عندي 26 سنة و خطيبتي حبيبتي عندها 24 سنة
كانت و مازالت ناجحة في كل مشاريعها، اجتماعية جدا و بتحب تساعد الناس و تنصحهم ، و طبعا كانت في الكلية ليها اصدقاء و اخوات من الجنسين ، طبعا كل حاجة بحدود بس اخوات يعني بيعاملوا بعض على انهم اخوات، يعني ممكن ينادوا بعض باسماء دلع او شهرة .
قلتلها ده كان قبل كده .. انا كراجل بغير على خطيبتي و ان شاء الله زوجتي ماقبلش ايا كانت الظروف و الاسباب يكون ليكي علاقة باي مسمى باي راجل حتى لو في وقت الجامعة كانوا اخوات و وقفوا وقفة اخوات
الحمد لله و ده من فضل ربي عليا .. خطيبتي حبيبتي اتغيرت 160 درجة مش 180 بالضبط
قطعت علاقتها بكل الشباب الل كانت تعرفهم في حدود الصداقة و الاخوة .. قلتلها انا اخوك و ابوك و جوزك انا كل رجالتك في الدنيا
المشكلة ان بغير عليها حتى من الهوا اللي بيعدي جنبها .. و ده مش لاي سبب غير اني و الحمد لله اخترتها تبقة زوجتي و ام اولادي … فينا حاجات كتير شبه بعض و في حاجات بنكمل بعض فيها.
المشكلة ان الشيطان بخليها كل ما ممكن يحصل بينا مشكلة .. تقول اعمل ايه تاني علشان ارضيك .. انا عايزة اعرف فيه ايه .. انا عملت كذا و كذا علشانك و انا كنت كذا قبل كده و علشان بحبك عملت كده
المهم اني لما اقولها ان اي حاجة اتعملت قبلي ممكن تفتح باب للشيطان المفروض تتعدم علشان انا بحبك و عايزك ليا انا بس. تقوللي انا كنت و كنت .. و كل ما توعدني انها فعلا مقتنعة ان كل حاجة فاتت كانت بتعملها من الفراغ و ان انا مليت حياتها و مش عايزة حاجة تاني.في اقل مشكلة حصل تذكر انها عملت و سوت … انا مقدرش انكر انها يااااااااه … غيرت من نفسها 160 درجة و الحمد لله انا متأكد انها بتحبني جدا و ان شاء الله فرحنا بعد شهور و بنجهز الشقة
بس ال 20 درجة دوول باب للشيطان يقولها ان انا بلغيها و بقهرها و بغيرها غصب عنها و انها كانت ناجحة و مشهورة و انا اللي دفنتها
مع اني بحب نجاحها و بساعدها في مشاريعها بس انا بغير من كل اللي كان قبلي و كل راجل خلقه ربنا على وجه الارض … احنا في زمن الاخ بيغتصب اخته و الاب بيقتل و يشرد ولاده
و انا بحبها اكتر من عمري
عايز رايكم يا جماعة في القصة الطويلة المملة دي
20 درجة دول بعد الجواز انتا كدا عملت انجاز…. وفهمها انت عملت كدا عشان انت بتحبها لدرجة الجنون و بتغير عليها من اى راجل حتى نفسك و انك يهمك انها تبقى ناجة و تفتخر بيها قدام كل الناس و قلها انهى الاحسن ليا انى اتجوز واحدة ناجحة ولا بتاعت فلافل
السلام عليكم …. رأى ان اى واحد ناوى يخطب يتأكد من خطيبته حاجه اساسية و صغيرة و هو تست صغير الا و هو …هل هى قابلة للتغيير ام غير قابلة للتغيير و مش مهم تغيرها و انت خاطبها لانك لازلت خطيبها … و يا سيدى بعد الجواز حتلاقيها طوع فى ايدك و طالما هى بنت كويسة و عارفة ربنا و دينها خلاص ما تحبيكهاش اوى لكن الغيرة شىء حميد لكن بالعقل يعنى لا افراط و لا تفريط… انا سبت واحدة كنت خاطبها لانى حسيت انها غير قابلة للتغيير و ربنا رزقنى بواحدة احمد الله عليها هى ام بناتى و ربنا يتمم بخير و ما تنساش تعزمنا على الفرح مع انى بكلمك من السعودية بس اخدلك اجازة
اخى الفاضل انت فى الطريق السليم ان شاء الله بسى ياريت مش تحاول تضغط عليه جامد علشان مش تجيب معاك طريق عكسيه شد وارى وربنا يوفقك بسى الشد يكون باسلوب رومانسى والحمد لله هى من كلامك بتستجيب معاك ربنا يوفقك انت وهى بسى اوعى تنسى تعزمنى فى الفرح بتاعكم ان شاء الله
