اولاً السلام عليكم ورحمة الله
انا بعاني من مشكله ممكن تكون سبب فى اني انفصل انا وخطيبتي
اولاً انا وخطيبتي بنحب بعض جداً ومتمسكين ببعض اوي وتخطينا مشاكل كتير حصلت فى الاول برغم انها قريبتي لحد ما ربنا كرمنا واتخطبنا لبعض
فجاه كدا ظهرتلنا مشكله كبيره كانت بدايتها رجوع اختها من بره وفتحت معاها فكرة انها تسافر تانى معاها لان خطيبتي سافرت قعدت معاها ست شهور وكان قبل ارتباطنا ببعض
وكانت فتحت معايا السيره دي قبل كدا وانا رفضت انها تسافر وقولتلها مينفعش تسافرى تاني مهما كانت الظروف انا ضد الفكره دي وعاوزك تقعدي فى مصر
المهم رجعت اختها اجازه وبدأت تملى دماغها بحوار السفر وقعدت تقولها بس شوفيها واسأليه قالتلهم انا عارفاه مش هيوافق يخليني اسافر تاني
اشتغل الزن على دماغها من اختها وامها وازاي يرغمك على كدا لحد ما سخنت عليا ورجعت كلمتنى فى الموضوع دا وقالتلى انا عاوزه اسافر
قولتلها اللكلام فى الموضوع دا انتهي ومجرد التفكير فيه بداية مشكله فانتي اتجنبي خالص الموضوع عشان الكلام فيه منتهي ..
وقعدت تقولى ليه مسافرش دا حقي واقعد اعمل ايه فى مصر بدون شغله ولا مشغله واختي جابتلى شغل
المهم اصريت انا على قرارى وقولتلها يابنت الناس مفيش سفر
برضه قعدت تجادل معايا وكأني بتحكم فيها وماليش اني اعاملها كدا واقولها متسافريش
المهم انا قولتلها طالما انتى شايفه كدا يا انا يا السفر
فى نفس الوقت امها واختها بسيخنوها بشكل غير عادي بالرغم انها من جواها مش عاوزه تسافر وتسيبني فى مصر وتقعد معايا وكانت قالتلى الكلام دا كتير قبل كدا
امها اكتر واحده اتجنت من كدا فبدأت تستخدم معاها اسلوب وحش فى البيت وتعاملها معامله وحشه اوي وطول اليوم تزعق فيها ومشاكل اربعه وعشرين ساعه كأنها بتكرهها فى البيت عشان تسافر وترغمني على كدا
حتى لما بكون معاها على التليفون امها تقعد تشتم فيا وتتكلم عليا بصوت عالى وتزعق فيها وعلى التليفون
عملولها ضغط رهيب فى البيت وامها بتحسسها انها لو سمعت كلامي وقعدت هتبهدلها وهتكرها فى اليوم اللى قررت فيه تقعد ومتسافرش
خطيبتي بدات تتعب نفسياً لدرجة انها مبقتش عارفه تنام
انا بقعد اصبرها كتير اوي وبحاول احوش عنها واوعدها انى اعوضها لكن امها زودتها معاها اوي واختها برضه نفس الوضع
بحاول اساعدها مش عارف وامها بتقعد تكرها فيا
لدرجة اني بدأت احس انى اساعدها على حوار السفر وانها تسافر عشان تسيب المشاكل اللى فى البيت لانها تعب نفسياً ولسه كل يوم والتانى المشاكل بتزيد
مش عارف بصراحه اعمل ايه
اسيبها تسافر وتهرب من جحيم البيت وامها وتسيبني
ولا ارغمها على انها تقعد وتتبهدل هيا فى البيت برغم انها صابره على اللى بيحصل بس اكيد هيجي الوقت اللى تطفش
وفى نفس الوقت جوازنا ممكن ياخد سنه واكتر كمان
وللاسف الفتره دي عملت عمليه فى ضهرى ومش بقدر انزل حتي عشان اخرجها من الجو اللى هي فيه
ظروف وحشه كتير فى الموضوع يمكن مذكرتهاش لكن المشكله فعلاً عويصه وبقت فى حساسيه رهيبه
ياريت لو حد عنده حل يساعدني بيه ابقا شاكر ليه
اتمنى اسمع وجهات نظركم وياريت تقدر تساعدني
انت شخص اناني وعاوز تقعد البنت معاك لانت جاهز ومستعد للزواج منها وتوفير الحياة الكريمة لها وظروفك صعبة ومعقدة وتقول انك عملت عملية في ظهرك ولاقادر تخرج تفسح خطيبتك وتخرجها من الازمة الي تمر بها مع اهلها عندك استعداد تتزوج البنت او تسافر معها وتبحث لك عن فرص عمل معا وتكونا مع بعضكم ام لا وانت الان مالك عليها وصاية ابدا وليس من حقك منعها او الاعتراض على سفرها والشرع والقانون يقولا ان فترة الخطوبة فيه قبول وارتياح واذا فقدا هذا من احد الطرفين جاز لهما فسخ تلك الخطوبة اما في حالة انك مكتوب كتابك عليها فهي زوجتك ويحق لك معاشرتها ولك عليها حق الطاعة ولايجوز ان تسافر الاباذنك هل فهمت اما كونكما في فترة الخطوبة فليس لك عليها حق الوصاية واالتحكم فيها القرار الان في يدك هل تريد تلك الفتاة والاستمرار معها اذا كتب كتابك عليها وسافر معها ولاتتركها تسافر لوحدها اما غير كده فمن الافضل الا تظلم الفتاة وتتسبب لها في مشاكل مع اهلها اتركها وربنا بيكرمك باحسن منها بابنة الحلال اللي تقدرظروفك وتسعدك طوال حياتك
امامك وامامها فقط ثلاث خيارات الاول تتجوزو فورا وتكتب لها قايمة او شيك بقيمة العفش بشرط تسافروا معا انت وهي فالراجل الراجل ما يسبش مراته لوحدها…الثاني لا تسافر وتتعجل زواجها وتحل مشاكل التجهيز باي وسيلة كان وتبقوا معا ببلدكم .. الثالث فسخ الخطوبة بلا رجعة واوعي تصدق ان امها وهي مش متفقين علي الافلام اللي بيعملوها اصلك مشاهد مبتديء يا ضنايا والسلام
شوف يا أستاذ
لو خطيبتك سافرت انسي انها ترجعلك
هيجيبولها عريس من السفر زيها او عريس مريش
دول ناس همهم الفلوس وبس
عوضك علي الله لو سافرت خلاص انساها