انا شاب عندى 21 سنه بحب بنت جداً وهى كمان بتموت فيا وعلى فكره هى بنت عمى بس والله بنعشق بعض واتفقنا انى هاتقدم لها قريب ( المشكله بقى تكمن فى انى عرفت واحده فى الكلية فى بداية الامر كان اللى بيناعادى جداً كنا مجرد زملاء ولكن مع مرور الوقت الوضع تتطور وابتدى يكون فى اعجاب من ناحيتى بيها وبقيت كل يوم اروح فيه الكلية لازم طبعاً نتقابل ونتمشى سوى بس كل ده وهى عارفه ان كل اللى بينى وبينها لا يتعدى سوى اننا زمايل وهى بتعتبرنى زى اخوها بس اللى انا شايفه ان فيه اهتمام من ناحيتها زياده شويه ودلوقتى انا مش عارف اعمل ايه بس طبعاً كل اللى حصل ده مش هيأثر على علاقتى ببنت عمى وحبيبتى لانها روح قلبى بس السؤال بقى هل دلوقتى انايعتبر بخون حبيبتى وهل ينفع انى اقولها انى معجب ببنت زميلتى رجاء اللى يعرف الحل يرد عليا ومعلش لو كنت طولت عليكم
مشاكل الشباب مع البنات
هل الاعجاب بزميلتي خيانة لبنت عمي
اضيف بتاريخ: Sunday, January 2nd, 2011 في 12:29
كلمات مشاكل وحلول: اعجاب, الكلية, بنت, شاب, مشاكل الشباب, مشاكل مع البنات
المرحب كيفكم انا صراحة ردجوابى انك تحب وتكمل حياتك مع بنت عمك لنها بتحبك وهية كمان بتحبك فلا داعى انك تحب زميلتك لانها مجرد صديقة واخت الك وانك تبعد عنها حتى لا تعرف حبيبتك ولاحسن انك فى اصرع وئت تخطب بنت عنم حتى لا يصير مشاكل وتبعد عنك لانو حلى شى الحب من طرفين
موضوع انك تعرف بنت عمك ده بلاش منه لانه مش هيغير شئ بالعكس هيدخل الشك في قلبها وبعدين تفتكر هي المفروض تعمل ايه او تقولك ايه لما انت تقولها انك معجب بواحده تخيل كده لو هي قالتلك انها معجبه بواحد زميلها صدقني بدون اي تفكير هتبعد عنها وهتزعل منها ولو كملت معاها هتطلب منها متكلمش مع الانسان ده تاني ابدا وده اللي هي هتطلبه منك لو حكيت لها وساعات هيكون فعلا عندها حق …المفروض انك تقف مع نفسك فتره وتقدر تقيم علاقتك بزميلتك نوعها ايه وعلاقتك ببنت عمك نوعها ايه ومن رأيي مش تحاول تدخل حب لقلبك غير حب بنت عمك لانك بتكلم عن درجه حب جامده جواك وجواك .وخد بالك واوعي تظلمها دي مش واحده غريبه دي قريبتك.
بص انت بتحب بنت عمك وهيه كمان شئ جميل بس مينفعش تكلم واحده وهيه متعرفش لازم تقولها بس فهمها انكوا زملاء في الكليه مش اكثر وخليهم يتعرفوا علي بعض عشان بنت عمك تطمن وكمان زميلتك تعتبر ك مجرد زميل مش اكثر وتبقي انت كده انسان مخلص لحبيبتك وفي التمام وضميرك مرتاح بتمنالك التوفيق
الحب في حد ذاته يعني ثقه وعهد بحبك دي وعد منك ليها بإنك تصونها وتحافظ عليها وإللي أنت بتعمله ده لا في صون ولا بتحافظ عليها لأنك داين تدان وربنا ممكن يردهالك طالما أنت خونت عهدك وبصيت لغيرها
وبعدين بقا إللي بيحب لا بيشوف ولا بيحس حد غير حبيبه أنت إزاي بقا حصل كل ده وانت بتحب؟؟
غير لما تكون منقصاك وبعدين أنت لسه 21 سنة يعني ياما حتشوف وياما حتقابل لحد مايبقا عندك 50 سنة وأكتر ياترى بقا كل زميلة وكل إمرأة حلوة ولا كويسة ولا طيبة الاخلاق حتشدك كده أومال انت مرتبط وبتحب إزاي؟
راجع نفسك وإرجع عن التفكير ده وشوف حياتك ماشية إزاي علشان الخطوة الجاية تكون خطوة الجد بينك وبينك حبيبتك وشيل كل التخاريف والخداع بالمظاهر دي من دماغك الظاهر ديما خداعه وده مجرد إحساس عابر وعلشان كده ديما بيقولوا الرجالة في حياها نزوات كتيرة
خليك مخلص وإعلم إن ربنا عارف إيه جواك وإتقي الله ومن يتقي الله يجد له مخرجا
مجردانك فكرت فى واحدة تانى دى خيانة بس انت اتعامل مع زميلتك بشكل جدى لحسن تحبك حرام
اي نعم انت بتخون بنت عمك خيانه عقليه بعقلك واخاف تتحول الى خيانه ثانيه ابتعد عن زميلتك وبنت عمك افضل الك ولا تقول لبنت عمك انك معجب بزميلتك لانك حتدخل بمشاكل انت في غنى عنها الا اذا اردت ان ابنه عمك تتركك وانت تحبها لذا ارجع لعقلك
aش شوف يابن الحلال بنت عمك هى حبك واوع تضيعه وابعد عن هزهى الزميله