السلام عليكم ورحمة الله وبركاته
انا بمر باوقات صعبة جدا ومش عارف اعمل ايه
انا خطبت من 9 اشهر زميلة لى فى الدراسة احترمها جدا واهلها من اطيب وافضل الناس ولكن بعد هذه الفترة وبعد معاملتى لها الفترة السابقة وبالتحديد الان وقبل زواجى بشهر لاامتلك اى مشاعر تجاهها وان فى بعض الاوقات بحس انى هابقى مبسوط اوى لو سبتها . ولكن هى تحبنى وتفعل اشياء كثيرة لتسعدنى وده اللى مخلينى محتار وعارف ان دى فرصة ممكن ماتتكررش واخاف ان استمر معها واظلمها واخاف ان اتركها فاكون قد جرحتها وجرحت اخرين خاصة وان امى تحبها جدا
وكلما هممت بتركها اتمهل وارى انها مطيعة جدا ومحترمة ولم تفعل شىء خاطىء بحقى حتى افعل بها هذا ولانى مقتنع ان بنات الناس مش لعبة واستخرت ربنا وبدعيه دايما دلوقتى انه يرزقنى الزوجة الصالحة التى احبها وتحبنى وترضيه عنى
كل اللى انا عايزه زوجة اكون ليها كل حاجة وتكون ليا كل حاجة وكله فى طاعة الله ومش عارف اعمل ايه بجد
يااخي ماربنا اعطاك البنت الطيبة المحترمة دي وهتكون لك نعم الزوجةالصالحة التي تسعدك طوال حياتك وتشرفك امام كل الناس وامك تحبها وراضية عنها فانت عايز ايه قل الحمدلله واشكر فضله واياك ان تتركها فانت بكدا تظلم نفسك وتظلم تلك الفتاة التي احبتك ورضيت بك وصدقني المشاعر والحب الحقيقي يكون بعدالزواج وسوف تذوق حلاوته وتعرف قيمته لماتتزوج من تلك الفتاة الصالحة اللي تستاهلك وتقدرمشاعرك وتسعدك طوال عمرك