انا قصتي طويلة وياريت تسمعو للاخر علشان انا بجد محتاج حل …. انا شاب 19 سنة …. انا حبيت واحدة كويسة ومحترمة بس مقربناش لبعض خالص انا ف الاول كنت معجب بيها لانه شوفت حاجات كتير جدا زي اخلاقها وعاداتها المهم انا مكنتش عارف اوصلها ازاي بس هي كان ليها جدها يعتبر جارنا ف الشارع وهي كانت بتيجي عنده المهم قدرت اوصل لواحدة تعرفها وقولتلها ان انا معجب بيها وبحبها وهي قالتلي انها هتحاول تقولها بس هي مش بتاعة الكلام ده وانا فعلا عارف انها مش بتكلم ولاد وكدة المهم هي قالتلها انها موافقة وهي جات قالتلي انها موافقة بس ماينفعش كلام ف الموبايلات ولا الحاجات دي انت ادخل خلص الكلية وتكون هي دخلت الكلية وتبقي تتقدملها .. المهم انا طبعا كنت مبسوط جدااااا انها وافقت بس بنفس الوقت مكنتش عارف طيب هقرب منها ازاي … ؟ يعني مش هكلمها خاالص غير لما اجي اتقدملها طيب ازاي المهم مع الوقت بدأت اشوفها كتير علشان هي ف الاجازة بتاعت اخر السنة بتكون اكتر الوقت عند جدها وكانت بتطلع علي سطح البيت كتير وكنت انا بقف ف البلكونة عندي وكنت بفضل ابصلها وهي ماكنتش بتبص خاالص فضلت علي الحال ده لحد م هي بدأت تبصلي المهم قضينا فترة الصيف كله نبص لبعض .. بعديها لما بدأت الدراسة مكنتش بشوفها خالص طبعا اتضايقت ومكنتش عارف اعمل ايه لانه ف الفترة اللي فاتت انا حبيتها اوي واتعلقت بيها .. وبالصدفة عرفت ايميلها علي الفيس بعتلها اد بس هي كانت مش بتقبل ولاد .. ومقبلتش الاد بعديها اتعرفت علي اخوها الصغير وقربت منه شوية وضفته علي الفيس عندي وكنت بتكلم معاه عادي بس ف يوم لقيته فاتح الفيس قبل الفجر ف قولت اسلم عليه بس اخته اللي ردت وقالتلي انها هي اللي فاتحة الاكونت بتاعه ف حاولت اتكلم معاها بس هي حاولت تمنعني وقالتلي انها ردت عليا علشان مش بتحب حد يتكلم وماتردش عليه المهم حاولت معاها وبعد شوية بدأت تتقبل كلامي وفضلت اهزر معاها وكدة المهم بعد شوية طلبت منها انها تضيفني علي ايميلها هي بس هي رفضدت وقالت انها مش بتقبل ولاد حاولت معاها تاني وبعد شوية واافقت انها تضيفني عندها ولما ضافتني اتكلمنا شوية وكنا بنهزر وانا كنت مبسوط اوي وقولتلها ان انا مبسوط علشان اتكلمت معاها علي الفيس وهي كمان قالت انها مبسوطة المهم هي كانت هتقفل علشان الوقت اتأخر وكل ده كان ف نفس اليوم ف قولتلها انا هستناكي بكرة بليل نتكلم علي الفيس شوية قالتلي هتحاول علشان عندها مذاكرة المهم تاني يوم استنيتها بس هي مفتحتش بعديها ب يوم فتحت لقيتها عملتلي بلوك واختها سايبالي رسالة بتقولي انه مليش دعوة بيها تاني والكلام ده وانها المرة الجاية هتشتكلي لأهلي وكدة .. المهم انا انا اتضايقت اوي ومكنتش عارف اعمل ايه بس حاولت اكلم اختها واحاول اقنعها بس هي كانت رافضة ولما زهقت من كلامي عملتلي بلوك هي كمان ومن بعد الموضوع ده وهي اتغيرت خاالص وكانت لما بتيجي عند جدها مش بتبصلي ولا اي حاجة خالص وانا اتعذبت اوي وتعبت وبعديها ب فترة كبييرة فكرت انه اعمل اكونت بأسم بنت علشان تقبلني