حب حياتي سابني بعد سنتين

السلام عليكم
محتاج افادتكم ورأيكم ف موضوعي
مشكلتي كبيره ومش سهله
انا عندي ٢٠ سنه حبيت كتير وكل واحده بحبها بستمر معاها فتره
اخر واحده حبتها بقالي معاها اهو سنتين تقريبا
بس المشكله فيها و ف اللي قبلها
حبيت قبلها واحده قريبتي اصغر مني ب 4 سنين كانت طفله تقريبا بنت قمه الاحترام والادب والاخلاق والجمال…هي اللي فعلا اي حد يتمناها
بس سبتها لظروف انها قريبتي والمشاكل اللي ممكن تحصل واسباب تانيه مش فاكرها بصراحه…جرحتها سيبتها من غير مقولها وكانت بتموت وقعدت اكتر من سنه ونص بتحاول تنتحر وتعبت كتير اوي
بعديها انا حبيت واحده تانيه اللي بقالي معاها سنتين دي
وكانت قريبتي دي.لما تحتاجني مش بتلاقيني…حبتها وعلقتها بيا ورميتها
بس حبيت واحده بعديها حب مش.طبيعي
لدرجه اني مجنون بيها..واتنازلت عن كل.حاحه ف حياتي عشانها حتي كرامتي وشخصيتي…سابتني اكتر من مره واتذللتلها مليون مره…هي كمان بتحبني جدا…بس بتسيبني عشان شايفه اني همنعها من حياتها اني معقد وهمنعها من الشغل مثلا
عندها نفسها اهم حاجه ف حياتها وشخصيتها مريضه بيها عندها شخصيتها واحلامها ونفسها اول حاجه ف حياتها…ومينفعش تتنازل عن اي حاجه او عن حتي كل.حاجه لحد بتحبه زي منا اتنازلت بكل حاجه عشانها
وهي اختارت تسيبني عشان نفسها عشان متغيرش حاجه ف شخصيتها ولا تتنازل…سابتني عشان حجات غريبه كداا مش عارفها ومش مصدقها لان انا شايف ان اللي يحب حد بجد مستحيل يسيبه لاي سبب كان…حتي لو هيتنازل بحياته عشان التاني زي منا عملت عشانها
هي سابتني كزا مره وانا كنت كل مره بتذلل وببكي عشان بس افضل جنبها…كنت بطلب منها لو مش عيزاني تفضل سيباني جنبها من غير صفه حتي
انا فعلا بحبها بكل حاجه فيا حب بيعذبني…وعملت معاها كل.حاجه حلوه وقضيت معاها احلي ايام عمري
بس اخر مره سابتني فيها دي معنتش قادر اتنازل تاني
وفكرت…وفهمت ان كل اللي حصل وبيحصل فيا بسبب ذنب قريبتي اللي سبتها ا…واللي عملته فيها بيترد فيا اضعاف مضاعفه..
وربنا بيعاقبني بنفس الطريقه بس اشد
وكلمت قريبتي…مطلبتش منها حاجه غير السماح..حتي مش عاوز ارجعلها
واللي بحبها بقالي سنتين هي كمان حبتني
بس قريبتي عمرها معملت كدا…دي كانت هتموت عشاني حاولت تنتحر اكتر من مره وعلي طول كانت مريضه
واللي حبتها سابتني
مش هكبر الموضوع واقول اني هموت من غيرها وكدا
بس فعلا انا مريض بحبها ومش هعرف احب بعدها ابدا …انا عارف نفسي
مش هعرف انساها ولا احب غيرها وهفضل اتعذب بيها ولا حتي هعرف احب قريبتي تاني…هفضل زي منا كدا بتعذب بيها ومش بنساها
اتنازل تاني عشان افضل جنبها؟!!
احاول معاها تاني واببع من نفسي تاني عشان معيشش بعيد عنها تعبان
ولا اروح للي فعلا حبني وضحي عشاني وانا سبته ؟!!
معلش طولت عليكم بس فعلا مشكلتي كبيره واكبر من كل الكلام دا

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى
• حب من اول نظره بس مش عارف اكلمها
• رجل مسيحي وقع في حب فتاه مسلمه