اولا السلام عليكم واطلب منكم حل للمشكلة بتاعتى علشان انا تعبت جدا جدا انا خاطب منذ 7 اشهر عن حب وانا بعترف انا مقدرش اعيش من غير خطيبتى ولا جزء من الثانية بس انا تعبت من انى بعبر لها عن حبى وعن مشاعرى بس مش بسمع ولا كلمة حلوة ومفيش اى اهتمام ولا تقدير ولا اى عاطفة انا لو ما اتصلش بيها هى مش هتتكلم وعلى طول بتزعلنى من غير سبب وعلى طول مش عاوزة تتكلم معى وانا بقولها كلمينى بس شوية انتى وحشانى كل شوية تقولى باى باى يمكن انا بغلط كتير وبعترف انى بغلط وبتاسف بس انا تعبت من معاملة الاهمال وقلة التقدير ساعات بكون بكلمها بتسبنى على التليفون وتكلم صحبتها وتكلم اخوتها وانا بكون هموت من قلة التقدير انا مش مقصر فى اى حاجة وانا اوقات بطلب منها انى اشوفها على طول وهى اوقات كتير بترفض انا تعبت جدا جدا ومش بتتحملنى فى تعبى فى الشفل مع العلم انى انشاء الله هنتجوز بعد 4 اشهر بس انا مش مرتاح مش هو دة الحب مش هو دة سر الحياة فين التسامح فين المغفرة فين الدافع للنجاح انا كل الغلط اللى بغلطة من نظرها انى كل شوية بقولها بحبك وبخاف عليها وبكون عاوز اكلمها طول الوقت بكون نفسى اكلمها بس مش عارف مش مهتمة بيا ولا بحياتى انا بخاف ربنا اوى فيها وعمرى ما عملت حاجة تغضب ربنا ولا وهى معى ولا مش معى بس انا يا جماعة نفسى فى حد يحبنى مش كل شوية مشكلة على تفاهات تفاهات تفاهات نفسى اسمع منها كلمة وانا كمان انا بقولها قولى وانا كمان حتى لو كدب واللهى بقولها كدة اعمل اية بكون ماشى معها بتسبنى وتماشى امام حوالى 4 متر كدة كل شوية تقولى انا تعبت تعبت من الخطوبة ومن مشاكلها انا اتخنقت صحابى مرتاحين صحابى بيخرجو صحابى احسن منى كل الناس بتقولى انك تعبتى فى الخطوبة انا زهقت وتقولى احنا نقفل وبعد شوية نتكلم اقولها مش هى دى المشاكل اللى تخوف دة اسمه تفاهات بس هى بتقولى انا تعبت من التفاهات وعلى طول تقولى انت عاوز تعمل مشكلة وخلاص وانا مش بحب المشاكل وكل شوية تقولى انا اتخنقت . انا يا جماعة تعبت من جرح الاحساس دة وجرح الكرامة دة بس انا مقدرش ابعد عنها مقدرش ايوة الحياة هتقف عليها اى حل غير البعد او الفراق
شوف يااخي اظنك تسرعت في خطوبتك للبنت دي وحبك لها من طرف واحد اماهي فلااظنها تحبك وتصرفاتها معاك اكبر دليل على كلامي دا انتم لسه على البر وتقدر تفسخ خطوبتك منها وتشتري سعادتك و كل شئ قسمة ونصيب صدقني لو استمريت معاها سوف تتعب في حياتك الزوجية ولن تكون راضيا ولاسعيد في حياتك معها احيانا يكون البعد والفراق صعب لكن لابد منه طالما انها بالشكل دا وعمرها ماتتغير او تقدر مشاعرك او تسعدك في هذة الحياة انهى خطوبتك لها وكل واحد ينام على الجنب اللي يريحه وربنا بيكرمك بحسن منها ان شاء الله