شوف اخى الغيره مطلوبه بس مش باسلوبك لانو البنت لو بدها تخون هتخونك لو انت موجود جنبها بالبيت الحكايه مش فى انها تتكلم مع شباب ماهو ممكن تتصل على اى شاب وانت متعرفش ثم انت مش غيور باسلوبك ده انت مش غيور انت عندك حب التملك اكثر من الغيره انت قلت حاجه صعبه جدا الاخ بيغتصب اختو انت بداخلك هاجس صعب يتغير والى المفروض يتقوم هو انت مش خطيبتك لانها بمحض كلامك قلت انها اتغيرت 160 درجه وده صعب على انسان يتغير التغير ده كلو الا لو كان فعلا شارى الشخص المقابل لازم تعرف كمان ان كل انسان وله قدره تحمل لو استمريت على كده ممكن تكرهك وتمل من تصرفاتك الحكايه كمان مش انها اجتماعيه انت لو عرفت اى بنت فى العالم كلو بردو هتشك فيها لانها سمه بداخلك ولو تماديت فيها هتموت بالبطيئ من الغيره الى بتتملك كل مشاعرك انت لازم كمان تديلها الامان علشان تحس بحبك ومتحسش انها اسيره عندك البنت دى بتحخبك ولو تمادجيتك فى افعالك دى اعرف انها هتكرهك كره عميق واخيرا بقولك لما كل ده لسه فى الخطوبه فما بال لما تتجوزو دى ممكن تسيبلك البيت على الى فيه وترحل خلك واثق من نفسك وواثق من الانسانه دى ومتخليهاش تحس دايما انها عبده تحت رحمتك وشكرا
بجد احيك على روجولتك ونخوتك انت رجل فعلا شرقى محترم يعنى بتخاف على حرمة زوجتك فى المستقبل وربنا عز وجل يحب الرجل الغيور اللى مش ديوس ربنا يفرحك بيها ويسعدكم ودا حب ونخوة وانت شاب تستاهل الاحترام مع حبى وتقديرى لكم انتم الاتنين
لو عاوز نصحتى اتركها ولا ترتبط باى انسانه لانك انسان مريض عندك نقص بشخصيتك وبتشك حتى في اعز الناس ليك وانتااصلا اللى تعبك نجحها في شغلها ومشاريعها مش غيرة عليها وهيا باين عليها انسانه محترمه وبتحبك وعشان كدا اتغيرت ال160 درجه حاول انتا بقي تغير من نفسك ال20 درجه الباقين وانتا تبقي كويس يا شيخ لتقي الله في نفسك وفي خطيبتك وكون حنونعليها وكفايه اللى عملته عشانك وانتا مش عاجبك انصحك ان تذهب لدكتور نفسانى لكى تتعالج من مرض الشك وليس الغيره والله الموفق ولا تزعل من كلامى لان هذه الحقيقه
هو ده الحب ربي يسعدك فيها وبعدين ممكن لو كلمت حد مدام هي ليها في مساعدة الناس انتا تكلم الاشخاص الاولاد مكانها وتبقه مكانها في اي شي مع الشباب وبده هاتقطع الغيره من نحيتك وبجد انا هاحسدها اكده لانك بتحبها وبتغير عليها ربي يسعدك ويجعلها زوجة الدنيا والاخره ويعطيك منها الخلف الصالح ويبعد عنكم الشيطان يارب امين
عليكى بالدعاء والتقرب الى الله
ودائما ذكرها بالله
اعطيها شريط لاحد الشيخ ايلى ممكن تحب تسمعه
يكون فى وعظ وحث على العمل الصالح
بس حاول تحسسها انك بتثق فيها اوى
وربنا يوفقكم
احمد ربك وعيش وصلي وخليه تصلي وشيل من دماغك كل الاشياء دية انته في نعمه
انا والله معاك ف كل حاجه وعلى فكره انا دلوقتى عندى 17 سنه وانا عندى الغيره القاتله الى ممكن لو اتجوزت مطلعش مراتى من البيت ابدآآآآآآآ لذلك انا بيوسوسلى الشيطان انى افكر متجوسش ابدأ علشان متعبش الى هتكون شريكت حياتى ولكن اقترحت الموضوع دا على اهلى وقالولى انى ممكن على وقت قريب بعد الكليه اخلص واتجوز على طول انت بقى حللى المشكله دى بقى اعمل ايه اعمل ايه
ربنا يكرمكم ويكملكم على خير وتفضل تحبها وتحطها فى عنيك العمر كله اولغيرة ديه شىء عادى بالنسبة لاتنين يحبو بعض وبرده المفروض تشد وترخى مش على طول تشد وصدقنى هيا من نفسها هتكون مبسوطه من غير متيقى شادد عليها