اتعرفت على بنت واتقدمتلها ومكنش فين بينا اى قصة حب لكن ارتحت لها وارتحتلى وقرانا فاتحة واتخطبنا وبعد سنة ونصف من الخطوبة وكان باقى سنة كمان قالتلى انها مش بتحبنى بنفس الدرجة اللى بحبها بيها واننا لازم نسيب بعض وكانت صدمة بالنسبة لى لانى اقسم بالله ما حسيت خلال فترة خطوبتنا انها مش بتحبنى , على العكس انا كنت بحس ان الشعور متبادل اوى وكانت مرتبه حياتها على اننا هنكمل مع بعض ودة انا كنت بحسة من تصرفتها معايا لدرجة انها كانت بتتطلب منى لما نكون هنخرج اننا نروح نتفرج على العفش وعلى فكرة هى عندها 21 سنة و رجعتلى الشبكة ولحد دلوقتى انا مش عارف فى اية ولا ازاى ده حصل ومش قادر استوعب ولا عارف انام ولا عارف اعيش حياتى الطبيعية زى الاول ولما سالتها طب يعنى انتى مكنيش بتحبيبنى قالتلى انا كنت بالنسبة ليها عريس مناسب لكن هى مش عاوزة تكمل معايا علشان متظلمنيش لانى بحبها اكتر ما هى بتحبنى وهى كانت مضغوطة وبتحاول تدى لنفسها فرصة لكن خلاص هى تعبت ومش قادرة تكمل
هل ده حرام وهل هى كدة خدعتنى واية رايكم هل فى حاجة ممكن اعملها مع العلم ان الشبكة بتاعتى رجعتلى وهى بكدة فسخت الخطوبة ؟
مشاكل الشباب قبل الزواج
هل خطيبتي كده خدعتني لما سابتني
اضيف بتاريخ: Monday, February 5th, 2018 في 22:23
كلمات مشاكل وحلول: الخطوبة, بنت, حب, قصة حب
الزواج قسمة ونصيب يااخي والبنت قالتها لك انها ماتحبك وقد يكون في احد في قلبها والله العالم مااريد ان اظلمها ولكن ده الظاهر واحمدالله انك فسخت خطوبتك لها والف من يتمنى الزواج بك الدنيا فيها بنات احسن منها مليون مرة وتلاقي نصيبك مع بنت الحلال اللي تستاهلك وتقدرمشاعرك وتصونها وتسعدك العمر كله