انا عمرى 18 سنة بحب زميلتى فى الكلية وهى فى نفس السنة وبجد بحبها جدا لانها اول واحدة فى حياتى وعمرى ما فكرت ان اخدها مجرد تسلية او لعبة وهى كمان بتحبنى جدا كان فى حياتها تجربة خطوبة فاشلة وهى ماكنتش بتحبة المهم ان الموضوع دة انتهى من سنتين وحبينا بعض وعمرى ما اتمنيت اى حاجة غيرها المشكلة انها بيجى عرسان يتقدموا ليها وهى بترفض بس انا من كتر ما بغير عليها جدا بحس انى نفسى ما تتكلمش معاهم حتى علشان تلاقى فيهم عيب علشان ترفضهم علشان والدها ما يشكش ان فية حد فى حياتها والمشكلة الاكبر ان بحس ان هى ممكن تستسلم بسهولة وتسبنى لو لقت ان المشاكل فى البيت زادت بسب العريس انا مش عارف اعمل اية اسيبها وارحمها من المشاكل وارحم نفسى من العذاب اللى انا فية والتفكير بس لو حصل دة انا هتعب جدا وهى هتشوفنى انى اتنازلت عنها وخايف استمر معاها هنجرح لو سابتنى انا حاسس انى فى الحالتين خاسرررر واحنا مع بعض من سنة ونصف انا بجد عاوز حل
مشاكل الشباب مع البنات
بحبها لكن خايف تسيبني من ضغط اهلها
اضيف بتاريخ: Thursday, June 9th, 2011 في 13:59
كلمات مشاكل وحلول: مشاكل الشباب, مشاكل الشباب مع البنات
انا هعتبرك اخوية انت مفروض تتكلم مهاعا وتشوفوا انتو الاتنين حل بس لازم انتو الاتنين تتخذوا القرار دة علشان دى حياتكوا انتو الاتنين مش حياتك انت بس وعلى فكرة محدش هيفيدكو انتو اللى مفروض تتكلموا مع بعض وتلائوا حل
فيه حروف غلظ بس الي انا بقولو لك مش علشان تسبها بس هي لازم تواجه اهلها علشان تبقو لبعض وربنا يوفقك
انا مريت بنفس التجلابه بس الس انت بتقوله ده مش ينفع انا زعلت في الاول شويه ودلوقتي سبتها وقلبي فاضي بس القلب الفاضي مرتاح البال متزعلش منها المفروض انك تتكلم مع اهلها وهي كمان تواجهم وتقول لهم يا انت يا بلاش وبباها هيقدر مشاعرها زي البنت بتعتي بالظبط بس انا الي نفضت علشان هطول لما اروح لها
بص يا معلم انا زى اخوك وبتنى ليك الخيى بس لازم بردة تتمنا ليها بردة الخير شوف لو ظروفك مش لاقى شغلانة كويسةبعد التخرج انك تخطبها على طول بعد ما تتخرج سبها احسن انا عارفان كلامى صعب عليك بس اهو هى دى مصر وبعدين وراك لسة جيش وارف ووهى بنتبتتجوز وهى ضغيرة وبعدين فى عيب انك قدها ومن الصعب فة ظروفك ان اهلها يوفقوا بيك حتى لو بتموووووووت فيك اعترب ان دى اختك ترضى تجوزها لواحد فى ظروفك هتعيشها منين ترضى انها مش تلبس كويس وتخرجها فىامامكن نضيفة مش هطول عليك انت هتتعب بس عشان دى اول حب فى حياتك بس صدقتى لو ليك نصيب فيها واللهلو اهلها عملوا اية هتتجوزها بس فكر بعقلك مش بقلبك ……. اخوك مروان روكى العشق الممنوع
اخى العزيز انا شاب مثلك ومر بى نفس الموقف هقولك كلمتين من قلبى والله وباختصار لو شايف ان امورك الماديه تاهئلك انك تخطبها توكل على الله وباسرع مايكون وعيشو حياتكو وربنا يهنيكو ببعض بس لو شايف الامور الماديه ليست على مايرام سيبك من الموضوع وخليها تشوف نصيها انتا الفرصه قدامك كبيره فيما بعد بس هيا العريس اللى بيجيلها النهارده مش هيجيلها بكره والزمن دا ايا كان فى حب لازم تكون فيه ماده والا والله هى اول واحده هتزهق منك وتمنياتى لك بخالص السعاده
صاحبي
انت شكل كدا ظروفك الماديه صعبه ولسه سنك صغير شويه ع الجواز
طب ايه الحل دلوقتى الحل يا سيدي
لو انت تقدر تربط كلام مع اهلها وكدا
ويكون حتى ع الاقل يكون في وسيط بين اهلك وبين اهلها
علشان يكونوا واثقين فيك وفي كلامك
لان بصراحه هيقولوا عليك انت لسه سنك صغير ولسه بتكون نفسك
وفي الزمن ده للاسف يا كبير الناس كلها بقيت بتبص للماديات
اكتر من الراحه النفسيه سواء للعريس او العروسه
كله دلوقتى بيبص للماديات اكتر
محدش دلوقتى بيقولك انا اشترى راجل
احسن ما اشترى حد يشتري بنتى بفلوسه
بس انت بردوا حاول تعمل حاجه
يعنى متقعدتش في البيت وتقول انا لسه صغير ع الشغل والبهدله
تعرف انا في ميلانو من وانا سنى 17 سنه
ودلوقتى 20 سنه علشان اشتغل واصرف ع نفسي
واتجوز اللى بحبها
دور ع شغل وهتلاقي دور في كل مكان في مصر حتى لو وصلت انك تشتغل وتدرس
المهم تتجوز اللى بتحبها
ده متوقف ع اد حبك ليهاااا
.”” وربنا يكرمك ويوفقك “”