انا خطبت جواز الصالونات من حوالى شهر عن حسن سمعة البنت واهالها بعد اسبوع من الخطوبة بلاقى البنت بتمسك ايدى وجريئة جداا ف التعامل وانا بحاول اغير الموضع ومش المسها ، بعد فترة لاقيتها طلبت منى ان ابوسها من راسها واحضنها اكتر من مرة واخر مرة طلبتها منى كتير وانا مقدرتشى وفعلا عملت جدا
انا ندمان جدا ان عملتى كدة وزى اى شاب شرقى الشك دخل جوايا وخايف تكون اخلاقها مش كويس وعايز افركش الخطوبة ، النصيحة ارجكوا
مشاكل الشباب قبل الزواج
خطيبتى طلبت منى ابوسها واحضنها
اضيف بتاريخ: Thursday, January 24th, 2019 في 09:24
كلمات مشاكل وحلول: الخطوبة, بنات, بنت, شاب
لماكنت شاب في مثل عمرك اتقدمت لفتاة اغرمت بها واحببتها من قلبي وخطبتها من اهلها مع ان اهلي في البداية كانوا معارضين خطبتي لهذة الفتاة لانهم لايعرفوا اهلها وليس من اقاربنا المهم اصريت على خطبتي لها وتمت الخطوبة ولاحظت ان الفتاة كلما اجي لعندهم البيت في زيارة تظهر امامي بملابس قصيرة اوضيقة جدا وفي مرة خرجت معي للسوق لاجل شراء بعض الحاجات الخاصة بها وبعدما خلصنا من السوق وكنا راجعين على البيت طلبت مني اوصلها لبيت اختها عشان تاخذ حاجة منها ولم اكن اعلم ان اختها غير موجودة في البيت ومعها مفتاح الشقة فدخلنا الشقة فاذا مافيش احد في الشقة وقلت لها خلاص نمشي فطلبت منى الانتظار لحين تعود اختها فراحت تعمل لي شاي وبينما جالس اتفرج على التلفزيون اتفاجا انها جايه وقد لبست قميص نوم شفاف من الملابس اللي اشترتهم من السوق وتفرجني عليه انحرجت جدا منها لاول مرة اشوفها تتعرى امامي فعرفت انها تريد ايقاعي معها في الفاحشة فقلت لها لازم نبعد عن الشئ دا قبل الزواج فحاولت معي بكل الطرق انها تحبنى وماتقدرش تستغنى عني ولكني لم اطاوعها في الحرام وغضبت منها جدا وخرجت على الفور من الشقة ولم اسال فيها خالص وظليت اشك في تصرفاتها دي ولم يهدا لي بال حتى تاكدت فعلا انها بنت مش كويسة ولها علاقات مع شباب قبل ماخطبها وقررت ان افسخ خطوبتى منها واتركها
اوع تسمع كلام الاخ -مصطفى – فهو شخص جاهل ولا له خبرة في التعامل مع البنات البنت المحترمة المتربية ابدا ماتعمل كدا مهما كانت الظروف لكن خطيبتك دي الظاهر انها مجربة ولها علاقات في الماضي اتمنى انك تراقب تصرفاتها جيدا وتعرف فين تروح ومين هم صديقاتها وتعمل لها اختبار عشان يطمن قلبك من ناحيتها مثلا تتصل عليها من رقم جديد ماتعرفهوش وتغيير صوتك عشان ماتعرفك وتبدي رغبتك في التعرف عليها فان استجابت ولم تمانع من التعرف عليك فتاكد انها بنت مش محترمة ولاتستاهل الارتباط وان رفضت وقفلت الخط ولم ترد عليك مرة ومرتين واكثر فتاكد انها بنت كويسة جدا ولا لها علاقات من النوع دا تصرفاتها معك من البوس والاحضان شئ غير طبيعي ومن حقك تشك فيها ولاتتجاهل الموضوع دا ابدا فانتم لسه على البر وفي فترة الخطوبة وهذة التصرفات محرمة وغير اخلاقية لازم ماتتطاوعها في هذا الشئ وتاخذ منها موقف حتى لاتقع معها في الحرام والشيطان يغويك معها وساعتها ماينفع الندم ربنا يصلحكم ويهديكم
هههههههههههههه بص ياصاحبى خدها نصيحه من اخوك الى كان زمان عاصى والحمد لله اصبح تائب ويدعو الله ان يغفر له
مبدائيا البنت الى مش كويسه او الى ليها علاقات سابقه مع شباب لما بتتخطب عمرها مابتخلى خطيبها يلمسها عارف ليه علشان يتمسك بيها وميشكش فيها ويسيبها علشان هيا عرفت ده وصاحبت ده ومارست مع ده وده وده وده محدش فيهم جاء لخطبتها فهتلاقيها ماشيه بمقوله لايلدغ المؤمن من الجحر مرتيين
خطيبتك دى بنت طيبه وعلى نيتها وعايشه فى دور المسلسلات التركى ومفكراك مهند وهيا سمر فالبنت خطيبتك محرومه من الحب والحنان وعندها كبت عاطفى وممكن كمان كبت جنسى وده شىء وارد لان معظمنا عنده الكبت ده فلما اتخطبت مقتنعه ميه فى الميه انك خلاص بقيت فارس احلامها الى هيتجوزها ويحافظ عليها ومش هيسيبها فالبنت بطلع من جواها الكبت ده معاك صدقنى خطيبتك محترمه ومتلمستش قبل كده ونصيحه من اخوك متسيبهاش وكل الى تعمله انك تفهمها وتقولها ان انا كمان بحبك وبتقى ربنا فيكى والحاجات دى بتغضب ربنا وبسببها بتحصل مشاكل بسبب قله البركه فانت ترضى يحصلنا مشاكل ونسيب بعض لقدر الله انا بحبك وبخاف عليكى وعاوز تقولها كلام رومانسى يعوض الموضوع ده وتحاول تعجل فى الزواج ومتزعلهاش بالله عليك لانها على نيتها وغلبانه وهلهوطه هههههههههههههههه