انا معاكم على الموقع الجميل ده من فتره وبشارك وبنصح وبقول رأى بصراحه انا شاب متعلم الحمدلله بصلى منتظم فى الصلاة رومانسى جدا بحب انسانه جميلة محترمة جدا وبسعى علشان اكمل شقتى وكل حاجه بس فيه مشكله انى اتعرفت عن طريق شغلى بواحد متزوجة وحبتنى واتعلقت بيا جدا وانا كنت بعاملها كأخت وصديقه او كأنسانه محتاجه مساعده بس بصراحه حاولت ابعد عنها كتير تبكى بدل الدموع دم وحاولت تنتحر قبل كده انا بخاف عليها كأخت والله بخاف ابعد عنها تعمل فى نفسها حاجه وعلشان اطفالها انا بصلى وملتزم الحمدلله وبصوم الاثنين والخميس وكمان بحب حبيبتى حب فوق الوصف وبصراحه مش عارف اعمل ايه عايز اسيب الانسانه اللى متزوجة وفى نفس الوقت خايف عليها تعمل فى نفسها حاجه ادعولى ربنا يهديها ويبعدها عنى ويوفقنى معى حبيبتى اشكركم جميعا ويارب اهدى الامه الاسلاميه جميعا اشكركم لو في سؤال فى صلب الموضوع انا متابع وهرد عليكم شكرا
مشاكل الشباب مع البنات
بحب بنت وواحدة متزوجة بتحبنى
اضيف بتاريخ: Friday, December 17th, 2010 في 17:46
كلمات مشاكل وحلول: البنات, الشباب, بنت, متزوجة, مشاكل الشباب, مشاكل الشباب مع البنات
اولاانت خايف عليهامش خايف من ربنااللي يشوفك ولاتخفى عليه خافيه اتقي الله في نفسك وفي خطيبتك واياك والانقيادللشيطان واتباعه اترك المراةدي نهاياولوتطلب الامرانك تترك اوتنقل لعمل اخر بعيدعنهاواياك ان تنخدع بماتقوله تلك المراةلك انماهي شيطانة فاحذرها وربي يوفقك ويهديك
والله أنا من رأيي ان دي حلها الوحيد انك تحاول تقربها من ربنا على قد ما تقدر وبأي طريقة وبأسلوبك برده حاول تفهمها انك مرتبط وان العلاقة بينك وبينها لن تتعدى حدود الموظف بعميلته ولو تطورت هيبقى الاخ الناصح لأخته وحاول انك تخف من كلامك معاها برده واعرف ان دي هييجي عليها وقت هتتجه لتحطيم علاقتك بخطيبتك عشان تفوز بيك هيا وربنا يهديها ده ان مكانتش بدات فعلاً ومتتكلمش مع خطيبتك في الموضوع ده خالص عشان الشك ميلعبش في دماغها وانهيه انت بطريقتك.
magdy انا طالب نصيحه وانا مش غلطان اقرا كويس لمتكتبش وانته مش بتفهم
ميرسى يا أخت masraway alotyfy على ردك بس اقسم بالله انا بحب حبيبتى جدا بس جوزها زفت مش قادر يحسن معاملتها ديما بيحبطها وغيره وغيره وهى بتتكلم معايا فى ظروف شغلى والكلام بيجيب بعضه انا حاول ابعد عنها بس والله بتبكى وتدخل المستشفى وحاولت الانتحار ساعدينى اكتر يا اختى الجميله
يا جماعه لظروف شغلى انا محاسب فى بنك ومليون عميله وعميل بيكلمنى سواء رالجل بنت متزوجين مطلقين وكله نصحتها كتير وحاولت تنتحر انا مش فارقه معايا لان حبيبتى ماليه عينى اوى اوى الحمدلله بس انا خايف على التانيه
انت السبب لانك سمحت لواحده متجوزه تفتحلك قلبها وتحكيلك على مشاكلها وده اكبر خطأ
تجاهلها وعاملها عادى زى اى حد وفكر فى مستقبلك مع خطيبتك او حبيبتك وصدقنى لما تتجوز هتحس ان كل اللى فات كان تفاهه
ولازم تعرف ان اللى بتعمله سهل جدا يتعمل معاك ومراتك تصاحب واحد
راعى ربنا وربنا يهديك
مهم جدا متبينلهاش مشعرك الأخويهتاني عشان وضح إنها بتفهم غلط وممكن تتعلق بيك أكثر .
بسرحه هي فعلا غلطنا ومش بس كدى دي غبية كمان سوري على اللفظ بس دي حقيقة إنها أولا سمحت لنفسها إنها تحبك كانت المفرود أول متحس بكدى تحول متفكرش فيك ولا تشوفك كتير وثانيا هي أننية إذاي تسيب جوزها أبو عيلها وتمشي ورى مشعرها إنتى بسرحى شهم وجدع ومتستهلش وحده زي ديه خليك مع خطبتك لإن زي مسابت جزها وعيلها عشانك هتسيبك عشان غيرك يكن أنصحك متسبهاش وسعدها حول تتكلم معها أكيد في مشكلا بنها وبين جوزها أو جوزها بيسبها كتير فهي عندها فراغ مش أكتر حول تتكلم معها بهدوء حتى ممكن تكلم جوزها بطريقة غير مبشرى ويريت تفهم خطيبتك لموضوع عشان لو لقضر الله سمعت حجى من برى متفهمش غلط .
