السلام عليكم
انا شاب 29 سنة خطبت بنت محترمة ومن اسرة محترمة من حوالي شهرين مشكلتي باختصار او يعني مش مشكلة بالمعني المفهوم انا بس عاوز اشوف اراء ناس خبرات انا بصراحة اول مرة اخطب ويحصل نصيب المهم ادخل فالموضوع انا بحاول اتقرب منها بطرق كتيرة وكمان انا صرحتلها كذا مرة وحلفت باني بعزها مش عايز اقول بحبها لاني خايف انها متقولش وانا كمان او تتكسف بس بلمحلها المهم انها معندهاش حماس انها تعبر عن حبها ليا او اني مهم جدا بالنسبة ليها هي بتضايق لما اعد كذا يوم متصلش بيها طيب بقولها انت ليه مش بتتصلي لما انا واحشك كده في مرة اختبرتها قعدت 4 ايام مكلمهاش لاقتها اتصلت هي بيا قلت بس الحمد لله هي كده بتحبني وعاوزاني من ساعتها هي مش بتكلمي الا لو انا اتصلت انا مخنوق اوي من الحتة دي حاسس ان انا بهتم بيها اكتر بس هي بتكلم امي واختي هل ده مؤشر انها بتحبني ؟؟ وكمان كلمتها النهاردة وحصلت مشادة بسبب اني قلتلها متتاخريش ففرح بنت خالتها روحت متاخرة وعاتبتها وقالت انها كانت مع قرايبها ايه المشكلة المهم فوسط الكلام قالتلي انها لسة متعرفنيش
انا بصراحة تعبت وفكرت كتير ارجع اقيم علاقتي بيها ارجوكم اعمل ايه انا حيران وشكرا لكم
مشاكل الشباب قبل الزواج
ازاي اتاكد ان خطيبتي بتحبني ؟
اضيف بتاريخ: Saturday, March 17th, 2018 في 11:43
كلمات مشاكل وحلول: الحب, بنت, حب, شاب
شوف يااخي خطيبتك بنت كويسة ومحترمة جدا وتحبك فعلا لازم تعرف ذا ومسالة انها ماتتصلش عليك البنت من طبعها الخجل والحياء ودي خصلة حميدة في خطيبتك مش لازم تزعل منها او تتضايق وكونها راحت فرح بنت خالتها وتاخرت مع اهلها واقاربها فده شي طبيعي يحصل لكل الناس في الاعراس والمناسبات وماتزعلش منها ابدا صدقني البنت كويسة وتحبك فعلا وهتتعودعليك لما تلاقي منك اهتمام اكثر وربنا يتمم لكم بالخير وعقبال ماتفرحوا بزواجكما عما قريب ان شاء الله وتمنى لكم كل التوفيق والسعادة في حياتكم القادمة