سريعا احب ان اخبركم بقصتى لعلى اجد ردا على مشكلتى ييريحنى غير الرد الاعتيادى الذى اسمعه من جميع ما اخذت ردهم .انا شاب ابلغ من العمر26 سنه قبل عدة سنوات فرحت بشبابى وشكلى وجسمى ورحت اعرف دى واكلم دى كلة فى سبيل المتعه والتسلية ولاكن لم احس بالاحاسيس التى كنت اسمع عنها من قبل وهى الحب الى ان جائت اللحظة المهمة فى حياتى تعرفت على فتاه جميلة ورقيقة المشاعر وقلت هذه لى ولم اعلم ماذا يخبىء لى القدر وفضلت على ما انا فية وهو حبى لها وفرحتى انى مقطع السمكه وديلها واعرف دى وبخرج مع دى
هى حظرتنى كذا مرة لحد لما سفرت الى بلد خليجية واشتغلت وقولت اكون نفسى ولما رجعت اهلها موفقوش بيا بس هى كانت موافقة المهم كان فى واحدة معايا فى شغل قديم فى مصر كلمتنى لما عرفت انى جيت واتقبلنا وكانت عارفة انى بحب واحدة تانية ودفعتنى على انى اغلط معاها كذا مرة لحد مصدمت بمنظر دم غشاء البكارة بتعها مع انى مبحبهاش او مقدرش اعيش معاها وحاليا نفسيتى زفت وبقيت اشرب مخدرات وصحتى فلنازل مع العلم انى مازلت التقى بها حتى الان وامارس معاها كأى زوجين بس مش قادر اخطو خطوه نحو الزواج افيدونى افادكم الله.
سوري بس كما تدين تدان
التسليه الي كانت مع بنات الناس ربنا بيردهالك دلوقتي
احمد ربنا ان ربنا مش هيردها في بناتك
اتقى الله يا اخي واتركها واترك الحرام وتوب الى الله انت هيك عم تغلط وبتغلط ومش رح تقدر تعيش الله يهديك
بص اخي الكريم ياريت ما تصلحش غلط بغلط اكبر سيبك من المخدرات والكلام دا كله
حرام عليك نفسك وشبابك انت مسؤل عليها وهتتحاسب عليها
وبالنسبه للبنت اللي بتحبها اهلها رفضوك فا خلاص اقطع علاقتك بيها علشان مش هينفع تتجوزها من ورا اهلها
وبالنسبة للبنت اللي غلط معاها فا هقولك كلمة واحده بس كما تدين تدان فا خاف ربنا في زريتك ربنا يحفظها من كل سؤ يارب فا تزوجها ولو لقيت نفسك مش عارف تحبها او تعيش معاها بما يرضي الله فطلقها وبالنسبة للناس اللي بتشرح الاية غلط فا احب اقولكم ان تفسرها ان ما فيش واحد هيزنى لوحد انما هيزنى مع بنت والزانيه مش هتعمل كدا لو حدها لازم في زانى
يعنى مش ولد زنى في فترة وبعد كدا ربنا رزقه وتزوج فا يجب ان تكون زوجته دى زانيه
الزنا مالهوش علاقه بالزواج انما احنا بننصح حضرتك بزواجها لسترها ولستر ذنبك ربنا يستر عليا وعليك وعلي امة سيدنا محمد صلي الله عليه وسلم يارب
شكرا ليكم جميعا بس فى نقطة ممكن مكنش وضحتها فى مشكلتى المشكله فى اللى بتحبنى مش مريحانى نفسى تقولى كل واحد فينا ييروح فى طريقة لاكن لللاسف انها رفضا تماما فكرة انها ممكن توافق على اى واحد غيرى وانا دلوقتى مش عارف اعمل اى حاجة فكرت اصارح امى واقولها على نصبتى بس للاسف ملقتش منها كلمه تريحنى والبنت اللى غلط معاها عارفة ومتأكدة انى مبحبهاش بس بتقولى انا هتغيرلك بس اتجوزنى هى خايفة جدا وسابت شغلها ولبست النقاب وبرضو نفسيتها زفت
