد انك اخيها وجارها بالطبع لازم تعاملك كويس ومثل اخيها وعندما فاجئتها بحبك فكانت صدمة لكم انتم الاثنين فهى تعزك وتقدرك فقط وانت تحبها حب جنون
وللاسف لم تستفيد من الدرس الاول فكررت نفس التجربة مع فتاة اخرى
عزيزى الدنيا اتغيرت ياريت تشوف الدنيا بمنظور اخر
وانصحك بان لا تترك نفسك وانسى كل الاوهام التى عيشت بها سابقا والحق ان تركب قطار الحياه
وان تستمتع بحياتك وعمرك وان توافق بأن تتزوج بنت ناس كويسين هتلاقى كتير جدا ومش مشكله انك تتزوج زواج تقليدى
فأنت بداخلك خير كثير وانا اتوقع لك انك ستخلق حبا جديدا مع الانسانه اللى ستختارها ويسعدك الحظ بزواجها
وفقك الله لما فيه الخير .