تعرفت على بنت من خلال النت من 6 شهور كانت اكبر منى بسنة وكام شهر وانا من مصر وهى من الكويت طلبت منها تبعتلى صورتها وانا ابعتلها صورتى وافقت على طول بعتتلى صورتها وكانت زى القمر واتأكدت من ان الصورة دى صورتها وكنا بنكلم بعض كتير اوى وكنا بنبقى فرحانين اوى لما نكلم بعد و بعد فترة من علاقتنا سألتها انتى عاوزة علاقتنا تبقى حب قالتلى انا بحبك وبعشقك وانا كمان كنت بحبها فقلتلها انا بحبك بعد فترة رسايلها ليا بدأت تقل ومابقتش ترد على رسايلى زى الأول وكل ما اقلها بحبك تضايق ولما اطلب منها تقولى بحبك ترفض سابتنى وبعد اسبوع رجعتلى واعتذرتلى وبعد كده بكام يوم قالتلى انت زى اخويا بالضبط لا اكتر ولا اقل ومن وقتها وانا بطلت اكلمها المشكلة انا عاوز اعرف ازاى انساها والمشكلة رغم ان سنى 15 سنة الا انى نفسى ان في بنت تكون فى حياتى بتحبنى واحبها ونتجوز ساعدونى قولوا لى اعمل ايه؟
