مشاكل الشباب مع البنات

مش عارف اعمل ايه حاسس انى تايه

انا شاب عمرى 26 سنة كنت بكلم واحده من على النت وحسيت انى بحبها اعترفتلها بكده قالتلى خلينا اصدقاء وعدتها بكده واتعرفت على واحده تانى وحبيتها وحبتنى بجد واتفقنا اننا نكمل حياتنا مع بعض .لاكن والدى كان قد اختارلى واحده من البلد بصراحة انا عارضتة بس مقدرتش اقنعه وخفت اقوله انى بحب حد معين لانه كان هيعاند معايا .خطبتها بس مقدرتش اقول للانا بحبها.وضحتلها حاجه زى ديه قالتلى متخسرش اهلك وسابتنى فى الوقت اللى انا كنت محتاجها توقف فيه جنبى يمكن اعرف اخلص من المطب ده .وقالتلى مش هينفع اكلمك بعد كده.رجعت تانى للى كنت بكلمها على النت .ومكنتش بعرف اكلم خطيبتى على التلفون ولو كلمتها مكنتش بعرف اقولها ايه عادى يعنى حاولت اتفهمها واحس بيها مقدرتش.فرجعت للبكامها على النت فضلت فتره معاها بكلمها لحد ما هى قالتلى انها بتحبنى من سعت منا اعترفتلها بحبى بس كان خايفة تخسرنى.قولتلها وانا كمان .بس انا من جوايا كنت حاسس مش قادر انسى حببتى اللى كنت بحبها وبتحبنى كل نمكان رحته معاها بدور عليا فيه ..

مش عارف اعمل ايه حاسس انى تايه ..؟؟
ارجو النصيحة.

مشاكل وحلول ذات صلة

اضيف بتاريخ: Sunday, December 5th, 2010 في 10:19

كلمات مشاكل وحلول: , , , , ,

12 رد to “مش عارف اعمل ايه حاسس انى تايه”

  1. حب النت ضياع
    22/11/2013 at 12:43

    حب الانترنت مضيعه للوقت وكثره فراغ الحب موجود وسط اهلك ونساك والمنطقه الى اتولدت فيها غير كده يبقى حب تسالى ولعب بمشاعر الاخريين

  2. على الشاعر
    17/06/2013 at 20:02

    اولا الحب اللى على النت حب غير شريف وانا عمرى ما هثق فى الانسانه اللى اتجوزها من على النت ثانيا البنت اللى انت بتحبها لو انت بتحبها فعلا كنت عملت المستحيل عشان تقنع اهلك ثالثا البنت اللى انت خطبتها دى لو متحبهاش سبها تشوف نصيبها مع انى متاكد انها حبتك ارضى بنصيبك وعيش حياتك بقى انت مش صغير على المراهقه دى

  3. smsm
    08/12/2010 at 00:56

    اولا شكرا على تعليقاتكم الجميلة دى ..
    ثانينا انا مش ماشى بحب على نفسى ولا حاجة ولا النت وسيلة مش كويسة لان الناس اللى على النت حقيين مش بلاستك فيهم الكويس وفيهم الوحش مش شرط الوسيلة اهم حاجه انى اختار صح .
    ثالثا انا انسان عادى كنت بحلم زى اى شاب انى الاقى حد احبه ويحبنى .لاكن القدر انى احب واحده .وواحده تحبنى .واخطب واحده تانى خالص.
    ال.بتحبنى اوعجبت بيها من الاول بس هى قالتلى خلينا اصحاب.لانها مش عاوزه تحب حد لانها مرة بتجربه فاشلة.وجت بعد وقت عده كنت اتعرفت على واحده وحبتها وهى كمان حبتنى.فضلنا مع بعض فترة كبيرة.روحت البلد لقيت والدى بيقولى انا هخطبلك .وخطبت واحده غيرهم
    .مش عارف بجد ازاى اتصرف

  4. ا/نهله طلعت
    07/12/2010 at 13:06

    الواضح انك ماشى تحب على نفسك وعلى فكره انت مش بتحب حد اساسا وانا حاسه انك فاضى لاكثرت العلاقات دى وكمان ايه النت دا هو بقى حب دى كلام فاضى انت عاديت سن المراهقه ارجع الى ربنا سبحانه وتعال وابعد عن كل دا واتقى الله (نهله طلعت)