انا هقولك حاجه وحده بلاااااااااش تكبر الموضوع خلى دايما زمام الامور فى ايدك وانت اللى بتتحكم فيها خليك عاقل كده وسيبك من الشرب والزنى والكلام ده كله وخليك متأكد ان مافيش حد هيعينك غير ربنا لو بقيت جدع بجد وقربت منه بتوبه صادقه ونيه سليمه هيوقفك جنبك وانا رايى انك تتجوز اللى غلطت معاها دى حتى لو مش بتحبها انت غلطت ولازم يكون فيه عقاب ولازم تتحمله وزى ماقولتلك ما تهملش الموضوع لحد مايوصل للكبار ووقتها هتعمل اى حاجه غصب عنك او هتفتح مشاكل مش هتعرف تقفلها ربنا يعينك يارب ويهديك
هو واضح انك من النوع اللى بيحب ياخد كل حاجة ,يعنى بالرغم ان ربنا رزقك الحب الحقيقى و اللى فى حد ذاته نعمة ,الا انك استمريت فى علاقاتك التانية عشان ماتخسرش حاجة,ودلوقت انت برده مش عايز تخسر و عايز تتجوز الواحدة المثالية اللى بتحبها و فى نفس الوقت تريح ضميرك من اللى مش بتحبها,و من هنا يبدأ الحل ,انك لازم تعرف ان محدش بياخد كل حاجة و لازم حاجة تنقص فما بالك انك كمان غلط ,مش لازم تدفع تمن هذا الخطأ ؟الزانى لا ينكح الا زانية ,اتجوزها و حاول تعيش معاهاو مش لازم ده يكون على هواك ,مفيش مانع انك تغصب نفسك احيانا ,ماهى الدنيا مش حتمشى على مزاجنا ,و ساعتها عالاقل ضميرك حيرتاح,هى صحيح هى كمان غلطانة زيك تمام لكن انت بتكفر عن ذنبك انت ,لان حتى لو هى مذنبة ده مش حيشفعلك ,يبقى توب كدة و استغفر الله من قلبك واتجوزها يمكن بالعشرة تتغير و تحبها او حتى اذا انفصلتو تبقى عملت اللى عليك بس متنساش انك لازم تعاشرها بالمعروف و متفكرهاش فى الرايحة و الجاية بذنبها و انك واخدها غصب ,وربنا يصلحلك الحال
لازم تتجوزها لأنك كده زاني ولازم تكفر عن ذنبك قال تعالي
الزاني لاينكح الا زانية
صدق الله العظيم
وياريت متقربلهاش تاني الا في الحلال لحسن تفوجئ بعدين انها حامل
اتقي الله
بص يا سيدي
انا مش هقعد اقولك انتا غلطان من الاول والكلام ده كلو لان اكيد انتا عارف انتا غلطان اد ايه ف انك زنيت وكده
بس اول حاجه تعملها دلوقتي انك تحاول تصلح من حياتك يعني اول حاجه تنوي التوبه لربنا وانك مش هتزني وتغضبو تاني كل الناس عندها شهوه لاكن لازم نعرف نتحكم فيها
تاني حاجه انتا دلوقتي يعتبر دمرت حياة البنت اللي مش بتحبها دي الحل الوحيييييد انك تصارحها بكل حاجه قولها انا مش بحبك وكده شوف ايه اللي يرضيها وغالبا هتقولك اتجوزني وطلقني بعدها علطول عشان يبقى فس سبب لانها متبقاش بنت
تالت حاجه المخدرات ابدا مش وسيله للنسيان دي طريق انحراف وضياع وانتا لسه ف عز شبابك حرام عليك نفسك
صدقني لازم تبتدي تصلح حياتك حاجه حاجه ابتدي باللي تقدر عليه وربنا معااك
صصصح النوم ياأخي تزوجها المهم طاعة ربنا وربنا أن شاء اللة يعوضك خليك راجل