مشاكل الشباب مع البنات

كنت بحب واحدة لمدة سنة واتخلت عني

أنا عندي 17 سنة … كنت بحب واحدة آدي .. كنت اعرفها من زمان قوي تقريبا 4 أو 5 سنين بس ماكناش بنتكلم كتير قوي غير كل فين وفين .. هي كانت بتحب واحد معاها في الفصل كانوا مع بعد سنة ونص وأنا كنت زميلها عدي مكنتش بحبها ولا أي حاجة .. فييوم خرجنا سوا كلنا وشفتها وهي بتتباس من صاحبها اللي كان معاها سنة ونص .. أنا استغربت إنها بتعمل كده وافتكرت إنها محترمة وكده وجت فترة راحوا سابه بعد .. وبعدها معرفش إيه اللي حصل بس أنا وهي قربنا سوا قوي .. قعدنا 4 شهور سوا كأصحاب قريبين قوي من بعد وجت فجأة لاقيتني بقولها أنا بحبك … قالتلي وانا كمان بحبك والله بس أنا من 4 شهور كنت لسة سايبة اللي كنت بحبه ومش عايزة اتجرح أو اخش فيقصة حب تانية غير تكون رسمية وتكون ربنا ردي عنها .. علتلها أنا بحبك ومستعد نفضل سوا وعمري مااسيبك أبدًا .. وقابلت فعلا .. المهم فضلنا سوا آه كان بيحصل شوية مشكل وبنرجع سوا عادي وكانت مهتمة بيَّ قوي بس أنا مشكلتي إني عصبي قوي قوي   .. كنت بتعصب عليها كتير وجت فترة كنت بقفل لسكة في وشها بس بعدين فهمت غلطتلي وبقت بحترمها وبقدرها وعدوتها على كل لنقد اللي كنت بعملهوها كنت بعيطها كتير قوي من كل حركتي دي .. بس هي استحملتني كتير قوي .. وبعديها جت فترة أنا سافرت السعودية وبعدنا بس كنا بنتكلم كل يوم كل يوم … لمشكل بداية تزداد … كنت بشوك فيها عشان هي مكنتش بتقولي هي بتكلم مين بصراحة ومين بيتصل بيها في ال تليفون وكده وكانت بتخبي عني حاجات وكانت بتجي تقول بخاف أقولك عشان ماتزعقش وكده .. لمهم هي جت بقى واللتي أنا تعبت ومأستنش أدرى أكَمل وخلاص كفاية وكده ونتى عصبي قوي ودايما بتزعق وحاجات كتير كده .. وبنرجع بعديها بـع أو 4 أيام … جت بقى مرة واللتلي إنت بجد كتير عليَّ كده وأنا تعبت .. وسبنا بعد أكتر من 4 أيام .. واللتي خلاص مش أدرى اكمل ونبقى صحاب وبس .. وبقعد كده قلت هتغير وبجد اتغيرت بس اتغيرت لما بقينا صحاب علتلها أنا أهو اتغيرت عشانك وعشان بحبك .. قالتلي جت متأخرة قوي .. وخلاص احنا صحاب ولو مقتبلنا نرجع سوا إن شاء الله هنرجع في ال جامعة .. قلتها ماشي أنا هستناكي عشان بحبك ونفضل صحاب لحد لجمعة .. راحت فجأة كده بعديها بكم يوم بتقولي أنا مش عايزة نتكلم خالص وفجأة كده أنا تعبت من إني صحاب وبرده مش أدرى أعيش حرتيتي وعايزة أعيش وأخرج وكده علتلها طيب أنا عملت إيه .. ما أنا عملت كل اللي إنتي عايزة واتغيرت وقلت هستنى لحد لجمعة وكده قالتلي لأ خلاص أنا تعبت ومتكلمنيش خلاص عشان مش هرود عليك .. وكلمتها بعدها 6 مرة ولا حاجة شفت رسالتي بس مردتش عليَّ .. وعملت عملية قريب وراح صاحبي يقولها مش هتسالي عليه وكده قلتله لأ .. احنا مش بنتكلم تاني خلاص .. هي جت عليَّ كذا مرة .. بس مجتش على كرامتي .. بس اللي هو مرة عيطت معاها قالتلي متعيطش وخلاص ومتزعلش وكده .. بس أنا بحبها قوي .. ومش عايز اتخلى عنها .. أنا مسافر تاني مصر بعد شهرين .. ف أعمل إيه أنا ؟؟ بالنا 12 يوم ومجتش تسأل عليَّ .. هي قالتلي عايزة أبعِد فترة بس .. بس هي لحد دلوقتي مجتش  وشكلها مش جيا .. مش بتسأل ولا معبرني ولا أي حاجة وأنا بجد بتعذيب اويي عايز أعرف اكمل وأحول ارجعلها ؟؟؟ ولا أعمل إيه ؟؟ هي دلوقتي عيشة حيتها وبتخرج وعيشة .. بس أنا بحبها وبالنا 12 يوم كده سيبين بعد وأنا بتعذيب .. مش عارف أذاكر ولا اعمل أي حاجة .. بحبها قوي قوي قوي …. ومش عارف أعمل إيه ؟؟ ياريت حد يسعدني .. ومعلش عالعربي بس أنا كاتب لكلام ده كله بالترجمة ومعرفش لو لكلمة صح ولا غلط معلش تعبتكو معايا

مشاكل وحلول ذات صلة

اضيف بتاريخ: Friday, October 27th, 2017 في 00:27

كلمات مشاكل وحلول: , , , , , ,

ردود to “كنت بحب واحدة لمدة سنة واتخلت عني”

  1. ahmad
    27/10/2017 at 16:20

    انت لو راجل بجد بجد اقرأ كلامي للأخر بص انا شفقة مني عليك هحاول افهمك الواقع المر اللي معظم الناس متعرفهوش ومعظم الناس اللي تعرفه بيهربوا او بيتهربوا منه بص انت اكيد صاحبتها وهي صاحبت واحد تاني قبلك عشان هي جميلة يعني لو هي مثلا جاية من عزبة ابو علي مكانش حد بص في وشها وده اللي انا عاوز اوصلله زي ما في شروط عشان البنت تلاقي اللي يعبرها لازم برضو الولاد في شروط عشان يلاقي اللي تعبره والصراحة بقا ٩٩٪ من بنات مصر سواء حلوين او قرود بيتمتعوا بصفة اسمها التناكة يعني لو مفيش فيك حاجة تجذب البنات (اللي هي الفلوس) هتلاقي التناكة فرقعت في وش الواحدة فيهم وتلاقيها بتبصلك وتضحك وتتكلم عليك وهتيجي على كرامتك جامد عشان شايفة نفسها ، فمتخليش واحدة تعمل فيك كده على الفاضي لأن اللي تدي نفسها لأي حد دي رخيصة وفي الآخر هتسيبه اذا مفيش ليها مصلحة فيه تخليها قاعدة معاه يعني متفكرش حتى تخش في قصة حب وتمرمط نفسك غير لما يكون معاك فلوس كتير عشةن تبقى في موضع بوة مش تبقى مدلوق عليها هتسيبك علطول وعامة البنات مبيطيقوش العصبي فالاحسن ليك تاخد كل حاجة على قد اللي تستاهله ومتقولش هتغير عشان بنت لان مفيش بنت تستاهل اتغير عشانها

اترك رداً أو حلاً لهذه المشكلة