السلام عليكم و رحمه الله وبركاته
انا شاب في اوائل العشرينيات في اخر عام جامعى لي بإذن الله .. عندي مشكلة انى بتكسف من البنات بطريقة زايده جدا لدرجة انى بحس ان ضغطى بيعلى وبفكر فى الكلام لما اكلم واحده او حتى بتوتر لمجرد ان اى بنت بتكون متواجده معايا في جروب شغل في الكلية باعتبار انى في كلية عملية او لو مثلا مضطر انى اعدي ادام البنات في المدرج في الكلية بحس انى مش واثق فى نفسي و ان شكلى غبى وباين عليا انى متوتر….. انا لحد دلوقتى عمري ما ارتبطت بواحده ابدا او حتى مجرد زماله او كلام وخايف انى افضل كده و كسوفى ده يمنعنى من الجواز…… مع العلم انى عندي قرايب بنات في نفس سنى و مبحسش انى متوتر خالص معاهم لمجرد انى عارفهم كويس … يا ريت تنصحونى لانى حاسس ان المشكلة دي بتخلى شكلى وحش و بحس ان عمر ما في بنت هتقبلنى او خايف انى لو فضلت كده ميكونش عندي فرصة اصلا اني ارتبط
مشاكل الشباب مع البنات
الكسوف من البنات هل يمنعني من الزواج
اضيف بتاريخ: Thursday, March 23rd, 2017 في 07:43
كلمات مشاكل وحلول: الجامعة, الكلية, بنات, بنت, شاب
شوف يااخي لازم تبطل الكسوف والخجل اللي فيك ده وتعرف ازاي تتعامل مع زميلاتك البنات في الجامعة دون خوف او قلق وتوتر ومسالة انو مع بنات قرايبكم مايحصلك ده وبيحصلك مع البنات الاخرين فده شي طبيعي لانك متعود على بنات قرايبكم ويعرفوك وتعرفهم وواثقين فيك اما البنات زملائك في الجامعة فهم مايعرفوك جيدا الا من خلال الجامعة والمحاضرات ومافيش تواصل بينكم خليك راجل واثق من نفسك واحسن التعامل مع زميلاتك في الجامعة وعاملهم بالاحترام والادب ولاتخليهم يفكروا انك شخص معقد من البنات او مغرور ومتعالي عليهم وهذا يكره الناس فيك ويعطي انطباع مش كويس عنك ومافيش داعي للقلق والتوتر والاحراج اللي انت فيه وربنا يصلح حالك ويؤفقك ويكرمك بكل الخير
بارك الله لكم على الرد ورزقنا و إياكم الفلاح والتوفيق في الدنيا و الاخره
لا لا متخافش موضوع طبيعي ومنتشر وفي بنات كده برضو مش الولاد بس وبدليل انك بتقول ان مع قريبك عادي عشان تعرفهم بس انا كنت زيك وشباب كتيره كانوا زيك ومش مهم بتتوتر قدامهم او لا انت مش يهمك كل البنات حيجي يوم وحتعرف بنت وحتحبها وحتعاند خوفك منها وحتحاربه وحتعرفها اكتر من قريبك وحتتعود عليها وتبقي طبيعي معاها بغض النظر عن تعاملك مع باقي البنات بس دي ميزه لانك حتحب اللى معاك وبس وعينيك مش حتروح غير ليها ثق ف نفسك وثق ف قدراتك وثق ان لو قعدت 50 سنه متنزلش من البيت حتي ربنا شايلك نصيبك وف اي صدفه ممكن حياتك تخش فيها واحده تبقي كل اللى ليك وتحارب كسوفك ده عشانها ومعاها هي بس 🙂 ومعظم البنات بتحب الراجل اللى زيك الراجل الخجول من البنات التانيه لانها حتبقي عارفه انها كل اللى ليك وربنا يوفقك
بسم الله الرحمن الرحيم . بعد الصلاة والسلام على حبيبنا وحبيب الله . حضرتك ماعندكش مشكلة خـــــــالـــــــــص ازاى ده انا مافيش شاب عامل زيى دلوقتى ؟ ده لانك شخل راجل ومحترم وربنا بيحبك لدرجة رائعة جدا . ليه ؟ لانه مش عايزك تغضبه او تعمل زى اغلبية الولاد انك ماتغضش بصرك وانك تتكلم عادى مع البنات . ف ربنا كمان بغير على قلبك . يا اخى من سمات الايمان الحياء والحياء بيبقى اكتر عند النساء ولكن بردو الرجال لازم يكون عندهم حياء . ابسطهم حياء من الله عند فعل المعاصى . بالنسبة بقا من التوتر الزايد ده احضرتك ممكن مثلا تشغل عقلك ب ذكر الله لما تعدى قدام بنات او كده او تفكر فى اى حاجة يعنى ماتركزش مع البنات . ليه ؟ لان حضرتك ماعملتش حاجة غلط عشان تبقا متوتر كده . و بالنسبة ان حضرتك خايف من انك ماتعرفش ترتبط . حضرتك لو لو اخترت الزوجة الصالحة هتكون سعيدة جدا ب ده هتكون سعيدة ان زى ما هى حافظت على نفسها عشانك حضرتك كمان حفظت على نفسك عشانها . فى البداية لاى علاقة فى الحلال اعتقد انها بتكون فيها حياء وتوتر وكل ده طبيعى ولكن بعد كده كل شىء هيزول بعد الجواز . واكبر دليل على كده ان حضرتك بتكلم قرايبك عادى . وخالى بالك ان ربنا امرك انك تغض بصرك وتقلل الكلام حتى مع قرايبك . وكمان حتى عشان متترداش لبنتك ان شاء الله بعد كده . ازاى ؟ يعنى لو حضرتك عايز تعمل زى ما الولاد بيعملوا وتكلم بنات عادى وتصاحبهم وكده وكل ده حرام طبعا . ده هيحصل ل بنتك وحضرتك اكيد لو راجل وشهم مش هتحب البنت اللى بتصاحب ومش خايفة من ربنا . ف خالى انك انسان مختلف عن الاخرين ان دى ميزة عند حضرتك والقليل اللى عندهم الميزة دى . ف خاليك واثق من نفسك عشان كده وعشان كمان انت ب كده بترضى ربنا . بس يا ريت لو حضرتك تجدد النية . ازاى ؟ يعنى تنوى انك مش هتبص ولا هتكلم بنات عشان ربنا امرك ب كده مش عشان انت مش عارف او الكلام ده . والله اعلى واعلم
الشاب الذي يكون واثق من رجولته وما عنده اي مشكلة اكيد بيكون جريء مع البنات , اذا كنت عارف ان لديك اي مشكلة تمنعك من الزواج فليس من الضروري ان تكون لك اي علاقة بالبنات لهذا الهدف الا مجرد زميلات عمل وما دام الامر كذلك فلا يوجد اي سبب لاحراج , والزواج فقط يكون للشخص الطبيعي المستطيع ,ولماذا تحرج من جميع البنات هل انت ناوي تتزوج بهم كلهم ,اكيد سوف تكون علاقتك بواحدة والبقية على الهامش لا علاقة لك بهم الا مجرد تعارف سطحي وزمالة بسبب الدراسة او العمل ,