سلام عليكم جميعا
اخوتى الافاضل انا كتبت كتابي من شهرين كنت متفق مع اهل خطيبتى على الزواج في شقتنا بعد ما اخدها المهم ربنا وفقنى واخدت الشقة بالقسط ولسه مخلص اقساطها ومر 1.5 سنة من بداية علاقتنا
نزلت اجازة جبت شبكة وكتبنا كتابنا وشطبت شوية في شقتنايدوب واطريت استلف مرتب شهر (انا اعمل بالخليج)المهم خطيبتى بكلمها من يومين بتقولى هنروح الشقة مع اخواتها وامها ومعاهم النجار وبتاع الالمونتال قالتلي هتبعت فلوس قولتلها مش قبل شهر كمان لانى دخلت جمعية كبيرة هقبضها ان شاء الله خلال شهرين المهم ثارت وزعلت وقالتلي انا اتخنقت مش بضغط عليك بس مش حابة انك تطلع صغير قدام اهلي مع العلم انا كده مشطب نص الشقة وفاضلنا 6 شهور على زواجنا بامر الله قالتلي مش هنلحق نشتري حاجتنا خاصة ان مامتها فهمتها انها مش هتجيب حاجة غير لما تخلص الشقة خدتها بالراحة وحاولت افهمها هي عصبية وطيبة بتقولى اختى قعدنا سنة نشتري في حاجتها وانت كده قدامك سنة كمان وانها زي ما قولت خايفة ما اطلعشي قد كلامى قولتلها دي ظروفى ودى استطاعتي قالتلي انا عارفه وانا مش مستعجلة قوى بالعكس انا هقعد كمان كام شهر مع امي المريضة بس علشانك محدش يكلمك وانت اتاخرت وعدتها اننا هنخلص في الفترة الباقية بامر الله ..طيب حد يفهمنى اعمل ايه حاولت اكلم امها وافهمها ان في حاجات كتير ممكن يشتروها قبل تجهيز الشقة روافع يعني رفضت انى اكلم مامتها بحة علشان المشاكل وخايفة ازعق معاهم انا اقدر اتصل بامها وافهمها ان بنتها بدون قصد بتضغط علي وانها لازم ترسيها وانا مش فاضي لوجع الدماغ كفاية غربتى ..طيب اعمل ايه
مشاكل الشباب قبل الزواج
خطيبتى مش رزينة وانا عصبي شوية
اضيف بتاريخ: Monday, January 14th, 2019 في 21:50
كلمات مشاكل وحلول: الخطوبة, الزواج, بنت, زواج
شوف يااخي مايجراش حاجة لودبرت حالك واستلفت لك من احد من زملائك في الشغل مبلغ وترسله لخطيبتك عشان تكمل به الشقة بتاعكم وتنتهى من الموال دا ماتزعلش خطيبتك واهلها منك ومافيش داعي للعصبية اوالتوتر اللي انت فيه دا كل مشكلة ولها حل باذن الله تعالى وربنا يتمم لكم بالخير ويجمع شملكم عن قريب ان شاء الله وعقبال الفرحة الكبيرة ياابو الشباب