الموضوع وما فيه اني ماكانش ليا علاقات مع البنات قبل كده خالص و كان نفسي احب و اتحب زي اي شاب في مرحله المراهقه (مع العلم بأن سني 18 سنه)………..وفي يوم دخلت علي برنامج شات كان واحد صاحبي قالي عليه…….صاحبي ده عرف واحده ع البرنامج و قالي ع اللي ناوي يعمله فيها انا كمسلم حرجت عليها عشان من ديني……حذرتها منه….ومسحته من عندها….علاقتنا اتطورت وبقينا نتكلم كل يوم ولاحظت انها بتزعل لما انشغل عنها ثانيه واحده…..مرت الايام وصارحنا بعض باللي في قلبنا….كلمتها في التليفون لمده 8 شهور…..اقسم بالله حبيتها و لسه بحبها جدا…….المشكله اني شكاك جدا و مش بثق في اي مخلوق و هي عندها ظروف(ابوها كان مسافر السعوديه و رجع من شهر و متجوز علي امها و هي عايشه مع امها.ابوها بيبات اسبوع هنا و اسبوع هناك في الاسبوع اللي بيكون في البيت عند امها مش بنتكلم عشان ابوها دقه قديمه)…..انا مش بعرف انام في الاسبوع ده و بقضي نومي بكا ودموع عليها…..هي اصغر مني ب3 سنين……انا عارف انها بتكدب عليا بس مش بحب احرجها عشان ما اجرحش مشاعرها….ساعات بحس انها بتتسلي و ساعات بحس انها بتحبني بجد…….انا جوايا كلام كتير عايز اقوله في حقها بس مش عايز اشوه صورتها قدامكم……..ياريت اللي مرت عليه تجربه شبيهه ل تجربتي يقولي اعمل ايه؟؟؟
يعني ايه تعمل إيه انتا بتضحك على نفسك كان في واحد قبلك وبكره يبقي في واحد بعدك ده إن ما كانش في واحد معاها وانتا بتكلمها كمان.وعلي فكره انتا هتتعب نفسك علي الفاضي معاها دي في فتره مراهقه وفي بيت مفكك يعني انتظر اي تصرف غير طبيعي في الأيام اللي جايه.نصيحتي ابعد عن مصدر القلق اللي انتا حاطط نفسك فيه و حاول تقفل الموضوع ده خالص وما تشغلش نفسك غير بحاجه مستهله ركز في دراستك وبكره هتلاقي البنت اللي تستحق حبك واوعي تبكي أو تحزن عشان اللي انتا بتعمله مش من مواصفات الرجال خليك واثق من نفسك وواجه الحياه وربنا يوفقك يارب….