انا شاب اللي بكتب الموضوع واسف جدا بس عايز اعرف رائيكم انا خاطب واحده من سنه تقريبا وفي الفتره الاخيره حصل بينا تجاوزات بس كلها بالكلام بس مش اكتر في التليفون عن العلاقه بينا بعد الجواز وهيا كانت متجاوبه وبتتكلم واتكلمنا في كل حاجه ويعلم الله انا عارف ان ده غلط اللي حصل بينا اننا نتكلم في حاجه زي كده بس حصل والتجاوب كان مننا احنا الاتنين وبعدين لقتها بتقولي بعد ما حصل كده بيومين انا اتغيرت من نحيتك ومش مرتاحه رغم ان اللي حصل مكنش مني انا بس مننا احنا الاتنين قولتلها اللي حصل بينا غلط وفي ايدينا نصلح ده ونبعد عن الكلام ده قالتلي مش عارفه انا محتاجه وقت افكر انا مش عارفه افكر دلوقت قولتلها الغلط كان مننا احنا الاتنين وفي ايدينا نحله رجعت تقولي انا عايزه وقت افكر في علاقتنا !!!!! انا الصراحه حسيت اني انا اللي عملت كده لواحدي وهيا مشركتنيش فيه وقولت ليه تتعامل كده بدل ما نحل الموضوع ونقرب لربنا اكتر وننسا وليه كلمة افكر وخلتني احس اني الذنب انا اللي عملته رغم ربنا عالم انه الموضوع كان مشترك بينا وكل واحد يتحمل الغلط فيه انتو ايه رائيكم انا سبتها تفكر بس في نفس الوقت حاسس اني مظلوم واني انا اللي شلت كل حاجه لوحدي وهيا كأن ملهاش ذنب وانا حتى مفكرتش اجرحها بكلمه او اقولها وانا محتاج افكر فيكي تاني او اي حاجه شبه كده يا ريت تفديوني برائيكم بجد واسف مره تانيه ..
عايزك تسيبها وتتركها وصدقني انها ماتستاهل انها تكون زوجة لك وعمرها ماتحافظ عليك او تصون مشاعرك ولاعاوزه تتعرف بانها غلطانه لم تكلمتوا في الامور المحرمة دي مع انكم مشتركين في الذنب معا افسخ خطوبتك منها وانساها تماما وربنا بيكرمك بابنة الحلال اللي تستاهلك وتقدرمشاعرك وتصونها وتسعدك طوال حياتك