السلام عليكم ورحمه الله وبركاته ..
برجاء اعذروا اسلوبي لاني متردد شويه ومحدش قدر يساعدني بتمني الاقي هنا اللي بدور عليه
انا لحد شهرين فاتو كنت متعقد من الحب نهائي و ده لاني حبيت بنت اعرفهها من ابتدائي كبرنا سوا حب من واحنا صغيرين حبيتها بجد كانت كل حياتي وكانت الانسانه المناسبه ليا لحد في يوم مش حابب افتكره ابدا السنه اللي فاتت تعبت اوي فضلت في المستشفي كام يوم لكن للاسف المرض شد عليها واتوفت
انا ادمرت ساعتها وجالي اكتئاب واتخنقت من الدنيا كلها دلوقتي انا دخلت الجامعه بكلم ناس كتير بنات كتير لكن زماله بس
ما عدا واحده في نفسي ذي اختي واكتر لحد مهي قالتلي انا بحبك
وهي ع فكره عارفه موضوع عقدتي
المهم انا اتلخبطت اوي ساعتها وبتهرب منها بحجج كتير وانا والله مش عايز اخسرها كصديقه بس انا كل اما اجي افكر احب اصلا بتيجي في خيالي مش قادر اكمل حياتي مش عارف انسي مش عارف احب تاني انا يمكن اكون من بره بضحك ومبسوط لكن انا بموت من جوا
اصحابي حاولوا يقنعوني بميه طريقه جربت انا لوحدي طرق كتير لكن اعمل ايه
راحت وخدت قلبي معاها
ارجوكوا انا كل اللي عايزه اني انساها مش خالص انا عايز افتكر ايامي معاها مره اضحك مره ازعل لكن هي بتوحشني ع طول بجد انا عايز ابقي انسان احسن وانتبه لنفسي ومستقبلي لكن انا ذي ما تكون حياتي وقفت اليوم ده اعمل ايه ؟؟
