مشاكل الشباب قبل الزواج

الاحترام والقيم .. ام فتاة الاحلام الجميلة

اعمل فى دوله خليجية منذ حوالى 6سنوات وانا الان فى غربتى احاور نفسى ولجات لله ثم اليكم كى تفيدونى وعذرا ان اطلت عليكم 00000000

ورجعت بعدالثلاث سنوات الاولى الى بلدى ورفضت كل اقربائى ولاد العمومه وذلك لتركمات قديمة وكان والدى يصر على ان ارتبط من اى من بنات عمى المتوفى ولكن كانت لى تحفظات على ذلك المكان بالذات وذلك بسبب انهم دائما يلازمهم الاستهتار والكبر بعض الشىء والحمد لله لم يحدث

وفى ذلك الوقت كانت بنت خالى على ابواب دخلتها وشىء ما حدث انهى كل شىء مابين عريسها وبينهم وكل واحد راح لحاله الامر الذى كان ليس بالسهل على خالى وكانت امى حزينة على ذلك ولفت الانتباة اننى سارتبط بها انقاذا لخالى ومراعاة لشعور امى وحدث ان تقدمت وفرح خالى اما زوجته ظهر عليها انها لايعنيها الامر ولكن كانت تقول احنا مش هنلاقى زيك

وبعدها بيومين لقيت تليفون البيت بيرن واذا ببنت خالى تقول لاختى انتو هادمرونى وانتو طمعانين فى البيت مما اثار جنونى وجريت بسرعة الى هناك وانا اقول لنفسى هذا جزائى المهم قلتلها علشان كلامك دة هاخدك غصب عنك

وبعدها هديت وقلت يمكن ربنا عمل كدة علشان والله هيا ماتناسبناش لسلوكها التى تنتمى به لامها

وعزمت النية ان اخطب غيرها ولكن كانت لى افكار ومتطلبات فى التى سارتبط بها فى اسرع وقت ممكن

وبالفعل ارتبطت بفتاة جامعية من اسرة متواضعة جدا والدها متوفى وامها هى اللى ربتها بس والله لا ازكيها على الله ولكنها قد تكون من فلتات الزمن فى الادب والاحترام والقيم والمبادىء والحمد لله

مشكلتى تكمن فى اننى يراودنى احساس هل انا فى نزوة وساندم عليها فى يوم من الايام حيث اننى بما اننى كاى شاب اريد فى فتاة احلامى ان تكون ذات امكانيات وهى على ادها يعنى

المهم انا هاتجنن احيانا احس انها هى وبس من ادبها واحترامها وكل شىء على عكس الزمن الذى نعيش فيه من انحراف اخلاقى واضح

ولكن السؤال هو هل اننى كنت اريد ان اثبت لبنت خالى وامها اننى ليس مبدئى ما افتروه عليا

ام اننى ظلمت نفسى بيدى من ناحية ما احلم به فى الفتاة الجميلة ام اننى اخترت صح والجمال يذوب بعد فترة من العمر فى النساء

وللعلم هى مش وحشه هى حلوة بس يعنى على ادها وبجد يمكن ما قالتليش كلمة بحبك الا يمكن 3مرات خلال سنتين حتى الان واعلم انها تعشقنى وانا لما بكلمها فى التليفون احس انى بحبها بس هيا ملهاش فى التعبير الجيد عن مشاعرها

بصراحة مش عارف الاحترام والمبادىء والقيم والا الجمال والامكانيات فى البنت

ياريت تقدروا تساعدونى لانى تايه والمفروض الفرح بعد 6شهور تقريبا واسف للاطالة وتحياتى للجميع

مشاكل وحلول ذات صلة

اضيف بتاريخ: Sunday, December 5th, 2010 في 07:40

كلمات مشاكل وحلول: , , , , , ,

8 رد to “الاحترام والقيم .. ام فتاة الاحلام الجميلة”

