أحبتت بنت صغيرة فى السن عمرها 17 سنة واكتشفت انها متزوجة فابتعدت لكن الظروف وضعتها فى طريقى اكتر من مرة وعرفت منها أنها على وشك الطلاق وانها قاعدة عند أهلها بقالها شهرين وماشية فى ورق الطلاق فحبتها حب مالوش حدود وهى كمان حبتنى واتفقنا على كل حاجة وهنتجوز ازاى وعرفتها على اهلى المشكلة ان والدها متوفى ومالهاش اخ كبير تلجأ له وقاعدة عند والدتها مع جوز امها ووالدتها رافضة رفض جامد موضوع الطلاق واعمامها موجودين بس ماعرفوش اى حاجة عنها لان جوزها كان مانعها عن اى حد وبيحبها حب مرضى ومش عاوزها تكلم ولا تعرف حد غيره فمش معقول تروحلهم مرة واحدة كدة تقولهم اقفوا جنبى بعد القطيعة الكبيرة دى وجوزها نفذلها كل طلباتها وكان سبب الخلاف ان اهله بيعاملوها وحش وخصوصا والدته خد شقة بعيد عن اهله ليها ونفذلها كل حاجة بس شارط انها ماتشيلش تليفون ورغم دة كله هى برضة مش عاوزاه ومش بتحبه وعاوزة تموت نفسها لو غصبوها ترجعلها ومش عاوزة غيرى انا ورغم دة كله لما جى عندهم علشان يصالحها خرجت وسابته وكلمتنى فى الموبايل وسألتنى اعمل اية قولتلها ماتروحيش معاه وانا هاخدك اوديكى لاعمامك ومع ذلك غصبوها تروح معاه ولغاية النهاردة بقالى اسبوع معرفش عنها اى حاجة ولا اتصلت بيا مع العلم انه قاعد معاها على طول مش بيفارقها ولا معاها تليفون أعمل اية اصدق انها بتحبنى ولا كانت بتتسلى ولا معذورة ومش عاوز اظلمها انسى واعيش ولا احاول التمس لها العذر؟ ارجو الرد سريعا
مع احترامى لجميع الردود لكن انا ملاحظ انا محدش جايب العيب عندها وكله مغلطنى انا انا يا اساتذة فى اول الكلام قولت انى بعدت لما عرفت انها متزوجة بس بعد كدة بقيت تيجى المحل عندى كتير وشجعتنى على حبها وكنت لما أقولها خايف ترجعى لجوزك فى يوم تقولى انتى بتدعى عليا بالموت حرام عليك طب انا بفرق بينكم كدة تقولى بيك من غيرك انا مش راجعاله ابدا وماتجيبش سيرة البنى ادم دة تانى مستحيل هرجعله انا مش عاوزاها يعنى مفيش نية يابنتى ترجعى علشان مش هينفع اكمل مع ست متجوزة كانت تقولى اعتبرنى مطلقة ويعلم الله ان العلاقة كانت بينا على اعلى مستوى من الاحترام ومادخلش بينا الشيطان لحظة يبقى لية الكل مغلطنى انا ومحدش مغلطها انا عاوز اعرف بس هى كانت فعلا بتحبنى؟ ولا كلام؟ علشان اريح ضميى من ناحيتها انا نفسيتى متدمرة ولسانى مش مطاوعنى أدعى عليها وأقول حسبنا الله ونعم الوكيل وخصوصا ان كانت نيتى كل خير ويعلم ربنا
ياابني حرام عليك سيب البنت في حالها دي متزوجة ولاتخربش عليها دعها تحل مشاكلها مع زوجها واقطع علاقتك بها نهايا ولعاد تفكرفيها ابدا وتاكد ان ربنا بيكرمك بحسن منها مليون مرة وتلاقي نصيبك مع بنت الحلال اللي تستاهلك وتقدرك وتسعدك وفي حديث عن الرسول عليه الصلاة والسلام قال- لعن الله من خبب امراة على زوجها – ومعنى – خبب- اي فرق بينهما وسعى في التفريق بينهما
ياخي اتقي الله دي انسانه متزوجه ولا تكون سبب في خراب البيوت .اتقي الله اتقي الله وابعد ثم ابعد