اولا انا شاب عمرى 28 سنه مصرى واعمل بالمملكة العربية السعودية وغير مرتبط وادعو من الله ان يرزقنى الزوجة الصالحة التي تخافة وتخشاة ثانيا :تعرفت على فتاة عن طريق الانترنت وهية جامعية فى الصف الثالث وتعرفنا على بعض عن طريق الفيس بووك والغرابة فى الموضوع اننى قد قرأت تعليق لها فى جروب من شدة اعجابى بالتعليق وعند دخول الصفحة الشخصية عندها لم اتمكن من معرفة هل هوة ولد او بنت وقررت اضافتها ايااا كان وعسى ان تكون معرفة خير سواء بنت او ولد والسبب ان البروفيل يدل على ان صاحبتة او صاحبة انسان محترم وزوو حس رومنسى عالى ومهزب فبعد الاضافة بحوالى عشر دقائق تمت قبول الاضافة لا أخفى اننى كنت فى ذالك الوقت اشتاق إلى التحدث إلى اى كائن بشرى لانى كنت قد ماليت من الكلام مع الاصدقاء وايضا بما ان هذا الشخص غريب فهذا يؤهلنى للفضفضة بما في داخلى وبدئنا نتعرف وتحدثنا حتى تأكدت انها بنت ودردشنا شوية وتواعدنا اننا نتقابل تانى على النت ومع تطور الحديث وبالسؤال عن المسكن او من اى منطقة من القاهرة اكتشف انها من نفس الحى الذى اسكن فية فى مصر ولاكن مع اختلاف المنطقة يعني (قريبة من منطقتى جدا جدا ) فأخذت اتعامل معها على انها اخت لية حيث اننى اكبرها ب8 سنوات وكنت لااريد ان اضحك على بنت من بنات الناس واعترفتلى انها عندما شاهدت البروفيل بتاعى قررت ان تضيفنى عندها مع العلم بانها لاتضيف اى شخص بدون معرفة وانا متأكد انها صادقة لانى تأكدت من ان كل الاشخاص التى تتحدث معهم عبارة عن اصدقاء دراسة سواء فى الجامعة او اصدقاء من ايام ثانوى والواضح من تعليقاتهم انهم سواء بنات او شباب فاالتعليقات لاتخرج ايضاعن الاداب العامة او الهزار فتأكدت انها انسانة محترمة من تعليقات اصحابها ولاكنى اعجبت بها اكثر من كلامها المحترم واسلوبها الراقي فى المعاملة حيث انى من زمان ومقابلتش حد ممكن يهدينى ويفرض علية اسلوبة او اقتنع بنها محترمة (انا اسف طبعا هناك مئات الالاف من البنات المحترمين لاكن انا حظى وقع قبل كدا فى وحدة ربنا بقي يسهلها طريقها ) كانت مديانى احساس وحش عن البنات وانا اسف لاى بنت محترمة اواى بنت بتخاف ربنا . من الاخر شدتنى عشان من منطقتى يعنى يسهل السؤال عنها مع اول اجازة لية ثانيا اننى على يقين بانها بنت ناس ثالثا هيا اعترفتلى انها عند مشاهدة صورة واحيدة على البروفيل من اول يوم وهيا مشدودة لية وانا مكدبش عليكوا ارتحتلها قوى قوى وطبعا انا كنت واضح وصريح انى كنت بدور على بنت عشان عاوز اتجوز وصارحتها بدا فى اول يوم عرفتها فى ومن اول حديث (هل دا غلط )انى بدور على بنت الحلال ولسة بدور بصراحة بردو شفت صورة ليها اتشديت جامد جدا لانى مكنت راسم صورة فى خيالى عشان ممكن ارسم صورة حلوة وتطلع وحشة وممكن العكس والحمد للة كان العكس واحنا متفاهمين جدا ودا من فضل ربنا بس لسة متقابلناش وجه لوجة وانا متفائل خير لانى بدعى ربنا تكون بنت حلال فهل اكمل ولا لا؟ واية رئيكو فى التعارف على النت افيدونى افادكم الله ………؟
مشاكل الشباب مع البنات
بحب من على الفيس بنت محترمة
اضيف بتاريخ: Thursday, January 12th, 2012 في 01:19
كلمات مشاكل وحلول: حب من على النت, مشاكل الحب
انت شخص لؤلؤه يا راجل انا مش عارفه اقول ايه بسم الله ما شاء الله عليك ربنا يحميك يعني كفايه عشان اخلاقك دي ربنا هيرزقك بواحده طاهره ومحترمه ( الطيبون للطيبات )
ههههههههههههه انا كنت تقريبا فقدت الامل من اللى بشوفه من اخوياوولاد خالتى والولاد يعني انت لازم يعملو منك نسخ كتير ههههههه اللهم صل عالنبي
انا معنديش حل غير انك تعجل بالاجازه واخطبها وربنا يجعلها من نصيبك ..
