السلام عليكم ورحمة الله وبركاتة
انا شاب زى أى شاب بحلم بوحده تكون تحبنى وتخاف عليا مش فارق معايا المال المهم تكون محترمة و تكون جميلة وتحافظى على وعلى بيتى المهم مشكلتى بدأت إنى بدور على عروسة علشان أجوز وانا بطبيعتى شغلى مابشوفش ناس كتير مابخرجش كتير وعلاقة فى التعامل مع الحريم يعنى شبه عادى يعنى من الشغل للبيت ومن البيت للشغل ماتعرفتش على بنات قبل كده وخجول من كلام البنات الجريئة لإنى ماتعرضدتش للكلام مع البنات قبل كده المهم روحت اتقدم لكذا بنت عرفتهم عن طريق أصحابى وللأسف بيكون هناك عائق ممكن تكون البنت فى الدراسة أو سنها صغير أو أختها الكبيرة لسة ماجوزتش المهم انا إحترت واهلى بدأم يلحم عليا علشان اجوز وانا بدور على واحده أكون مقتنع بيها وطبعا الجواز قرار صعب ومافيهوش استعجال لإنه تاسيس أسرة وبيت واولاد ومسئولية المهم فترة البحث عن بنت الحلال طولة جدا وأهلى بدؤم يلحم عليا جدااا مع إنى عندى شقتى وشغال صنايعى والحمد لله وجاهز المهم عندنا واحده فى الشارع كانت مخطوبة وبعدين ماحصلش نصيب واهلى عرضوا عليا اخطبها وانا طبعا زهقت من الإلحاح وزهقت من البحث عن عروسة روحت واتقدمت وخطبتها مشكلتى فى إن انا مش حاسس إنى بحبها وكلامى معاها عكس ايلى فى قلبى وهيا معايا عادى يعنى مش اعمل ايه انا مش متعلق بيها من جوايا ومش عارف ممكن يكون العيب فيا إنى إخطرت إنسانة تحت ضغط الظروف مع العلم إنها محترمة جداا وكويسة جدا بصراحة ياريت تدلونى وتنصحونى
مشاكل الشباب مع البنات
مش حاسس بالحب مع خطيبتي
اضيف بتاريخ: Friday, January 19th, 2018 في 05:37
كلمات مشاكل وحلول: الزواج, بنات, بنت, زواج, شاب, مخطوبة
شوف يااخي موضوع اختيار الزوجة وشريكة العمر اتركه لاهلك وبالذات امك واخواتك هم ادرى منك بالامور دية ويعرفوا اكثر منك ولااظنهم عاجزين عن اختيار بنت الحلال المناسبة لك وطالما انهم لقيوا لك الفتاة التي قلت عنها فتاة محترمة جدا وكويسة فتوكل على الله واقبل بها ولاتضيعها من يدك ومسالة ان مافيش حب ولامشاعر تشعربها نحو الفتاة فصدقني الحب الحقيقي ياتي بعد الزواج عايزك تقرب منها وتهتم بها وعاملها كويس وسوف تحس بتلك المشاعر والعواطف معها وربنا يجعلها من نصيبك وتكتمل فرحتك وسعادتك بالزواج منها وبالتوفيق لك