  5. خديجه
    06/12/2010 at 23:21

    اخى الفاضل واضح انك مشتت فعلا ومش عارف انت بتحب مين وعايز مين الاولى اللى قالتك خلينا اصحاب اشمعنا دلوقتى عايزة ترجع تتكلم .. وانت بتكلمها على اى اساس ف الأولى انت ترتبط بمن تحبها .. اما بالنسبه للفتاه خطيبتك لازم تكون متأكد من قبولك لها واستعدادك بالجواز منها والا سوف تظلمها معاك وساعتها باباك حيعمل ايه حياخد ذنب البنت دى ..دى حياه والله اعلم تطول ولا تقصر لا زم تكون متأكد من قرارك .. اما بالنسبه للتعليقات السلبيه للارتباط من النت انا فى رايي شايفه انها وسيله من وسائل التعارف وليس بالضرورة اننا نشكك فى اخلاق من يستعمل النت فى الارتباط . ربنا يوفقك

  6. الحب لا
    06/12/2010 at 10:13

    الحب اكبر مقلب تخده من صحبتك نصيحه قول لالا لي الحب

  7. مونتى
    06/12/2010 at 02:56

    للا لاالنت يعتبر وسيله زى اى وسيله ممكن اتنين من خلاله ويحبوا بعض وبيتجوزوا كمان لانه زيه زى جواز الصالونات بالظبط

  8. smsm
    06/12/2010 at 00:51

    طيب واللى كنت بحبها الاول وسبنا بعض حاسس انى لسه بحبها .ومش عارف احب خطبتى .اعمل ايه

  9. اسراء
    05/12/2010 at 19:59

    يا قلبي…متخليش قلبك زي اللعبه شويه مع دي وشويه مع دي لازم تقف مع نفسك وقفه وشوف انت من جواك عايز ايه بالضبط لان الحب والجواز مش لعبه لازم تتجوز اللي انت عايزه بجد مش اللي باباك عايزه ولو انت مقتنع براي باباك يبقي خير لانهم طبعا اكيد بيختارو لنا الصح اما لو انت مش مقتنع خالص..يبقي حرام عليك انك تظلم غيرك بدون قصد منك…اقف مع نفسك وقفه وخد القرار الصح واتحدي بيه الدنيا كلها لان دي حياتك

  10. مدرس ثانوي
    05/12/2010 at 18:58

    انصحك ابتعد عن كل من هم بالنت حتى لو كويسه منعا للفتن بعد ذلك . وخليك في الزوجة اللي اختارها والدك لانه اكيد هيختارلك اللي يناسبك طالما انك مش قادر تختار . وحاول تتحكم في عواطفك شوية

  11. enas
    05/12/2010 at 17:00

    انت بتقول ان انت بتحب البنت اللى كانت عالنت بس كمان قولت انك سيبتها فتلره ورجعت تكلمها يعنى انت المفروض متعتبرهوش حب انت بتحاول تشغل فراغك او لقيت حد فيهمك يعنى نفترض انك اتجوزت البنت بتاعت النت هينفع تامن لها على بيتك وعلى نفسك ماهى ممكن تكون بتكلمك ولما بتسبها يتكلم الف غيرك صدقنى ابعد عنها وابتدى حياتك من جديد

  12. ♣♥♣ فارس ♣♥♣
    05/12/2010 at 12:51

    مشكلتك الحقيقيه انو انت مش قادر تفرق بين الحقيقه والخيال النت ده مجرد قصه فى كتاب بنفتح الكتاب ونقرا القصه القصع بتشدنا كتير ممكن نبكى واحنا بنقراها وبنتاثر بيها كتير لاكن بالنهايه يه مجرد قصه من واقع الخيال حبيبتك الى بالنت قالتك من قبل كده خلينا اصدقاء لانها بتحب غيرك على النت وكلمت الاف غيرك على النت ومش انت يعنى الفارس المغوار الى اقتحمت قلبها المشكل انو انت رجعتلها فى وقت فراغ عاطفى هيه بتعيش فيه لذا قالتلك انا بحبك حاول تقفل الكتاب وتقول لنفسك القصه انتهت وعيش الواقع الحقيقي وابعد عن الخيال الى ممكن يدمر حياتك لانو النت بالضبط زي المورفين بل اقوى وشكرا

اترك رداً أو حلاً لهذه المشكلة