هموت واشوفها ومش عارف اوصلها

في البداية انا اسمى ا*** وشغال في مول كمبيوتر وكنت عايش حياتى ومش مرتبط لحد ما جه اليوم اللى قابلت فيه اجمل وارق انسانة شافتها عنيا
دخلتلى وبتقولى انا الجهاز بتاعى مهنج وتقيل اوى قولتلها هاتيه وانا هخليهولك برفكت يا افندم ونظراتى ليها كانت مش عادية ..قالتلى ماشي هجيبهولك بكرة قولتلها ان شاء الله ولما روحت البيت جيت انام مش عارف انام مفيش في دماغى الا هي المهم فضلت افكر فيها لحد لما اغمى عليا من الارهاق ونمت غصب عنى ولما صحيت بردوا لاقيت نفسي بفكر فيها وصورتها في بالى قولت لا كدة في حاجة مش طبيعية ولما روحت الشغل فضلت مستنيها لحد لما جت ولما قالتلى الجهاز هيخلص بعد اد ايه قولتلها لا انتى لازم تستنيه عشان ممكن يكون في مشكلة فا لازم تكونى موجودة وكنت حاسس انها عارفة ان انا بتحجج عشان تفضل معايا وطول ما انا شغال في الكيسة كنت ببصلها من تحت لتحت عشان مش تاخد بالها عشان متكسفش وخلصتهالها ومشيت وانا كنت حاسس ان الوقت عدي هوة ومن ساعتها وانا اتجننت بيها وفضلت مستنيها انها تيجي تانى بس للاسف مجتش وفضلت كل يوم مستنى وعلى الحال دة لمدة 8 ايام واليوم التاسع كانت ماشية من قدام المول واول ما شوفتها ارتبكت بس حاولت امسك اعصابى وهي كانت معدية يعنى مش جاية عليا بس انا ناديت عليها في الشارع بس بصوت واطى قولت يا انسة فا بصت بتقولى انا قولتها اه انتى طبعا قالتلى نعم قولتلها انتى المرة اللى فاتت نسيتى عندى الماوس بتاعك قالتلى انا ؟؟ قولتلها اه قالتلى لا منستش ماوس قولتلها اومال كيبورد !!! قالتلى انت عايز ايه قولتلها ممكن رقم موبايلك قالتلى لا اسفة قولتلها لا انتى فاهمانى غلط قالتلى طيب فهمنى الصح قولتلها انا عايزك في حاجة مهمة قالتلى ما تقول قولتلها لا مش هينفع هنا قالتلى طيب بعدين ومشيت وخلتولو عرف ممكن نى اشد في شعرى وبعديها ب اربع ايام جت تانى قولتلها انتى رفضتى تديلى رقم فونك صح ؟قالتلى مش رفضت بس عشان اخويا ضاغط عليا اوى ولو عرف انى بكلمك هيبهدلنى قولتلها يعنى انتى مش رافضة الموضوع اصلا ؟؟ قالتلى ايوة انا الفرحة كانت هتنط من عنيا اول لما قالت كدة قولتلها طيب بصي انتى هاتى رقم موبايلك وانا هرن عليكي ولو كنسلتى هعرف انك مش هتعرفي تردى
قالتلى طيب هات انت رقم موبايلك قولتلها ماشي وبالفعل كلمتها ومع الوقت حبينا بعد اوى لحد لما جه اليوم النحس اللى قالتلى فيه ان اخوها موبايله اتسرق وانه هياخد موبايلها لحد لما يجيب موبايل كمان يومين انا قولتها مش هقدر مكلمكيش يوم روا بعض قالتلى معلش استحمل وعدي اول يوم وتانى يوم وتالت يوم العصر اتصلت بيها قالتلى واحشنى اول ما فتحت وانا بقولها عامله ايه قالتلى يا نهار ابيض اخويا سلام وقفلت في وشي وانا من غبائى بعدها ب عشر دقايق اتصلت تانى اخوها اللى رد عليا وانا قولته الو فا عرف انها كانت بتكلمنى وقفل السكة في وشي ومن ساعتها مشوفتهاش في المول ولا كلمتنى وموبايلها مقفول والمشكلة انى مش اعرف فين بيتها ب الظبط ودة خامس يوم يعد وحالتى كل يوم بتسوء عن اليوم اللى قبله وبجد انا لو ما شوفتهاش هيجرالى حاجة انا بجد حبيتها اوى اوى اوى يا رب بقي اشوفها تانى عشان انا تعبت ومحدش يقولى روح اتقدملها عشان انا ظروفي دلوقتى مش هتنفع انا كنت متفق معاها كمان 6 شهور هروح اتقدملها بس بعد لما اختى تتجوز واخويا يتجوز يعنى كمان 6 شهور وبجد لو مشوفتهاش مش هيكون قدامى الا حاجة من الاثنين يا اما انتحر يا اما اعيش ميت… انا كتبت الموضوع 66 من اوله عشان حد يساعدنى لو حد عنده فكرة اقدر اوصلها بيها ميبخلش واسف على الاطالة

مشاكل وحلول ذات صلة

• صاحبتى وحبيبى خانونى مع بعض
• حبيبي تركني وصديقتي ستفضحني
• خائن ولكن لا أستطيع نسياته
• خايف حبي لبنت عمي يعمل خلافات مع ابويا
• انفصلنا وفسخنا الخطوبة لكن ندمان
• احبه كثيرا واخاف احكي لاهلي عنه
• بحبها بس حاسس انها متعلقة بحبيبها القديم