السلام عليكم .. انا اتعرفت علي بنت عن طريق الفيس بوك في جروب الكليه وبعدين قابلتها .. وظلت العلاقه بيننا علاقة صداقة لمدة سنه ونصف.. وبعد كده حسيت انها مريحه اوي وبتسمع الكلام ومطيعه في كل حاجه.. وحتي اي حاجه ببقي عايزها بتعملها لو حست اني برتاح لما تعمل كده.. وبعدين قولت افاتحها في موضوع زواج وكده وخطوبه وقولتلها فعلا وهيا وافقت وكله تمام وروحنا عندهم انا ووالدي ووالدتي .. الكلام ده بقاله شهر تقريبا .. ودلوقتي انا حاسس اني مش مقتنع بيها 100% من ناحية الجمال أولا فهي متوسطة الجمال، يعني حاسس انها مش هتعفني عن النظر لغيرها .. ودلوقتي انا عملت حجه وقولتلها اني مش هقدر اكمل معاها بحجة ان مفيش شغل وكده وهظلمها معايا وهيا كانت زعلانه اوي لما قولتلها كده، وبعدين حسيت اني مش قادر ابعد عنها برضو، ورجعتلها تاني وصالحتها وهيا رجعت زي الأول، بس انا مش قادر ارجع زي الأول .. ودلوقتي مش عارف اسيبها ولا أكمل معاها .. أرجوا الإفادة .. مع العلم انها شخصية كويسه جدا ومحترمه وطيبه جدا وأصيله وجدعه وبنت حلال ..جزاكم الله خيرا
تدري بعد الي قلته كله
اتمنى من الله ان يرزق هالبنت واحد احسن منك يستاهلها ويعرف قيمتها
ويبعدك عنها ما باعد بين السما والارض لانك ما تستاهل ظفرها بصراحة
وانت لو سمحت اترك البنت حرام عليك لا تعيشها في قصور من الاوهام البنات عاطفيات وانت قاعد تعطيها امال كاذبة
اذا مو مقتنع وشايف انها راح تملا عينك وتكفيك عن الحرام بعد الزواج ارجووك اتركها نهائي عشان تشوف نصيبها هيا كمان
ما ادري ليه بعض الرجال انانيين
( ما احبه ما اكرهه ما اعطيه لولد العم) تنطبق عليك
منك لله انت فعلا مراهق وقصتك نرفزتني حسبي الله ونعم الوكيل انت مش بتاع مسؤلية
والله انك ظالم ومفتري لهذة البنت عاوز تتركها علشان الكلام الفارغ اللي بتقوله مش عارف ان اهم حاجة في البنت الدين والخلق والسمعة الكويسة وكلدي موجودة فيها عاوز ايه احسن من كدا الجمال هو جمال الروح وليس المظهر والشكل ياما في شباب متزوجين من ملكات جمال وغير سعداء في حياتهم الزوجية اسالني انا كنت متزوج اكثر من وحدة مش هتصدق لوقلت لك ان كل وحدة منهن ملكة جمال رباني ولكنني كنت مش مرتاح ولاسعيد معهن في حياتي وطلقتهن واكرمنى الله بالزواج من امراة ذات دين وخلق واهلها طبيبن وليس فيها جمال وانما تملك جمال الروح ولها معي قرابة 20سنة انجبت منها الابناء ولاد وبنات والحمدلله على كل حال ولئن شكرتم لازيدنكم