انا عمري الان 26 سنة وخطيبتي سنها الان 17 سنة وأنا وهيه مخطوبين بقلنا سنة ونص، احنى قرايب والمشاكل كتيير بسبب انها شايفة اني بتكلم معها في حاجات تافة واني بكبر المواضيع مثلا انها ممكن لاتبادلني الاهتمام في المكالمات يعني انا ممكن اتصل بيها ومتردش والاقيها تاني يوم بترد والحجج انها مسمعتش التليفون ، ومشاكل تانيه اني في معظم الاوقت بحس منها بعدم الاهتمام وده بيدايقني جداا وسعتها يكون ردها انها متعرفش او مش حابة ده ،وشاكل تالتة بسبب قلة الكلام في الحب من طرفها حاولت معها كتيير واحده واحده وافهما وبردو بحس منها في تقصير شديد من نحيتها لدرجة ممكن توصل احيانا اني قول كلمه حلوه زي بحبيك أو وحشتيني والمقابل مفيش رد ولما اسألها ليه كده تقولي مكسوفه او مش عارفه اقول ايه مع انها كانت قلت قبل كده انها بتحبني وبلاقيها على الواتس اب ماشاء الله مفيش خجل او كسوف في مشاعرها وبقيت حاسس انها مبتحبنيش بجد وان ده حب مراهقة وانها ممكن لما تكبر معاية تحس انها مبتحبنيش بجد وده مسببلي قلق شديد ياريت اسمع نصيحتكم
مكسوفه إيه وبتاع إيه دي لو بتحبك كانت ما تصدق تلاقي رنتك على تليفونها.دي لو صاحبتها رنت عليها تلاقيها بترد في ثانيه..شوف حلك الوحيد انك تنهي الموضوع ده بهدوء وتشوف واحده تتناسب معاك وقريبه من تفكيرك وتفهمك وولاد الحلال كتير وابعد عن شغل المراهقات التافه ده اسمع الكلام هتندم لو كملت وهتسوء الأحوال اكتر من كده أضعاف وربنا يوفقك ويرزقك ببنت الحلال.
هي فعلا مكسوفه وممكن عشان ماحبتش قبل كده وعشان انت قريبها كمان وطبعا بتكون احسن ع الواتس
عشان ولا شايفاك ولا سمعاك ف بتقدر تكون براحتها وده يثبتلك انها بتحبك وانت ممكن تستغل موضوع الواتس ده انك تكتشفها اكتر