انا اول مرة اعرض مشكله ليا في النت لان يجد مش لاقي حد يفيدني في موضوعي حتى انا مش عارف افيد نفسي
انا بحب بنت من 4 سنين لحد الوقتي وهيا كمان بتحبني اوي (مقيمين في دوله عربيه ) عشنا مع بعض احلى ايام حياتي بجد مفيش مكان في حياتي مش بيفكرني بيها ولا بيكون لينا ذكريات فيه بعشقها اوي
استمرت العلاقه حلوة وطيبه وهيا بنت طيبة اوي وبتتكسف اوي ومش بتعرف تتصرف في المواقف الصعبه وانا عارف كدا كويس مع ان عندها دالوقتي 20 سنة وانا 23
لحد ما حصل ظروف عندها في البيت ان ابوها عرف اني بكلمها واطريت اني اظهر في الصورة واروح اتقدملها عشان ابين ليها ولاهلها اني فعلا يحيها وشاريها وفعلا رحت البيت عندهم وابوها رحب بيا بطريقه حلوة مع ان كنت متوقع عكس كدا
بعد كدا عرفت اهلي ورحبو كمان بالموضوع وتحقق حلم عمري وخطبتها خطبتها 11 شهر وابتدت المشاكل فيها مش بيني وبينها لا بين ابويا وابوها
كل واحد بقى بيتلكك للتاني ومستني اي حاجه عشان يفركش الموضوع ؟ ليه ؟ معرفش بجد ؟ مع العلمان الاثنين ملتحين وعارفين ربنا كويس وابوها حافظ القران كامل وبيصلي بالناس في المسجد وبيدي دروس علم وانا ابويا مفيش فرض مش بيصليه في المسجد
وبعد دا ابويا قالي انا مش عايز الجوازة دي ؟ طيب ليه يا ابويا ؟ عشان ايه ؟ قالي الراجل انا كنت عندو في البيت ورفع صوتو عليا وانا مش عايز الجوازة دي عايز تكملها انت لوحدك روح لاكن انا مليش دعوة ؟؟؟؟
رحت لابوها وكلمت عاه وحاولت ابين ان بابا زعلان منو عشان الي حصل والراجل قالي انا مش رفعت صوتي ولا غلطت في حد حاولت معاه كتير ان يراضي ابويا باي كلمتين عشان الموضوع يعدي على خير مفيش فايده
وبعد كدا كل واحد وصل للي عايزو وفركشو الخطوبة
وانا وهيا لسا بنحب بعض ومتعلقين ببعض اوي وطبعا لا ابوبا ولا ابوها فارق معاهم حاجه
المهم عدت الايام والشهور وانا لسا بكلمها واتقدملها واحد واترفض والتاني واترفض والثالث ابوها اصر انها تتخطبلو بالغصب وقالها لو انتي لسا مستنياه دا لو جابلي عيلتو كلها عشان يخطبوكي انا مش هوافق
وبالفعل خطبها للي متقدم دا غصب عنها وبدون ما ياخد راييها ولا اي حاجه وهيا ضعيفه ومسكينة مش بتعرف تتصرف
المصيبة الوقتي اني تعبت بجد تعبت الذكريات ولتفكير هيموتوني وهيا كمان نفس الشي كل مكان او شارع او موقف بفتكرها حاولت اني اخنفي من حياتها مش عرفت سافرت وسيبت البلد كلها قلت يمكن انسى او اعرف ابعد مش عرفت انا بحبها اوي وهيا الوقتي مش ليا ؟ ومش بعرف اكلمها زي الاول ولو فضلت اكمها وهيا مخطوبة انا كدا يضيعها لاني مش هعرف اخليها تركز معاه لان ممكن يكون انسان حلو وطبيب بس انا من جوايا يجد بموت مبقاش في طعم لحاجه حواليا ولا ليا نفس لا لشغل ولا لاي حاجه وبتجيلي في الحلم كتير بحبها بجد ياااناس ممكن حل ؟؟؟ لاني مش عارف اخد قرار ؟؟؟؟؟
بجد يا ابنى انا قريت مشاكل كتير فى مشاكل ما بحبش ارد عليها وفى مشاكل برد عليها وبيكون عندى رأى فيها لكن بكل صراحه مشكلتك مش لاقى لها حل ومقدر موقفك جدا مع العلم انا عندى ابنى من سنك ربنا يبارك فيك وفيه لا انا عارف اقولك اضغط على ابوك او خلى حد قريب منه يكلمه وابوها فى نفس الوقت بيقول لو جبت كل عيلتك برضوا مش موافق المشكله هنا ان والدك ووالدها مش متفاهمين تماما وده بيعود بالضرر عليك وعليها وخاصه الضرر اكتر على البنت مفيش الا حل واحد مش حقولك عليه لانى ما ارضهوش الى بنتى او الى ابنى عموما انتظر ربما تسمع رد من احدى الاخوات او الاخوه يكون عندهم رد نافع ومرضى لكل الاطراف ولكن قلبى معك
انت انسان محترم اوى ومحخلص اوى وابوك وابوها منهم لله
لازم تنساها …….لازم تنساها
لازم تبعد ومتقربش منها خلاص انتو وصلتو لحيطة سد انت هتتعب اوى انا عارف ومتاكد من دة بس ربنا اكرمنا بنعمة النسيان وان شاء الله هتنسى وافتكر كلام ربنا انك لو كلمتها دة عيب وحرام وربنا هيحاسبك علية ممكن لما تخطب واحدة تكلم ولد من وراك ……زى مقلتلك هتتعب بس لازم تبعد