أتعرفت عليها فى الكلية و قعدنا مع بعض لمدة ستة سنين مرينا بتجارب حلو و وحشة هى بتحبنى لدرجة غريبة و بتسمع كلامى و عمرها ما زعلتنى اما انا مش عارف احكم على مشاعرى لو سئلت عقلى يقول ان انا لازم اكمل معاها على اساس ان هى بتحبنى و مستقبلنا شبه بعض بس المشكلة ان خلال فترة ارتباطنا ببعض ساعات كان بيجى عليا اوقات كتير ببقى عايز انهى العلاقة بس حبها ليا و اصرارها عليا كان دايما بيرجعنى و ساعات ببقى حاسس ان انا بحبها المهم ان انا اتخرجت و اشتغلت و رحت خطبتها بس لسا لحد دلوقتى بيجيلى نفس الاحساس و من غير اى سبب منها وبلاقى نفسى بتغير يعنى كلامى معاها بيبقى زفت و مفيش كلام حلو و لما بتيجى عليا الفترة دى ببقى حتى مش طايق اسمع صوتها و بلاقى نفسى بتشد لاى بنت تانية أحلى منها و ببقى عايز اروح اكلمها بس اخلاصى للعلاقة بيمنعنى انى اعمل اى حاجة ممكن تقلل منها لأن انا موءمن جدا انه كما تدين تدان . أنا بجد مش عارف انا بحبها ولا لأ و مش عارف أكمل ولا لأ بس اللى عارفه ان انا تعبان اوى و لازم اخد قرار خايف اكمل و نتجوز اظلمها و أظلم نفسى و خايف اسيبها اجرحها و ممكن يحصلها حاجة و انا ملاقيش حد يحبنى زيها و ملاقيش حد احبه. انا حتجن و محتاج مساعدتكم
بص ساعات بيبقي مستحيل انك تقدر تحب واحده ومش حالتك دي اللي كدا لانك لو مستحيل مكنتش هتقدر علي ال 6 سنين دول
بس مشكلتك انك طماع وعايز اللي يتعبك والبني ادم بيقدر اللي بيعذبو مش اللي بيريحو زي مبتعمل معاك…ليك حل وبجد هيعيشك حياه سعيده فعلا انك تقرب من ربنا وترفض تماما فكره انك ترتبط او تبص لغيرها لانك راجل لو فضلت تبص لغيرها حتي لو هتموت عليها دلوقتي لما يهدي احساسك شويه هتيجي لنفس المشكله دي بعد الجواز
النفس محتاجه (تهذيب ) عشان تقدر تعيش راضي وسعيد باللي معاك
ابعد عنها وقت وابتدي ابني نفسك من جديد علي الصح وانك مش هتبص ابدا لحد غير اللي معاك وبعدها ارجع بصيلها تاني واديها اكتر مبتديك واعتبرها مراتك في الوقت دا وشوف لو قدرت ترتاح اكيد كمل …بس المشكله فيك انت وفي عدم رضاك وفي نفس الوقت معني الارتباط قليل اوي عندك لو اعتبرت ان ارتباطك بيها جواز فعلا يعني اعتبرت نفسك متجوز هتفرق بس احساسك بان دي حاجه تعرف تنهيها بكلمه واحده بيهون عليك الارتباط دا
راجع نفسك لانك هتتعب اوي في حياتك لو سبتها لانك غلطت غلط كبير اوي انك علقتها 6 سنين حتي لو سامحتك حياتها هيا هتتبهدل مش اقل من 6 سنين زيهم البنت لما بتحب صعب انها تطلع اللي بتحبو من دماغها لانها مش زيك خاااااالص معني كلمه ارتباط عندها قليله وتنفع تنتهي في يوم وليله
يااخي البنت تحبك وانت تبحث عن وحدهاغيرها وماهو الضمان اذا عثرت على البنت اللي في بالك هل تحبك مثل حبتك هذه البنت ؟ يااخي استمر مع هذه البنت ولاتتركها ابد والله يوفقك انشا الله اني اللي احكي معاك احب بنت معي بالجامعه بس هي ما حاسه بالحب واني حسستها لكن هي ما اعرف ماذا اقول … اتمنى يكون حبها الي نفس ما تحبك البنت اللي عندك اتمنى…..الله يوفقكم انشا الله
عيب عليك يابني تعمل في البنت كل داه ذنبهاانهااحبتك دون كل الشباب واعطتك مشاعرها وف الاخربعد6سنين جاي تقول انك مش عاوزهاوالكلام الفارغ دا اللي تقوله كنت فين من الاول لومش عاوزها صارحهابلاش تلعب بعواطف ومشاعربنات الناس ربي يهديك ويبعدعنك شرنفسك
لاااااااااااااااازم تبعد عنها فتره طول منتوا قريبين كده مش هتعرف تقرر صح ابعد تماما عنها ولا تكلمها ولا تشوفها فتره واكيد هتعرف وتتاكد من شعورك لو نفسك تشوفها وتسمع صوتها ولا مش فارقه معاك وكنت مبسوط من عدم وجودها وفي اي حاله صدقني مفيهاش ظلم ليها لانك لو مكنتش بتحبها واستمريت معاها هتبقي بتظلمها فادي لنفسك فرصه للبعد شويه وفكر بهدوء واكيد هتوصل لقرار وربنا يوفقك
الاخ الكريم طيب انت ذكرت انك مؤمن بمنطق كما تدين تدان طيب ليه سكت عليها 6 سنوات ولم تتركها وكما ذكرت انها بتحبك وعمرها ما زعلتك انا اعتقد ان فى بعض الناس وحضرتك منهم لما تكون فى يده شئ جميل وغالى وثمين لا يعرف قيمته لانه ملكه اما ان ضاع هذا الشئ او ذهب لشخص اخر ساعتها نعرف قيمته سا راجل يا طيب انت عارف مده 6 سنوات وبنت منتظراك وبتحبك وتيجى انت دلوقتى وتقول لا ننفصل يعنى ممكن تعمل فى نفسها ايه طيب هل ترضى ذلك لاختك او بنتك ان شاء الله فى المستقبل اعتقد لا يا اخى ربنا اقسم لك الخير وانت تتبطر عليه انا حقولك كلمه واحده فقط اياك والظلم وخاصه مع النساء اقسم بالله لو ظلمتها لربنا يبعتلك واحده تنكد عليك حياتك وده مش كافى فقط بل اياك وعقاب السماء والظلم ظلمات يوم القيامه وانا انصحك ان تتوكل على الله وترضى بما قسمه الله لك واياك ودعوه الكظلوم فليس بينها وبين الله حجاب وربنا يوفقك
بص انا هقولك على حاجة اى علاقة فى الدنيا لما بتمر بفترة طويلة بيصيبها الرتابة والملل والزهق وبطبيعة الشاب المصرى الى مش عينة زايغة خالص طبعا عاوز يشوف جديد وكمانبيوضع حبة فى مقارنات مع حب تانى وفى تلك اللحظة اعرف انك مش بتحبها عشان الى بيحب مش بيشوف فى الدنيا غير حبيبة بس ………… .احنا دلوقتى قدام مشكلة لو سبتها هبقى ظلمتها اوى وممكن اجرحها جرح كبير ………..طيب ولو كملت كدة يبقى بظلم نفسى ةوممكن العلاقة دى متكملش خالص بعد الجواز ……… يا صاحبى هية واضحة اذا كنت انت بتفكر كدة قبل الجواز امال بعد الجواز هتعمل اية معلش لازم تاخد قرار ولازم تحدد مصيرك لحسن تندم طول عمرك ..