  1. الفهدالاسود
    22/05/2016 at 10:24

    اخي العزيز احي فيك سماحة اخلاقك وحسن تربيتك وسلامة منطقك وتفكيرك الراجح نعم احسن مافعلت انك خطبت الفتاة دي وتركت بنت خالك المتعجرفة والغير محترمة تاكد ان الجمال هوجمال الروح وليس جمال الشكل يااخي كم من فانتات الجمال بلااخلاق ولادين ولاتربية من الاساس ودام ان الفتاة التي خطبتها متاكد من دينها وخلقها وتربيتها وان اهلها ناس محترمين فنعم الاختيار وربنا يباركلك فيها ويتمم لكم بالخير توكل على الله واكمل معها المشوار وتزوجها ولاتفرط فيها ابدا مهما كانت الاسباب اوالظروف قال الرسول الكريم -تنكح المراة لاربع لدينها وحسبها وجمالها ومالها فاظفربذات الدين ترابت يداك- فالدين اهم شي في الفتاة واساس الارتباط وفقك الله ويسرامرك واتم لك كل الخير والصلاح ورزقك الله منها الذرية الصالحة واعرف ان الله يريد لك الخير بالارتباط بهذة الفتاة الصالحة المتربية المحترمة واعلم ان الاخلاق والمبادي والقيم هي الابقى من الجمال والامكانيات والمال والبيت واسال الله ان يكمل فرحتكم بعد 6شهور وييسر لكم الامور ويجعله زواج مباركا وسعيد عليكما ويولف بين قلوبكم على طاعته عزوجل ويسترعليكم اجمعين

  2. ا/نهله طلعت
    07/12/2010 at 13:28

    اتقو الله بقى انتم داخلتم فى خلقت ربنا كمان والله الادب والاخلاق من الصفات اللى وصفها الرسول(ص) مقالش تكون جميله ولبسه لنزز وبنطلون استرتش فهم اهلك انها احلى بنت فى الدنيا بالاخلاقها وحبك ليها (نهله طلعت)

  3. محمد
    06/12/2010 at 23:35

    بسم الله الرحمن الرحيم
    في البدية هقول لك الحديث من تزوج امرأة لعزها لم يزده اللَّه إلا ذلاً، ومن تزوجها لمالها لم يزده اللَّه إلا فقراً، ومن تزوجها لحسنها لم يزده اللَّه إلا دناءة، ومن تزوجها لم يتزوجها إلا ليغض بصره ويحصن فرجه أو يصل رحمه إلا بارك اللَّه له فيها وبارك لها فيه، بل في الصحيحين كما في المثناة: تنكح [ص 407] المرأة لمالها وجمالها وحسبها ودينها، فاظفر بذات الدين تربت يداك جدد النية عندك وصلي صلاة الاستخارة لان اول كلمة في عقد الزواج اني استخرت الله وكتير جدا من الشباب بقولها وهو لم يفعلها اتمنا لك التوفيق الزرية الصالحة في حفظ الله

  4. أحمد على يحى صالح
    06/12/2010 at 05:32

    صلى صلاة استخارة وبعدين متنساش تدعينا على الفرح

  5. أحمد على يحى صالح
    06/12/2010 at 05:27

    يا ريت يا اخويا الاقى حد زيها وتكون زى ما بتوصف وتقول عنها وتتغزل فيها من تدين واخلاق وسكون نفس وعفوية ومش بجحة وقليلة ادب زى بنات اليومين دول .
    يا ريت لو ليها اخت تقولى عليها اتجوزها فوراً لانى بدور على عروسة بالمواصفات دى
    اخوك فى الله مدرس كمبوتر من المنيا

