انا بحب بنت خالتي بس مش متأكد أن اختياري صح ،،حاسس اني متردد ، بس كل ما بشوفها بحس بحاجه جوايا بتحركني وتخليني نفسي اقولها اني بحبك ،،،المشكله أن خالتي كلمت في مره ماما فالموضوع وقالت لها نفسي بنتي تتجوز ابنك .وانا ساعتها كنت حاسس بضغط لان مامتي كانت كل شويه تفتحلي الموضوع ده وبتقولي بنت خالتك جميله قبل ما خالتي تفتح الموضوع ..وانا كنت بقول لماما ساعتها أن انا شايف بنت خالتي كأختي ،ويظهر ان الموضوع كان بيجيب معايا نتيجه عكسيه وكنت بتقل واقول انا هتجوز واحده اوربيه لمامتي من كتر ما ماما بتصر وتفتحلي الموضوع كتير … . حتى مامتي كانت بتفتح موضوع الجواز وكده وتخلي ستي تكلمني وتقولي هتتجوز امتى قدام بنت خالتي ،وانا للاسف كنت عايز احس اني تقيل وما اتجوزش اي حد وكنت اقعد اقول هسافر واتجوز من بره ….مش عارف دلوقتي بنت خالتي شايفاني كاخ ليها ولا لا بعد ما سمعتني بقول كده …ولاحظت أن كل ما ماما تفتح الموضوع الجواز ده وتخلي ستي تكلمني فيه قصاد خالتي وبنت خالتي ،،كانت بنت خالتي تهزر وتقولي امتى هتتجوز بقى ؟ نفسي احضر فرحك ..مش عارف هل هي كانت بتحس أن انا مثلا بتقل عليها لما كنت بقول هتجوز واحده من بره ؟ عشان كده هي كانت بترد كده ؟!ولا ايه ؟! .بس هي لو اعترفت ليا أن هيا بتحبني ،احتمال كبير اوي اكمل معاها واقولها بحبك…ساعات يتخيل أن هيا اتخطبت وأحس إني زعلان اوي ..بس مش عارف هل ده عشان انا خجول ومااعرفش بنات الا هي ؟ يعني هل لو شفت بنت تانيه هنساها ؟ انا مش عارف ..
الحل انك تصلي استخاره وتستخير ربنا في موضوع زواجك منها .. وبعدها اللي هتلاقي قلبك مرتاح له يبقي دا اللي ربنا اختاره لك وامشي فيه وهيكون خير بإذن الله ..ممكن تكون هي كمان معجبة بيك بس منتظرة انك تخطبها عشان تعترفلك بمشاعرها لأن صعب طبعا واحدة شايفه انك بتتقل فهتفكر انك مش بتحبها و حتي لو هي بتحبك هتفضل انها تكتم لكرامتها اكيد . . صلي استخاره وكل حاجة هتتيسر بعدها بإذن الله
اولا- دي بنت خالتك اقرب ناس لكم واولى بك من غيرها من البنات ثانيا- مسالة انك عاوزها تصارحك وتقولك انها تحبك البنت المحترمة والمتربية تخجل ان تقول كلهذا عكس البنات الغير محترمات ثالثا- ارى انك تسمع كلام امك وتطيعها وتقبل بالارتباط مع بنت خالتك دي فاامك تعرف مصلحتك احسن منك وترغب في الخير والسعادة لك في حياتك ربنا يوفقك ويجعلها من نصيبك وتلاقي الخير والسعادة معها طوال حياتكم