السلام عليكم
انا مشكلتي غريبه شوية ارجوكم محتاج نصيحه وحاولوا تحسوا بيا
انا اعرف بنت من 5 سنين تقريبا كانت 16 سنه وانا كنت 21 كنت اعرف بنات كتييير الوقت ده
البنت دي هي الي فضلت معايا كانت بتحبني اوي هي تقريبا اقل جمالا من كل الناس الي عرفتهم في حياتي
المهم عدت سنه واتنين وفضلت اتكلم معاها وبرضو مع غيرها لغاية وقت معين فكرت وسالت وفسي ليه دي متبقاش مراتي
انا اثق فيها ثقه عمياء بعد فترةً خلاص بدات افكر فيها كخطيبتي وبرضو مبطلاش كلام بنات وعدتها بالخطوبه ودي كانت المره الاولي اني اوعد بنت من سنه اخدت عهد علي نفسي مكلمش بنات غيرها وحصل فعلا كده
انا شغال خارج مصر نزلت اجازه من كام شهر علشان اخطبها سبحان الله مافيش اي مشاكل قابلتني في الخطوبه وشوفت قرحة الدنيا ف عنيها
لكن انا كنت عاااادي بالمعني الحرفي خطبتها علشان مش عارف اجرحها وعلشان اطلع راجل في نظرها ونظر اهلي
المهم
في اجازتي وقبل حفلة الخطوبه بايام روحت شرم واتعرفت علي بنت من نفس البلد الي خطيبتي منها حباتي اوي رغم ان انا قولتلها اني علي وشك الخطوبه وعرفتها كل التفاصيل دي
مكدبش عليكم بحب اتكلمً معاها اوي هي في الجمال احلي من خطيبتي وماديا اعلي واخلاقها عاليه برضو
خطبت وسافرت تاني ومقطعتش علاقتي بالبنت التانيه لانا قادر ولا هي قادره وخطيبتي بظلمها
عملت ستوب مع نفسي وقولت لازم حل وقفت عاجز لاول مره مش عارف افكر اسيب خطيبتي علشان مش حلوه وعلشان هايف قلبي يبقي معرض للحاجات دي حتي بعد الجوازواخطبواحده ماليه عيني
انا عارف ان انا انسان وحش بس حقيقي انا تعبان انا بشوف خطيبتي وحشه
جوايا شخصين الاول بيقول فركش ودور علي واحده تملي عينك وتشوفها حلوه وتغنيك عنً كل البنات وانت لسه عالبر
والتاني يقولي اعقل الجمال بيروح دي هتصونك وهتحاول تسعدك
انا عاوز اعيش مستقر ومش عايز اخون مراتي بعدً كده وعاوز اكون فرحان بخطيبتي مبقاش مكسوف منها
مشاكل الشباب قبل الزواج
خاطب وبفكر افركش ومحتاج لنصيحه
اضيف بتاريخ: Sunday, November 12th, 2017 في 17:19
كلمات مشاكل وحلول: الخطوبة, بنات, بنت, شاب
شوف يابن الناس الجمال مش كل حاجة والجمال الحقيقي هو جمال الروح والاخلاق وده موجود في خطيبتك وصدقني انك هتكون سعيد معها وهتحافظ عليك وعلى شرفك وبيتك وكرامتك الرسول الكريم قال – فاظفر بذات الدين – وخير متاع الدنيا المراة الصالحة فقل الحمدلله على النعمة اللي ربنا اعطاك اياها وحافظ عليها جيدا واما البنت الثانية التي تعرفت عليها فاطردها من حياتك واقطع علاقتك بها نهايا وتاكد انها شيطانية تريد افساد عليك حياتك واغواك فاحذر منها واهتم بخطيبتك المحترمة المؤدبة وربنا يتمم لكم بالخير وعقبال الفرحة الكبيرة ان شاء الله