  6. أحمد
    06/12/2010 at 05:24

    انا مش عاوز اقول عليك مش راجل لانك بسم الله مشاء الله مسافر ومتغرب يعنى تعرف المسئولية وبتحاول ولما ملقتش نصيبك فى بلدك فكرت فى السفر برة وربنا هو الرزاق . لكن معلش بنات الناس مش لعبة (وعسى ان تكرهوا شيئاً وهو خير لكم …) دى مش اخلاق رجالة.
    كمان بتقول الاخلاق ولا المال هو مش المفروض إن إنت الراجل والقوامة عليك يعنى انت اللى تكد وتعب علشان تبنى لنفسك واسرتك القادمة مستقبلها مش عاوز تاخدلى واحدة معاها قرشين وهى اللى هتصرف عليك يعنى ولا إيه مش فاهم .
    وليكن فى علمك مهما كانت اللى هاتخدها غنية مش هتاخذ منها قرش واذا حصل فطبعاً هيكون لسبب فى نفسها وبعدين هتزلك بيه بعد كده طول العمر . واديها بانت من اولها ولكن حضرتك عاوز تغمض عينيك عن الحقيقة المرة من قبل ما يكون فى شئ بتقولك انت بتفكر تاخدنى علشان البيت قلها بيت ايه تغورى بيه انت وتفكيرك اللى مش تمام.
    وبعدين بجد انا شايفك مدلع حبتين تلاتة ولا مش كده ؟!!
    شكلك الابن الوحيد او الراجل الوحيد فى اخواتك
    وبعدين اذا اقدمت على خطوة فتوكل على الله فهو حسبك ونعم المولى ونعم النصير.
    وبعدين دول الرجالة بيقولوا اللى بنتفها منرجعلهاش ولا منكلهاش تانى
    بعدما اهانوك ودول قرايبك طيب فما بالك بالغريب اذا كنت بتفكر تاخد واحده غنيه مش من اقاربك.
    يا راجل توكل على الله وربنا يوفقك ويرزقك بالزرية الصالحة وتعلمهم الكلام ده
    ومنساش اقولك إن اهلك ليهم عليك حق ولو جرحوك وزعلوك يا عم اطلب رضا ربك اولاً ولا تقاطعهم وخلى علاقتك بيهم احسن من الاول علشان حتى يعرفوا إنك احسن منهم وبتقابل السيئة بالحسنة لان ليهم عليك حق صلة الرحم
    وزى ما بيقولوا فى البلد عندكم (( يا تتجوز وتكيد يا تقعد وتريد ))
    وإنت لما تاخذ انسانة زى كده تكون نعم الزوجة ونعم الام لاولادك تعلمهم الادب والاخلاق والدين

    حد يلاقى نعمة زى دى ويفكر فى اى حد فى الدنيا غيرها يا راجل روح بلا لعب عيال بقه اكبر وخليك راجل بجد

  7. بيسو
    05/12/2010 at 12:48

    اولا كل شىء نصيب لكن اتاكد ان ربنا هو الى اختار ليك الاصلاح وانا انصحك كمل الارتباط لان البنت بتحبك والى بيحب مش ممكن يغلط وانت فى غربة يعنى عاوز الى تصونك اتوكل على الله وتمنياتى ليك بكل الخير

  8. واحد وخلاص
    05/12/2010 at 12:17

    يا اخى فرحك بعد 6 شهور الف مبروك وربنا يبارك لك انت وخطيبتك يا راجل انت شفت ازاى بتشكر فى صفات خطيبتك واخلاقها وبعدين لسة بتفكر انصحك خليك متمسك بيها لانك ربنا بيحبك عشان ادهالك وبعدين قصدك يعنى الامكانيات المادية ولا قصدك ايه الفقر مش عيب العيب فقر النفوس وفقر الاخلاق وبعدين ما قلتلكش بحبك غير 3 مرات انا زيك كدة مغترب بردة بس متزوج من كام سنة وخطيبتى اللى هى مراتى سنة خطوبة مسمعتش منها كلمة بحبك يا اخى البنات العذارى المهذبين المحترمين صعب قبل الزواج تسمع منهم الكلام دة انا مجرب وصدقنى بعد الزواج ان شاء الله بتكون سعيد باذن الله وبعدين قصه بنت خالك والكلام دة طلعه خلاص من دماغك وخلى صلتك باهلك كويسة وخلاص ود واحترام متبادل لكن خطيبتك دى زوجة المستقبل ان شاء الله وربنا يوفقك

اترك رداً أو حلاً لهذه المشكلة