السلام عليكم .. الموضوع كالتالي اني اعجبت ببنت واخلاقها وكده وشفتها مره وكانت عندي عالنت .. المهم قلت انا لازم ادخل البيت من بابه ومكلمتهاش في اي حاجه عالنت و طلبت رقم ابوها وقابلته انا واهلي ووافقوا على الخطوبة ..
انا بسبب الظروف في مصر والعمل … مسافر للسعودية بشتغل هناك .. وفي اول قعدة مع البنت فهمتها ان من خبرتي وسبب فشل خطوبة المسافرين هو البعد والفتور والسفر ودي بنتغلب عليها ان شاء الله ..
وطبعا كانت وسيلة الاتصال الوحيدة هي التيلفون او الانترنت ..
ساعات كنت بغازلها عالتيلفون غزل صريح .. بدون الفاظ سيئه وهي ساعات كانت بتتجاوب وكانت الامور ماشيه كويس .. طبيعي كنا نقفش سوا و نتصالح
اكون مشغول في شغلي .. وهيا تتصل .. ارجع اتصل بيها بالليل .. الخ
في يوم من الايام حصل سوء تفاهم بسيط هيا فهمت اني عاوزها تستأذني في كل حاجه وكده بالرغم اني عمري ما رفضتلها طلب في الست شهور ..
وبسبب الخلاف الاخير فسخت وكان السبب انها حاسه اني بس مهتم بجسمها ومش مهتم بيها !! ومش حاسه بحاجه ومش مطمنه ليا و و و و .. تفتكر خلافات قديمه وحلينها .. يعني عماله تحوشلي
حاولت راجعها رفضت وحتى اهلها رافضين مبدأ الضغط عليها ولا حتى ناقشوني !! طالما هيا عاوزه كده يبقى خلاص !
بصراحه اانا مستغرب لحد دلوقتي لدرجة اني مش مصدق ان ده حصلي ..
ايه رأيكوا ؟
ربما لم تكن مقتنعة من البداية و الصراحة البعد يعمل مشاكل كثيرة لا تقاوم إلا بحب قوي بين الطرفين و الثفة الكاملة و شخصية الانسان كذلك تلعب دورا لازم يكون صبور و متفهم و يقدر الظروف احنا البنات شكاكين و هي المشكلة لي تخلي البنت تستسلم لمخاوفها و تعمل مشاكل في علاقتها