السلام عليكم أنا طالب ثانوي أزهري عندي 17 سنة من صغري متميز في دراستي وحصلت علي المركز الأول علي مستوي الجمهورية في القرآن الكريم في الصف السادس الإبتدائي وكذلك علي نفس المركز في مسابقة أوائل الطلبة في نفس الصف وفي ذلك الوقت كانت معهدنا مشترك “ابتدائي يعني” وكان فيه بنت محترمة جدا وعلي قدر من الجمال والعلم حتي ذلك الوقت وكنت معجب بها “إعجاب مش حب” وحصلت هي علي المركز الثاني في مسابقة أوائل الطلبة، وماهي إلا سنة الدراسة دي وبعدين ماشفتهاش لمدة 4 سنين يعني لحد أولي ثانوي وكنا علمي وكانت بتيجي تاخد معايا درس فيزياء في السنتر “قدرا يعني” وماحاولتش حتي تبص عليا ولا أنا بصيت عليها إلا نظرات خاطفة يعني ولحد تانية ثانوي وبعد الإمتحانات ربنا رزقنا بتقديرات عالية وأنا حاليا جرافيك ديزاينر ومبرمج شبكات وفي نهاية أولي ثانوي كنت بفاضل بينها وبين طالبة تانية بنت مدرس الكيميا بتاعي لحد ربنا ما وراني إن الأولي واقفة في مدرستنا كإنها بتتكرم وفرحانة وأهدتني مسجد صغير منحوت يعني وفيه ألوان كتيرة وحلوة وحلمت تاني إن بنت مدرس الكيميا بتنقي فستان وأنا واقف بشوفها وإختارت واحد أحمر قصير وكان فيه واحد أبيض طويل هيطلع من عيني بس هي ما اختارتهوش وإن أنا زعلت ووالدتي كانت بصالي وفرحانة جدا وبتضحك،
بس كده ولما والدي اتوفي من 3 أسابيع هي كلمتني ع الفيسبوك وعزتني رغم اني ماكلمتهاش قبل كدا وقولتلها الله أبقي وخلاص عايز تفسير الحلمين وعايز أعرف ينفع أكلمها ولا لأ علما بإني عايز أخطبها وخايف إن حد يروح يتقدملها فتوافق عليه وأنا داخل 3 ثانوي فإزاي أعمل حاجة تخليها تتمسك بيا، وآسف علي الإطالة وشكرا جزيلا :)
مشاكل الشباب مع البنات
أحب فتاه محترمة من 7 سنين
اضيف بتاريخ: Monday, October 30th, 2017 في 23:21
كلمات مشاكل وحلول: الازهر, الدراسة, امتحانات, بنت, شاب
شوف ياابني الزواج سترة واعفاف للبنت والشاب وطالما انك تعرف البنت ومتاكد من دينها وخلاقها وتربيتها فتوكل على الله ولاتتردد في التقدم لها واخطبها من اهلها حسب الاصوول و اللي فيه الخير ربنا يقدره لك ويجعلها من نصيبك ان شاء الله اما تفسير الحلمين اللي رايتهم الاول – ان الفتاة دي ناجحة ومتفوقة في دراستها والاهداء في المنام دليل على المحبة والمودة وقيل دلت الهدية على الخطبة والزواج للعازب وقولك انه مسجد صغير منحوت دل على حرصها على الدين والمحافظة على صلاتها وعباداتها لله عزوجل وصلاح حالها وفيه الوان كثيرة وحلوة دل على الفرح والحياة السعيدة والسرور اما الحلم الثاني – ان البنت لثانية تختار فستان في المنام فدل الفستان على الزواج والستر للفتاة ورؤية الفستان الاحمر في المنام يرمز للعاطفة والمشاعر الدافئة للفتاة العزباء ودل على تالقها وتميزها وعلى الاناقة والجمال الحسن والجاذبية التي تمتع بها الفتاة واما رؤية الثوب الابيض الطويل فدل على حسن الدين وعلى الامان والاستقرار والطهارة والثقة بالنفس وقولك انك زعلت منها يعني انك غير راضي عنها ولاعن مافعلت وقد تكون امك راضية عنها وتريدها زوجة لك والفرح دليل على السعادة والرضا والله اعلم