احبها ولا اتخيلها لغيري ومضطر انى ماقولهاش

انا شاب عندي 25 سنة …بكالريوس جامعي..لسة مشتغلتش بسبب الجيش وكدة…جارتي عندها حوالي 16 سنة وتقريبا اعرفها من وهي لسة سنتين لانها كانت بتلعب مع اخواتي الصغيرين وتقعد عندنا في البيت وكان والدها يقوللي خلي بالك منها وهي بتلعب في الشارع وكدة…مع الوقت كبرنا وعمري مكنت حاسس ناحيتها باي حاجة لاني مكنتش بشوفها من وهي عنده تقريبا 9 سنين وكانت بالنسبة لي طفلة وخلاص….ومكانش في بينا اي كلام ..بالاضافة انهم سافروا فترة حوالي 6 سنين فمكنتش مهتم اصلا….من حوال 6 شهور شفتها وحسيت ناحيتها بحاجة غريبة واني مشدود لها بطريقة غريبة يعني بكون مبسوط لما اشوفها واضايق لما اقعد فترة مشوفهاش واتاكدت اني بحبها لدرجة الجنون مع ان محصلش بيني وبينها اي كلام من ايام الطفولة يعني من سنين طويلة لان والدها راجل ملتزم ومينفعش بناته تتكلم مع حد…وانا كمان الحمد لله مش بتاع بنات او صحوبية اوغيره…ومش بتكلم مع بنات في الشارع كدة…نفسي اتقدملها بس في فروق مادية بينا لصالحها طبعا وكمان انا لسة في الجيش ومشتغلتش حاجة معينة…فمضطر آجل الخطوة دي كام سنة كدة…عشان كدة بفكر اصارحها بحبي ليها بس مش عارف ازاي…وخايف من رد فعلها بالرغم من اكبر منها..انا بشوفها كل يوم تقريبا وهي رايحة المدرسة وان بكون رايح الجيش بس حتى مش برفع عيني عليها …يا ريت حد ينصحني اوصلها احساسي ليها ازاي…لاني بجد محتاجها في حياتي جدا…وناوي ان شاء الله اني ادخل البيت من بابه بس عالاقل بعد الوظيفة والشقة وده صعب يتحقق قبل كام سنة…وخايف تروح مني…قولولي اعمل ايه

مشاكل وحلول ذات صلة

• نفسيتي تعبانة ومش قادرة افكر ومخنوقة
• شاكك في خطيبتي وكنا نحب بعض قبل الخطوبه
• حب 5 سنين واجبروها علي حد غيري
• انفصلت عن خطيبي بسبب امي
• خطيبي بيعاملني وحشه وعصبي
• فسخت خطوبتي ورجعتله بس حاسة انه مش بيحبني زي الاول
• خطيبتى مش بتهتم بيا ولا بتتصل عليا