انا عندي 24 سنة وعرفت بنت اجنبية من البرازيل عندها 18 انا عارفها من شهر وفي اعجاب متبادل بس هي قالت انه مش هيكون حب لاننا مستحيل نتقابل وده برده كان راي
بس انا دائم التفكير بها وانتظرها دائما على الياهو
انا بحس اني بقضي وقت ممتع في الشات علما ان الكلام كله في مواضيع محترمة
هل اكمل معاها واكتسب مهارة الصداقة بدون حب واتسلي بمعرفة ثقافة تانية
ولا اعمل ايه
علما بانها متعلقة بي وتنظرني شبه يومي بس تريدني صديق لا اكثر
اسف ع الاطالة
حاول تستغل صداقتك ليها فى حاجات كتير زى
لو مسلم توضح ليها مدى تسامح الإسلام
وكمان مدى ترابط العرب والود والحب عندهم وكمان اد ايه بلدك جميله
وكمان تحاول توضح الفكر عندنا لانهم بيدرسوا فى مدارسهم وجامعاتهم ان منبع الإرهاب الشرق الأوسط وخصوصا مصر
فيه طرق كتير تحاول تستفيد وتفيد منها بس ما تنساش ربنا
والله المستعان
شكرا لك الاراء
ويارب يعدي ايام مصر على خير
بالنسبة للاستاذ عيون عربية انا متاكد من بياناتها لاني معايا اكونت الفايسبوك بتاعها ومحطوط صورها وبتجدد الصور
للاستاذ saso انا مش عاوز اتعرف على بنت مصرية عشان ماتعلقش بيها واظلمها معايا لاني عمري ما علقت بنت قبل كده وكمان هتجوز بعد 3 سنين بعد ماخلص الامتياز والجيش
لكن المشكلة تكمن في التعلق بها ومن الصعب انتطلبوا مني ان اتركها
وانا متاكد ان الكلام هيكمل محترم لاني انا اللي بديره
وشكرا
اخي في الله اكسبها كاصديقه واخت بس يبقه في احترام مابينكم وحد الله مابينكم وعرفها اني الاسلام والمسلمين مش ارهاب ارجوك عرفها دي قوي
الحكاية دي بدأت غلط فهتنتهي نهايه مش قد كده عارف ليه لأن مينفعش وحرام يعني اكيد الكلام بيبدأ محترم بس بجد بعد كده بتتطور المسأله ومفيش غير قلبك هو اللي هينكسر…. الصداقه بين البت والولد عادي بالنسبالها لأنها معندهاش عادتنا وتقاليدنا وقبل كل ده دينا بس والله والله في الاخر الحكايات دي بتبقى فاشله جددددا …..وبعدين انت واثق فعلا ان الكلام اللي بتقولك عليه والمعلومات اللي بتديهالك عن نفسها صحيحه؟؟؟يعني انت متأكد منها؟؟ زي مافي اولاد بيضحكو على البنات على النت في بنات كمان بتعمل كده وممكن في الاخر تكتشف انها من اي بلد تانيه وعربيه كمان والله اعلم ممكن منين تاني …. الحكايات دي زيها كتيييييييييييير بيحصل كل يوم بس الذكي واللي بيخاف على علاقتو مع ربنا هو الل ميوقعش في الفتن دي ….وياسيدي لو عايز تتعرف على ثقافات تانيه في 100 طريقه تانيه مش لازم بالشات مع البنات
بص رايى ان تبقو اصدقاء ويا سلام لو عرفتها على ثقافة الاسلام وهمتك يا عم يمكن تاخد اشرف وتسلم على ايدك
انا شايفة انك بكدة بتتعب نفسك بنفسك يا دوب شهر معرفة وبتقول دائم التفكير فيها وانتظرها طيب لو استمريت فى العلاقة كمان شهرين واتعلقت بها اكتر هاتعمل ايه لازم تبص للامام والشئ اللى ما ينفعش تكمل فيه بلاش منه صدمة الحب الفاشل صعبة جدا ليه تضع نفسك فيهاوربنا يوفقك
الصداقه شي جميل وكل انسان منا يفتقد شئ في حياته يحاول تعويضه بشئ اخر
انت تعيش مشاعر جميله باحاسيس الصداقه وقد توافقتما معا ولان الانسان لا يجد كل يوم من يوافقه فكريا او عاطفيا لذلك انت مندفع بعض الشئ ولقد ذكرت ان تواصلكمالمدة شهر تقريبا
برأيي ان المده غير كافيه لتحدد اسما لما بينكما فالشهر في تحديد علاقه واعطاء ثقه وتأمين شخص ما فتره بسيطه وكأنها يوم
وهي قد قال لك(انه لن يكون حب) انا ارى ان الحب يختار لنا من نحب ولسنا نحن. .
لذلك من الصعب ان نقو سيكون او لايكون…
ربما ما حدث بينكما من توافق اسكنك في حيرة وهميه لا تدعها تجرفك اكثر
يمكنك ان تستمر معها كصديقه واجعل من الزمن حكما فمن يعلم يمكن للاعجاب ان يكون بدايه جميله او بدايه النهايه لاتتعجل يا اخي
تحياتي….
شجع بلدك بص حرام تعلق بيك بنت اجنبية او مصرية خليكوا اصدقاء عادين جداااااا وهى لازم تكوون فاهمة انك صديق وعمرك ما هتقدملها
وهى البنات خلصت !؟
لأ طبعاً طالما وصلت لدرجة انك بتستناها يبقى حاول تبعد شويه بشويه عشان غصب عنك هتحبها
وبعدين مفيش حاجه اسمها خلينا اصحاب وبس
المشاعر مفيش حد بيتحكم فيها الا اللى بيدوس عليها وانت طالما بالشكل دا يبقى مش هتعرف تبعد عنها فيما بعد
– حاول تاخد بالك من نفسك كويس وتصلى وتشتغل أكتر وأكتر لأنك خلاص المفروض تبدأ تفكر ترتبط ببنوته من دلوقت لأن سنك مش صغير على الكلام دا .
عايز اسمع بقى انك ارتبطت ببنت كويسه تصونك وتحافظ عليكى بأذن الله
مش تعارف على النت ومن البرازيل كمان !!
دا اللى بيعرف حد من محافظه تانيه من على النت بيبقى شايل الهم
وربنا يسعدك يارب ويوفقك فى حياتك ويرزقك بزوجه وذرية صالحة ان شاء الله فى اقرب وقت ممكن
حاول تبعد وتنساها واسمع كلام اهلك هما يعرفوا مصلحتك وحاول تعرف واحدة من بلدك