انا شاب بالثانوية العامة . ف يوم قابلت بنت من الفيس بوك . تعرفت عليها ومحترمة جدا . ولكن بعد كام شهر من المحادثات حسيت بإني معجب بيها ف قولتلها اني بحبها . واتفاجأت انها كمان بتحبني وعدت الايام واحنا بنحب بعض . وانا قرأت عن حب الفيس وكده . فلقيت انه فاشل والحجات دي . ومستحيل اننا نتزوج ولو تزوجنا هتكون علاقة فاشلة . بس انا بحبها فعلا . بس اذا كانت هتبقي علاقة فاشلة . فأنا مش عاوز ليها حياة فاشلة . بس انا مش اقدر اقولها كدا لأنها هتفتكر اني كذبت عليها واني بحاول اخلص منها . بس انا ف نيتي انها تتزوج وتكون حياتها كويسة مش من شاب عجبها ف الفيس . بس دي مشكلتي
عايز احكي لك قصة واحد صاحبي تعرف على بنت من خلال الفيس بوك طوال 5شهور وحبوا بعض وصار صاحبي متعلق في البنت دي ويموت فيها وعايز يتقدم لها ويخطبها من اهلها خايف البنت تروح منه ويجيها واحد ياخذها منه تكلم مع اهله في الموضوع في بداية الامر عارضوا فكرة انه يتزوج من وحدة عرفها من خلال النت لكنه اصر على اختياره للبنت دي واستطاع اقناعهم انهم يوافقوا على ارتباطه بها خصوصا انها بنت محترمة وعلى دين وخلاق واهلها ناس كويسة سالوا عنها وعن اهلها وكل الناس تذكرهم بالخير وتثنى عليهم وفعلا حصل تعارف بين اهل الشاب واهل البنت وزيارات متبادلة بينهم حتى ارتاحوا لبعض اكثر وعندها راح ابو الشاب وخطب البنت من اهلها وتمت الموافقة واتخطبوا وكل شي تماما ويستعدوا الان للجواز وربنا يؤفقهم ويسعدهم وانت برضوا ربنا يؤفقك ويسعدك مع الانسانة اللي اختارها قلبك
مش كل العلاقات اللي عبر النت ووسائل التواصل فاشلة كما تظن طالما ان النوايا صادقة من كلا الطرفين فكثير من الناس تزوجوا من خلال التعارف عبر تلك الوسائل سوا فيس بوك او واتساب اوغيره البنت فعلا تحبك وصادقة في مشاعرها فليه عاوز تتركها وتحكم على علاقتكما بالفشل مبكرا لست معك في هذا خليك صادق المشاعرمع البنت دي واسعى الى الارتباط بها واطرق الباب حسب الاصوول يعنى تعرف على اهلها في البداية وخلي اهلك يتعرفوا على البنت واهلها ومن خلال الزيارات والتواصل بين اهلك واهلها ربنا يكتب لكم اللي فيه النصيب ماحصلش نصيب خلاص فكل شي برضو قسمة ونصيب