مشاكل الشباب قبل الزواج

اخترت خطيبتي ومش عاجبة اهلي

السلام عليكم ….
انا طالب بكلية التجارة وعجبتني واحدة معايا في الدفعة ووضعنا المالي ميسور الي حد ما
فكلمت ابي عليها فلم يعترض وما من ايام حتي وجدتة اتفق علي كل حاجة وبيقولي بكرة قراءة الفاتحة
ولكن المشكلة ان امي لم تراها حتي ذلك الوقت
فرحنا لقراءة الفاتحة وذهبت امي واعمامي وعماتي
وفوجئت لما خلص الموضوع وبتناقش معاهم تاني يوم
ان مفيش حد عاجباه العروسة
امي اول ما شافتها مقدرتش تفرح وطلعت عيوب فيها كتير
اولا انا اسمر شوى
فقالت تبقي انت وهي سمر
وتخلفو ولاد سمر
وهي مش حلوة وتقسيمة وشها مش حلو
وبقها واسع
وكذلك مععظم رأي اعمامي ولكني
قابلتها تاني يوم علشان اقارن كلامهم مخصوص
فلقيت فعلا بقها واسع ووشها علي حسب رأي مش وحش ومش جميلة قوي بس مقبول
وجسمها مقبول لا هي نحيفة ولا تخينة ولا طويلة ولا قصيرة مناسبة لطولي
وحاولت اقنع امي وامي مش بتطيقها
وعاوز اخدها انا ونصيبي خايف بكرة وبعدة الاقي حد من اخواتي جاب واحدة احلي منها وبيضة اغير وابدأ ابص برة
خايف من بكرة في كل الحالات
خايف اخدها متتفقش هي وامي وتعيشنا في نكد
خايف اسيبها مقدرش لاني حبيتها
بس برضو خايف من بكرة لانة يامة ناس اجوزو علي حب وبعد كدة الراجل يلاقي اللي احلي من مراتة فيعيش في نكد ويبص برة
وممكن يفكر في الزواج
مش عارف اعمل اية مع العلم انها بنت ناس كويسسين وبشهادة اهلي كلهم
ومحترمة ومش بتاعة غراميات ولا حاجة يعني ليا لوحدي
ودي اول تجربة ليا مع الجنس الناعم بكل طرقة
اول وحدة اكلمها واقعد معاها واطلع معاها ومش عاوز اقول اول واحدة احبها بجد
وتفكيرها ناضج …. بس زيادة عن اللزوم فدي حاجة محيراني
مشش عارف دلوقتي افسخ الخطوبة علشان ارضي امي واهلي
واجيب اللي ترضيهم
والا اخد دي ويرضو بالامر الواقع
بس خايف من بكرة
مع العلم ان مفيش حد يقدر يعارضني في قراري اللي اخدة بس كلاممهملانصيحة ومتلومش غير نفسك
وابويا مش راضي يقول رأي مفيد بيقولي براحتك انت اللي هاتعيش وتنام معاها طول حياتك ودي شريكت حياتك واللي هاتقررة انا هانفذة ليك
فيا ريت تفيدوني بالحل المريح
علشان الامتحانات قربت ومش عارف اذاكر ومش عاوز اوضحلها حاجة علشان متتأسرش
ومحتار ياريت تفيدوني باسلم حل ولكم جزيل الشكر