بسم الله .. أنا خطبت من شهر تقريبا قعدت مع خطيبتي 10 أيام وسافرت وبعد ما سافرت بعشر أيام حسيت أني خطيبتي بدأت تتغير وحسيتها مش مبسوطه ولا مرتاحة سبتها يوم واتنين ما حاولتش أضغط عليها وأعرف في إيه لاني سالتها وما رضيتش تقول بعد اليومين دول لقيتها بدأت تدخل في مرحلة إهمال ليا معدتش بتتصل بيا خالص ولا تبعتللي رسايل وأما أكلمها ألاقيها ساكته وبترد علي قد السؤال زي ما تكون بتكلم واحد في الشارع صبرت عليها يومين كمان وكلمتها وأنا زعلان وقولت لها لازم أعرف فيه إيه طول المكالمة عمال أنا أتكلم وهي سامعاني ومش عايزه تتكلم أقولها فيكي إيه إيه سر التغير المفاجئ ده تقول مفيش حاجة طيب أنتي زعلانه مني في حاجة تقول لا أنت كويس جدا ومش زعلانه منك في أي حاجة وفضلت مصرة أنها ما تتكلمش قفلت معاها وكلمت أهلها طبعا قعدت اسبوع كامل ما كلمتش أهلها ولا عرفتهم خلصت معاها المكالمة وكلمت أهلها وقلت لهم شوفوها فيه ايه وايه سر تغير معاملتها ليا كده جايز تكون حست أنها مش مرتاحة أو مش هتقدر تحبني ففضلت تبعد في هدوء ومحروجة تقولي كده عشان ما تجرنيش مع اني بحبها جدا ومن يوم ما خطبتها عمري ما فكرت حتي مجرد نفكير اني أبص لبنت غيرها وهي كانت كويسة جدا معايا وكنا بنتكلم يوميا شات وتليفونات ونضحك ونهزر هي صحيح شخصيتها مرحة عني كتير وانا هادي شويه بس والله أنا كنت حابب فيها روحها الحلوه دي وكنت بضحك وأهزر معاها وبحاول أبقي مرح زيها لاني أصلا مكنتش حابب أني أبقي هادي كده وكنت عايز أغير من نفسي بأي طريقة كلمت أهلها وحكيت لهم علي الوضع بعدها بيوم كلموني وقالولي أنها متغيرة مع البيت كله ومش بتكلم حد ودايما قافلة عليها أوضتها وأصبر عليها شويه أنا حسيت كده أن الموضوع ممكن يكون داخل فيه حسد و سحر قوت مفيش مشكلة هأصبر لو هي في محنة لأني بحبها جدا وبقيت بالنسبة لا كل حاجة في حياتي والوقتي والوقتي بقالنا حوالي أسبوع معدتش بترد علي تليفونات ولا علي رسايل كنت رنيت عليها مرة وبتاعلها رسالة بعد ما كلمت أهلها ردت علي الرسالة ومعدتش أتكلمت تاني فما ما أتصلت عليها تاني ولا بعت ليها رسايل تاني أنا بحبها جدا وعايز أكمل حياتي معاها لأنها إنسانة طيبة وحنينة ومحترمة ومعرفتش حد فبل كده ودماغها حلوه وبتتفاهم ومن النوع اللي هيعيش مع الراجل اللي بتحبه ع الحلوة والمرة بس أنا برغم أني بحبها كرامتي مش سمحتللي أني أون عليها ولا أبعت ليها رسايل وهي مش ترد فقطعت الإتصال وإحنا الوقتي بقالنا أسبوع مش بنتكلم وصابر عليها زي ما أهلها قالوا بس مش عارف أخر كده إيه خايف لا الموضوع يطول ويبدا الفتور يدخل لعلاقتنا بسبب أنا محدش فينا بيكلم التاني. مش عارف أعمل ايه وصابر وبدعي ربنا أنه يفك كربنا ويزيل الغمة دي من علينا