واكلمها واسألها في ايه وعملت الاكونت وهي قبلتني وقولتها ان انا فلان بس هي صدتني ف الكلام وقالت انها مش بتكلم ولا بتقبل ولاد وملكش دعوة بيا تاني .. ومسحتني ولما حاولت اكلمها تاني عملتلي بلوك ااتغيرت خالص مش عارف ليه بس انا حبيتها واتعلقت بيها اوي المهم بعد فترة كبيرة حاولت اكلمها تاني بس ف كل مرة تقولي نفس الكلام انها مش بتقبل ولا بتكلم ولاد وتمسحني ولو اتكلمت تاني تعملي بلوك بقالي اكتر من سنتين كل م احاول معاها ف الكلام ترفض وانا حااااولت كتير جدااا انا تقريبا اتعمللي زي 10 بلوكاات ويمكن انا فعلا مقربتش منها ولا اتكلمت معاها ولا اي حاجه بس انا فعلا حبيتها بجد واتعلقت بيها اوي وبعدت عن اهلي وصحابي بقيت عايش وحيد مش بحب اختلط بحد خالص وانا اصلا عايش ف شقة لوحدي وكتير بفكر فيها وكتير قالولي انه انساها وكدة واحب غيرها بس انا حاولت ومأقدرتش كل م احاول اتعرف ب واحدة تانية اعتبرها زي اختي ومأقدرش احبها ولا احس بأي احساس تاني … كمااان انا خليت بنت تكلمها يمكن هما فاهمين بعض قالتلها انه مش بتكلم ولاد ولا عمرها م هتكلم ولاد ….. وانا مش عارف اعمل ايه وانا مستني حد يرد عليا ………………… وشكرا
القصة دي فيها حاجة مضحكة جدا او يمكن غبية جدا نتيجة التوهان اللي بتبقوا فيه
غالبا أخوها صحي تاني يوم الصبح لقي الرسايل علي الاكونت بتاعه , فبلغ أبوها و امها و خلوها تفتح الاكونت بتاعها قدامهم و شافوا باقي الشات و ادوها جلسة محترمة من التأنيب و التهزيق و الجلسة دي انتهت بدموع و بأنها مش هترجع للكلام ده تاني و لأنها محترمة فهي التزمت بعد ها لأهلها
و كدة موضوعك مقدموش غير طريق واحد يا أما تتقدملها فعلا يا أما خلاص
الحب مضيعة للوقت وعذاب للقلب ومن يهواه القلب النفس تتمنى وصاله هي اكيد ماحبتك الله يديلك الأحسن ويريح لك قلبك
السلام عليكم
اطلعت على قصتك اخي لكن البنت لاتحبك وارجوا ان لاتبني مستقبلك على احلام البنت لو كانت عايزاك لما تاخرت عن فعل المستحيل لاجلك وارجوا الانتباه لمستقبلك وهناك شيئ اسمه نسيان وتستطيع اخي المهم اشغل نفسك بامور اخرى ولاتبحث عن اي فتاة طوال مدة 6 اشهر على الاقل ابتعد عن اي بنت وحاول تبحث عن اصدقاء جدد وغير حياتك ستنساها مع الوقت هناك فتيات كثيرات ومراح تاخذ الا نصيبك ولو هي من نصيبك راح تجيك حتى لعندك
انا عندي نفس القصة لكن البنت تحبني وبسب مشاكل بيننا انا نسيتها عادي جدا رغم انها تحبني كثيرا لكن انا الان اصبحت عندما ارها لااتاثر ولم اعد اذكر اي شيئ وحاليا ابحث عن فتاة اخرى رغم اني احبتها اكثر من نفسي وهي فتاة طيبة لكن هناك مشاكل اكبر مني ومنها اجبرتني على تركها لكن اقنعت نفسي كثيرا بان انساها والحمد الله اليوم اعيش بدون اي ذكريات معها المهم اخي الارادة وكما قلت لك البنت لو احبتك كانت ستشرح لك السبب وتتكلم معك او حتى تكتب لك رسالة تشرح وضعها وانها تحبك لكن البنت لم تمثل لها اي شيئ فانتبه اخي لحالك افضل ابحث عن اصدقاء او قم بممارسة الرياضة والله سترتاح وستجد نفسك انك كنت ضائع جدا