انا اتعرفت على بنت اكبر منى ب 6 شهور و نعرف بعض من اكتر من 4 شهور بس من شهر اعترفت لها بحبى و هى بادلتنى نفس الشعوربس من اسبوع مبئتش ترد عليا و كل م ارن عليها او ابعت لهل رسالة مردتش غير مرتين …مرة قالتلى ان مامتها تعبانة و المرة التانية قالتلى ان عندها ظروف ومش حتعرف ترد عليا و نتكلم بعد الامتحانات و مش معبرانى خالص؟؟؟
كان على الفيس بوك سوال “هل تقتقد فلان(عليها هيا) فرديت و قولت اوى اوى..فراحت ف اخر رسالة قالتلى متعملش كده تانى عشان فى واحدة سمعتها كلام ملوش لزمة و قالتلى نتكلم بعد الامتحانات و مسحت تعليقاتها على صورى …و مش عايزة ترد عليا مع ان فى نيتى انى اتقدملها اول مخلص الكلية و قولتلهل كده قبل كده و قالتلى انها حستانانى…بس دلوقتى انا مش عارف اعمل ايه؟؟؟؟؟
ياباشا سيبك منها دى ملاوعه واللوع بدايته غش وأوسطه كدب ونهايته خيانه وضياع …. دى لو صادقه معاك مكنتش قالتلك كلمة حب طالما طلعت أولعوبان وحوارانجيه كده فكك ياريس بلاش قرف
– خليك تقيل وبلاش تتدلق عليها بالشكل دا
لأن كتير اوى من البنات لما بتلاقى الولد مدلوق عليها مهما كانت بتحبه بتبعد عنه وبينزل من نظهرها رغم ان دا فى معظم الأوقات بيبقى حب زيادة عن اللزوم من الولد لكن هو بيتفهم غلط فخليك ماشى على القاعده المعروفه واهى انك تتقل بس خليك تقيل بعقلانيه
يعنى مش تتقل لدرجة ما نشوف منك مشكلة بتقول فيها انها اتخطبت لحد تانى !!
– استخير ربنا فيها
– اسأل عليها كل فترة ومش تسيب الموضوع خالص كدا
– حاول تسأل مره او 2 لكن لو مفيش اى استجابه منها حاول تخرجها من حياتك لأن بكدا مش هتكون بتحبك واكيد انتى مش هتقبل تتذل لحد مهما كنت بتحبه ولا ايييييه ؟
– ويا سيدى استنى لغاية حجتها ما تخلص ” فترة الأمتحانات ” وبعد كدا احكم على افعالها وحججها اللى ممكن تزيد !!
وان شاء الله ربنا هيقدم اللى فيه الخير ليك وليها
وياعم بلاش كلمه ارتباط دى غير لما تكون واثق فى البنت اللى هترتبط بيها
دا ارتباط مش اى كلام , لازم تعرف عنها كل شىء وعن اهلها ودا مش عيب لأنك هترتبط مش هتلعب
وعايزك تدرسها وكأنها مقرره عليك السنه دى
بالتوفيق ليكم يارب
إنت بتحبها لكن ما بتعرف إزا كانت البنت بتحبك ولا لأ.. إلا في حال واحد إزا كانت هي بتحبك مش معجبة بكلامك.. أو سارت في مسارك الشاعري.. أي بنت ممكن تقول لأي حد بحبك.. بس هاد مش مقياس.. المقياس بالتجاهل (كإختبار)..
ولا تعبرها هى اللى المفروض تجرى وراك ما علينا اللى حصل حصل .. هى دلوقتى عرفة انك حا تموت عليها متحسسهاش بكدة خالص و اوعى تكلمها تانى غير لما هى تتصل و مترودش على طول سيبها و تانى يو قوللها انك كنت مشغول يعنى انا عايزك تتأل عليها و لو متصلتش بيك يبقى هى مش بتحبك و كدة خلى عندك كرامة و سيبها و انساها تماما
اتقل شويه لو بتحبك زى ما بتحبها هى كمان حتشتاقلك زى مانت مشتاقلها لو مسالتش فيك يبقى حاول متكلمهاش تانى خالص حقولك نصيحه من اخت كبيره البنت تحب الشاب التقيل القوى اما اللى بيجرى وراها بتمل منه لو حسيت انها مش فى دماغها افتكر انك شاب وادامك بنات الدنيا يتمنوك ودور على واحده تستاهل حبك
بص دى لاقياك مدلوق عليها بتتقل ومعلش انت كدة هضيع كرامتك وشخصيتك اتقل عليها ومتعبرهاش ولو اتكلمت معاك قولها معلش نتكلم بعدين خلى عندك شخصية من الاول عشان عشان متبقاش تحت امرها وقت ما تحب تتكلم معاك تتكلم ووقت لما تكون مش عاوزة يبقى بمزاجها اتقل يا ريس كدة