بسم الله الرحمن الرحيم
معلش ياجماعة انا يمكن اطول عليكو شوية بس والله محتاج اتكلم
نخش في الموضوع
انا عندي 16 سنة في اولي ثانوي صناعي انا من مدينة ومدرستي في مدينة تانية مش بعيدة قوي المهم شفت بنت من شهرين تقريبا في امتحانات نصف الترم كانت راكبة معايا معايا العربية اتشديت ليها جدا وحبيتها لدرجة اني فضلت ادور عليها كل يوم وكل يوم لحد ما عرفت القرية اللي هيا بتنزل فيها وعرفت بيتها كمان وبقيت بروح قبل معاد المدرسة مخصوص عشان اقعد هناك واستناها لما تخرج واركب معاها العربية فكل مرة كنت بحاول اخش اكلمها فبلاقي معاها اصحابها فكانت راسي والف سيف اني اكلمها وكدا ولو حصل نصيب اخطبها فالمهم انا اتعرفت علي شاب من هناك واتصاحبنا وكدا وابتديت أسألة عنها واحدة واحدة قلي لا سيبك دي عاملة زي الكهرباء اللي بيقرب لها بيتلدع قلتلة ليه لقيتة بيقولي اخوها عميد واخوها التاني طالب حربية واخ تالت مجند صاعقة وابوها لواء علي المعاش وكل الكلام دا وهيا الحيلة مفيش غيرها بس مش عارف ليه مكنتش مصدقة لانو وهوا بيكلمني وبيقولي محدش يعرف يكلمها عشان اخواتها راح قايلي انا لو حد بصلها ازعلو جامد انا قولت في نفسي انتا تزعلو ليه طلاما اخواتها جامدين اوي كدا انا حسيت ان الواد دا بيضحك عليها عشان مثلا غار مني او هوا عايز يكلمها ومش عارف وبيطيرني وكدا بس حتي لو طلعو كدا فعلا اهلها عادي لو كلمتها بغرض اني اخطبها او اسأل حد عليها من العزبة دي ولا اعمل ايه انا مش قادر انساها لحظة انا حبيتها وفي نفس الوقت اللي كنت ناوي اخش اكلمها فيه ومصمم الواد دا قفلني جدا مش عارف اعمل ايه ياريت تساعدوني او تدوني اقتراح