ياريت اخويا كان زيك 🙂 ربنا يتمملك على خير يارب يا اخويا
الموضوع سهل قوي وبسيط خلي اي حد من اهلك يسال عليها وعلي اهلها لكن متعرفش حد انك عرفتها من النت عشان دايما الفكرة ان جوازات النت بتفشل وربنا يوفقك لعمل الحلال
نسيت اقولك انت اتعرفت عليها ياريت الموضوع ما يطولش وانت تخطبها على طول علشان ما تحصلش مشاكل مادمت انت حبيتها وهي بنت محترمة خلاص تخطبها وتدخل البيت من بابه
انا لما اتعرفت على زوجي عن طريق النت على طول اول حاجة خلاني اكلم اهله واتعرفت عليهم وهو كلم اهلي وعملنا التوكيل واتجوزنا على طول
قصدي تخليك جاد مش تمط في الموضوع
بالتوفيق بازن الله
السلام عليكم
كيفك اخي
بصراحة انا بحييك على ادبك وحسن اخلاقك وعلى احترامك للبنت دي مش كل البنات على النت كويسين وجادين وكمان مش كل الولاد
المهم التعارف على النت مش سيئ
مادمت انت ناوي خير
والزواج عن طريق النت عادي خالص مفيهوش اي مشكلة انا في الامارات واتعرفت على زوجي هنا في دبي واتجوزنا والحمد لله انجبنا وماشي الحال
والزواج في الاول والاخر نصيب لو مكتوب لك تتزوجها خلاص هتتزوجها وبعدين مادمت معجب بيها ابعت لاهلك يسالوا عنها ولما تنزل الاجازه اخطبها
ربنا يسعدكم ويهنيكم
اخي : اولا لقد تغيرت اشياء كثيره في عالمنا … وسبب ذلك نعلمه جميعا هو سرعة رتم الحياه وعدم وجود الوقت الكافي او الظروف التي كانت تحدث في الماضي .. وطالما انك مقتنع بها فأنت الذي تتزوج .. ومن ناحية انك قد عرفتها عن طريق النت .. فلايوجد جريمه في ذلك .. بل علي العكس … اهم شئ هو الحب والتفاهم .. الف مبروك مقدما ولاتنسي الكيك والبيبسي
مش كل البنات اللى على النت مش كويسن اكيد طبعا فيهم الكويس والوحش وخاصه لان الكمبيوتر دلوقتى موجود فى كل بيت فى حياتنا وكمان مش كل البنات اللى هيا قريبه منك فى العيله او حتى تعرفها فى الشغل كويسين برضه فيهم الكويس والوحش وتعارف الزواج دا بيجى من اى مكان الشارع الجامعه الشغل بس المفروض تسائل عليها كتير وتعرف منها برضه اذا كانت على علاقه بشخص تانى فى حياتها الشخصيه ولاايه النظام ؟علشان ماتندمش بعدين ولو نويت الزواج منها ادخل البيت من بابه وخلى فتره خطوبه كده ولو خمس الى ست شهور واعرفو طباع بعض وفى الفتره دى تكون برضه سالت عليها مظبوط وعرفت سلوكها ايه….والله الموفق والمستعان