مشاكل الشباب قبل الزواج

عاوز افسخ الخطوبه ومحتار

انا اتخرجت من الكليه واتعينت مامور ضرائب واثناء عملى تقابلت مع اخ واخت له يعملون فى مكتبهم الخاص ” مكتب محاماه وخبراء ضرائب ” وكانوا بيتعاملوا معانا كتير … وبعد فتره اعجبت بهذه البنت وباخلاقها وعرضت عليها ان اتقدم لخطبتها فوافقت عليا فى وقت كان يتقدم لها الكثير من العرسان حسب اقولها … وبالفعل خطبتها وكان اول شهرين تمام وكويسين جدا مع بعض وكنت اشوف هى بتحب ايه واعملوهلها واتفقنا نكون اتنين فى واحد مع بعض ونسمع كلام بعض وكنت متوقع انها هتعمل اى حاجه عشان بتحبنى زى منا كنت بعمل اى حاجه عشان بحبها وفات اول شهرين من الخطوبه ومع بدايه الشهر التالت بدئت اطلب منها بعض الطلبات وهنا فوجئت بان دمغها ناشف جدا وان ليها مبدأ ” انها لم تعمل شيئ الا اذا كانت مقتنعه بيه حتى لو ايه “” فى حين انه ليس لديها مبدا ان تسعد خطيبها وتعمله الحاجة ال بيحبها طالما طلبه صح مش غلط … فطلبت منها تلغى لبس البنطلونات تعبتنى على ما اقتنعت … وبعد كدا طلبت النقاب رفضتوا وقالت لأ طبعا دا انا رفضت واحد قبلك عشان طلب منى النقاب …. وبعد كدا طلبت منها تطول الطرحه شويه وتلبس طرح طويله بردوا تعبتنى ومرة تلبس طرحه طويله ومرة لأ …. وفى يوم من الايام اخوها احتك معايا فى ملف بصفته محامى وخبير ضرائب وبصفتى انا مأمور ضرائب واختلفنا فى الملف وحصل شبه زعل منه ليا مع انى كنت متوقع انه هيفرح لما يلاقى خطيب اخته شايف شغله كويس ومش بيبيع ضميره ولما اتحكى الموضوع لاخته طلبت منى ان اسهل الامور لاخوها فى الشغل قلتلها فى حاجات ما ينفعشى عشان ضميرى ودا غلط قلتلى دى حاجه عاديه مش حرام ولا حاجه .. قلتلها طب لو الترصف دا ينفع اعمله مع حد تانى غير اخوكى قالتلى لأ قلتلها طب ليه عاوزانى اعمله مع اخوكى قالتلى عشان لازم تكون واثق فيه …. ومن هنا بدات احس انى قربى منهم فى العمل هيخلق مشاكل كتير حتى بعد الزواج وبدات اخاف اكتر ….. ومن هنا لاحظت ان دماغها ناشف جدا وعنيده جدا وعصبيه جدا ومش بتسمع الكلام بسرعه بحجه انها لازم تكون مقتنعه مع انى احيانا ببقى مش مقتنع بحاجه وبعملها عشان دى خطبتى ودا حقها عليا … ولما جيت اطلب منها انا لائيت العكس تماما … واصبحنا غير متفاهمين … وبئينا بنزعل من بعض كتير يمكن يوم ويوم انام زعلان بسببها ….. مش عارف اعمل ايه ؟؟؟ افسخ الخطوبه ولا لألأ؟؟؟؟؟ مع العلم انها كانت مخطوبه مره قبل كدا ….. وخايف اظلمها رغم انى تعبان معاها …. وبصراحه هى محترمه واخلاقها عاليه … بس عناديه ودماغها ناشفه ومش بتسمع الكلام بسرعه وكتير بنام زعلان ومتنكد عليا بسبب المشاكل معاها يمكن يوم ويوم ….. افدونى اكمل معاها رغم انى تعبان وبكدا هبقى ظلمتها لانى ما بقتشى بحبها زى الاول لانها نزلت من نظرى بعد تصرفاتها دى كلها ؟؟ ولا افسخ الخطوبه رغم انى خايف من كلام الناس عليها لانها كانت مخطوبه مرة قبل كدا وخايف اوقف حالها ؟؟؟؟؟ افدونى لانى تعبان جدا

مشاكل وحلول ذات صلة

اضيف بتاريخ: Tuesday, September 26th, 2017 في 21:57

كلمات مشاكل وحلول: , , , ,

ردود to “عاوز افسخ الخطوبه ومحتار”

  1. الراجي عفو الرحمن
    27/09/2017 at 17:46

    أخي.. ما تفكر فيه هو الصواب بعينه، فهذا يعني أنها ستتعبك كثيرًا بعد الزواج، فالمرأة مُطالبة بطاعة زوجها في كل الأمور طالما في غير معصية الله، وهذه لا تُطيع إلا رأيها حتى ولو كان مُخالفًا لكلامك، وذلك مُنافٍ لأبسط قواعد الشرع.. أما بالنسبة للنقاب فقد أقرّ كثير من العلماء بأنه ليس فريضة، ولكن هناك من أقرّ بفرضيته وأوجبه في حالة ما إذا كانت الزوجة من النوع الذي يتمتع بجمال بارع أخّاذ يجذب الآخرين ويتسبّب في فتنتهم، وهذا الأمر أولاً وأخيرًا عائد إليك.. أما الحجاب الطويل فهو الشرعي والواجب على المرأة اتباعه، وأنت لك كل الحق في طلبك.. أما قلقك بخصوص (إيقاف حالها) كما قلتَ فلا تقلق حيال هذا الأمر، فكله أولاً وأخيرًا نصيب من المولى عز وجل، ومن لك نصيب في الزواج بها فلن يأخذها غيرك وبالمثل بالنسبة لها.. فإنْ كنتَ قد فقدتَ رغبتك بها فخير ما تفعله في حقها هو فسخ خطبتك بها دون إبطاء، فهذا أرجح الحلول وأقربها للصواب.. وقبل أيّ شئ عليك بصلاة الاستخارة، وبالتأكيد سيريك الله طريقًا مُنيرًا يطمئن إليه قلبك فتسير فيه دون وجل ولا خوف ولا قلق..

اترك رداً أو حلاً لهذه المشكلة