أنا شاب عندى 21 سنة أحببت فتاة من 5 سنوات وهى ابنه خالتى كتمت حبى فى قلبى نظرا لانى اخاف كثير من ربى ولا اريد ان افعل شئ حراام كنت قد عاهدت نفسى ان اكتم حبى فى قلبى حتى تتسنى لى الفرصة واتقدم لخطبتها ومن ثم زواجها ولكن حدث وان راها احد الشباب واراد ان يتقدم اليها وعلمت هذا الخبر فضاق صدرى وتدنى تفكيرى وذهبت اليها واخبرتها بكل ما فى قلبى لكى اعلم اذا كانت تبادلنى الشعور نفسه او لا ولكى اجعلها تعلم ايضا بما فى نفسى خشية ان تكون هى ايضا تبادلنى نفس الشعور ولكن لا تعلم ما بداخلى فتوافق على ذلك الشاب … تطورت الامور بيننا بعد مدة طويلة فبدأت احادثها فى التليفون كل شهر مرة تقريبا بعد ذلك نهيت هذه العلاقة وقلت لها لا استطيع ان اغضب ربى رفضت فى بادئ الامر ولكنى اصريت ونفذت ما أردت واستمرينا مدة طويلة على هذا الحال ولكن مرضت بمرض سئ ولم استطع ان اطمئن عليها ولم اجد طريقة الا ان اكلمها وفعلااا كلمتها واطئننت عليها ولكن لم استطع ان ابتعد عنها مرة اخرى قلبى يكاااد ينفطر من عظم حبى لها يعلم الله انى احافظ عليها من نفسى ومن الشيطان واريدها زوجة لى ولكن لا اريد ان اعصى الله بسببها فقولوا لى على شئ افعله استطيع به ترويض قلبى العاشق وارضاء نفسى اللوامة … اعتذر عن الاطالة وشكراا
اخي احي فيك سماحة اخلاقك وحسن التربية اللي انت فيها وحرصك على ارضاالله عزوجل وخوفك منه لكن يااخي البنت ممكن تروح منك في اي لحظة لان امرها مش بيدها بيد اهلها اذا جاءهم عريس مناسب من الطبيعي يوافقوا عليه من رايي انك تتقدم لاهلها وتخطبها فورا دون تاخير وخصوصا انها مش غريبة عنك دي بنت خالتك وخلي امك الفاضلة تكلم اختها وتقول لها انك تحب البنت وترغب في الزواج بها وتعملوا خطوبة والزواج بعد 2سنتين من الان تكون فيها قد جمعت لك مال من الشغل اللي انت تعمل فيه واهلك مش هيقصروا معاك وربنا يجعلها من نصيبك ويجمع شملكما على خير نشاءالله وعقبال مانفرح بكم عماقريبا باذن الله تعالى وفقك الله ويسر امرك واصلح حالك
اخي الفاضل بارك الله فيك من شاب محترم يخاف الله وكثرمن امثالك مشكلتك حل بيدك صارح بنت خالتك بحبك لهاوصدق مشاعرك نحوهاوخلي امك تتكلم معهاومع خالتك في الموضوع هذاوسيب الباقي على الله وانشاءالله انهاتبادلك نفس المشاعروترغب فيك زوجا لها واخطبهارسمي قبل ماحديتكلم فيها وربي يجمع بينكم عل الخير ويسعدكمافي حياتكم
السلام عليكم
انا عارف انك شاب محترم بس بقولك حاول انك تقنع والدك او ولدتك وتقولهم انها هي كمان بتحبك وبرده خليي بنت خالتك تكلمك والدها او امها وتقنعهما انكم بتحبو بعض وكه ممكن الاب يكلم الاب ويتفقو وممكن تفضلو محجوزين :)لحد ما ربنا يسهلك
وبلتوفيق انشاء الله
طبعااا أحب أشكر كل الناس اللى قالتلى على حلول بس بالنسبة للناس اللى قالتلى اخبر والديك انا بالفعل اخبرتهم من مدة كبيرة وقولت لأغلب العائلة ويعتبر العائلة كلها تعرف ولمحت دة ان لم يكن تصريح لأمها بس انا عاوز منكم حاجة اخيرة انكم تدعولى ربنا يفتح عليا من وسع فى شغلى علشان اقدر اتقدملها بسرعة ونتجوز
أبشرك يا حبيب بقول نبينا الحبيب صلي الله عليه وسلم ” من ترك شيئا لله عوضه الله خيرا منه ” انا فاهم انك بتحبها وخايف عليها .. بس مش قادر . مش عارف تعمل ايه بالظبط ومحتار .. مش كدة ؟
تسيبها وتيجي علي نفسك وتتوكل علي ربنا وتسيب الخلق للخالق وتفوز بربك والجنة وتريح نفسك علي الآخر بس اينعم هتتعب شوية في البداية ؟
ولا تريح نفسك وتمشي ورا دماغك وتحوط عليها من الشباب وتاخد بالاسباب المادية دي كلها وفي الآخر تاخدوا ذنوب قد الجبال وتفتنوا بعض وتاخد حبيبتك بمعصية ربنا ؟
كان فيه اتنين بيحبوا بعض اوي والحارة كلها بتتكلم عن قصة حبهم اللي مستمرة من 6 سنين ..
وفجأة التزم هذا الشاب وبدأ يحضر دروس وخاف ربنا وخاف عليها فسابها لله وشوية شوية قرر انه يعزل عشان يبعد خالص والشيطان ما يضحكش عليه تاني ويخليه يضعف
وبعد ماالتزم الحمد لله وثبت نفسه شوية قرر انه يتجوز بقي ويعف نفسه وعشان ينسي قصة الحب اللي كانت في المعصية زمان
فوالدته قالتله دي فيه واحدة قدامنا حافظة القرآن والكل بيحكي عن ادبها ومحترمة اوي
فراح يشوفها في الرؤية الشرعية ويخطبها .. والمفاجآآآآآة انها كانت هي حبيبته الاولانية
لما قال لها كدة زمان هي كمان تابت لله وتركته لله .. فعوضهم الله خيرا …
فعايزك تفتكر القصة دي دايما ..
وافتكر تاني ” من ترك شيئا لله عوضه الله خيرا منه “
على فكرة انا مش هقولك كلمها وكده انا عارفة انه حرام بس انت اكيد مش هتأذيها يعنى انت ممكن لو ظروفك مش تسمحلك حاليا انك تتقدملها رسمى ممكن تعرف والدتك او والدك واهوو يكون مش بتعمل حاجة غلط
السلام عليكم انا من رأيى انك تكلم والدتك وتشرحلها الموضوع بالظبط بكل هدوء علشان ماتفهمشى غلط وهى حتقوم بمساعدتك بالتأكيد …على الاقل حتحجزك بنت خالك ………بالتوفيق
اخي الكريم عليك ان تخبر والدتك او اختك او اخوك بأمرك ربما يجدوا لك حلا … بالتوفيق
السلام عليكم
لو انت لسه بتدرس او ظروفك متسمحش انك تتقدم رسمي ليها دلوقتي
اتقدم تقديم مبدئي يعني كلام وكده وهي بنت خالتك اصلا فخلي ولدتك تكلم ولدتها انها تكون ليك لحد ماتكون نفسك ان شاء الله
وربنا يجعلها من نصيبك وتكون زوجه صالحه ليك ان شاء الله