اخي اذا كانت ستنتحر لاجلك فهي من المؤكد ضعيفه الايمان فأعطها كتابا او شريطا دينيا سايرها اخبرها عن حبيبتك تدريجيا اقنعها بزوجها لا مانع ان تكذب وتخبرها عن مدى اجابك بزوجه لامانع ان تمدح زوجها امامها كي تزيد من حبها لزوجها
اخوي انت مو مجبور تجاملها وانت ماتحبها.. حاول توضح لها انك تعاملها كأخت ولو تبي اي مساعده انت ممكن تساعدها بلي تقدر عليه ..وقول لها تهتم باولادهاوتحسن علاقتها مع زوجها.. ووضح لها انك تحب بنت وان شاء الله راح تتزوجها وانك ماتفكر تحب غيرها .. عشان تبين موقفك وماتعطيها امل وتحطها امام الامر الواقع .. لانها واضح انها محتاجه حد يسمعها ويوقف معها وانت ماقصر بذا الشي الله يجزاك خير ..~~تشاوو
بيكفيك فخر انك صاحب قلب بينبض بالحب وبيكفيط فخر ايضا انك وجدت الانسانه الى تبادلك نفس مشاعرك واحاسيسك ووجدانك وبترسم معاك طريق النور لحظه بلحظه واكيد كل يوم بتحلم بعش زوجيه يجمعك بيها واكيد رسمتو حياه كلها امل ونور وحياه اشبه بفارس بختطف فارسه احلامو بعد كل ده بتظهر انسانه انانيه كل هدفها انها تدمر حياتها وتدمر حياتك انت لو بتشفق عليها ابتعد عنها فورا ولازم تحسسها انو يستحيل تتزوج من مطلقه حتى تفوق لنفسها انت اسلوبك منمق وجميل للغايه و احساسك عذب جدا لدرجه انو انت مخونتش حبيبتك حتى بالتعبير عن حبك لها وثقتى قويه بذكائك فرسالتك تدل على انك بتتحلى بالحكمه كويس جدا اهم شي انك لازم تخلى الانسانه دى ترجع لصوابها لو وصل الامر انها تقول هانتحر قلها ده شانك لاكن متبادلهاش العواطف حتى لا تنشغل بك اكثر من ذالك وشكرا اخى الفاضل
يا صحبى بيربيس انا عملت كل اللى عملته وجوزها مش بيحسن معاملتها وانا خايف عليها كأخت مش اكتر انا بحب حبيبتى جدا وبعشق التراب اللى بتمشى عليه وفى نفس الوقت بخاف على الانسانه التانيه ربنا يهديها
خاف على نفسك الاول خايف عليها من ايه دى عاوزة توديك نار جهنم عاوزة تغويك وتعمل علاقه غير شريفه معاك لا تخاف عليها اللى ذى دى معندهاش احساس هى بس بتمثل عليك عاوزة تاثر عليك وخلاص وذى ما انت خايف عليها وبتقول انك عارف ربنا خاف على زوجها اللى هى مستغفلاه ابعد عنها حتى لو قالتك هنتحر انت غير مسؤل عن تصرفاتها يعنى يا تتوحل معاها ياما تنتحر ؟ انت ربنا كرمك وعاوز تتجوز من انسانه مختلرمه وجميله خلى ربنا يباركلك فى زواجك وحياتك واقرا سورة يوسف عن ابى هريرة رضى الله عنه ع النبى صلى الله عليه وسلم قال (سبعه يظلهم الله فى ظله يوم لا ظل الا ظله امام عادل وشاب نشا فى عباده الله ورجل قلبه معلق بالمساجد ورجلان تحابا فى الله اجتمعا عليه وتفرقا عليه ورجل دعته امراة ذات منصب وجمال فقال انى اخاف الله ورجل تصدق بصدقه فاخفاها لا تعلم شماله ما تنفق يمينه ورجل ذكر الله خاليا ففاضت عيناه )
ياخى انت خايف عليها ومش خايف على خطيبتك لاحسن تعرف وتسيبك وهيه زعلانه عليك وبتبكى مفكرتش فى زوجها ابو اولادها مفكرتش فى ربنا مفكرتش فى رسولنا قال ايه وبعدين فين ضميرهاراح اكيد انسانه مش كويسه لاليك ولا لجوزها ربنا يهديها على نفسها وعلى جوزها واولادها انصحها ياخى وحاول انك تنهى العلاقه دى باسرع وقت لانك ممكن تخرب بيتها وتكون انت السبب وحرام عليك وعليهاوربنا يصلح احوالنا جميعا