مشاكل الشباب مع البنات

مالقتش فائدة منى راحت لابن خالتى

مشكلتى بختصار انى كنت مصاحب بنت بس خلاص بقت ex
كان ابن خالتي عارف كنت بكلام مين و مع مين لاني بعتبرة زى اخويا واقرب حد لى لحد لما سبتها و لما مالقتش فائدة منى راحت لابن خالتى برغم هى عارفة قربة ليا لكن وقعتة فى حبها
فيها
خصوصا انو عائش برة مصر وياتى كل صيف
وبقى مجنون بيها وحبها ايضا انا مفيش مشكلة بلنسبة لى من ناحيتها لانها مش فارقة معي اصلن انا المشكلة موقفى معة
من هذا الفعل هل دة عادى ام خيانة وانتم رائيكم اية من هذا الموضوع وما هو الفعل الذى يجب ان اقوم بة ؟؟؟

مشاكل وحلول ذات صلة

اضيف بتاريخ: Wednesday, April 11th, 2018 في 05:38

كلمات مشاكل وحلول: , , , , ,

2 رد to “مالقتش فائدة منى راحت لابن خالتى”

  1. ابوالبتول
    11/04/2018 at 17:02

    شوف بحكي لك قصة حصلت معي عندما كنت شاب 23سنة ولم اتزوج بعد كنت اعمل في شركة قطاع خاص وكانت لي زميلة معي في الشغل بسن 21سنة وكنا نحب بعض ومتفاهمين على كل حاجة وارغب في التقدم لااهلها علشان اخطبها وفجاة البنت تغيرت طباعها ومعاملتها لي وصارت جافة جدا في مشاعرها وكلامها معي دون اسباب تذكر وكانت ايامها مافيش جوالات او نت علشان نتواصل ولما حاولت معرفة السبب منها رفضت التحدث معي وقالت خلينا زمائل في العمل وكل حاجة قسمة ونصيب وصدمتني جدا بكلامها ده وقلت لازم اراقبها واعرف ايه الموضوع بالضيط كنت انتظرها عند خروج الموظفين ولقيتها نازلة وشوي منتظرة سيارة تاكسي وكلما جاء سيارة تاكسي ترفض وفجاة جات سيارة فاخرة وفيها راجل بين من شكله انه كبير في السن والمفاجة انها ركبت معاه العربية وقلت يمكن ده احد من اقاربها وعدى الموضوع ولكن الموقف تكرر اكثر من مرة كليوم والشخص ده ياتي وياخذهابسيارته الفاخرة من العمل واخبرتني احدى صديقاتها انها على علاقة بالراجل ده وانه عميل في الشركة ويصرف عليها ويشتري لها هدايا الى اخره فقررت ان اقطع علاقتي بها للابد وسقطت من عبني تماما وبعدها طلبت هي اجازة من العمل لمدة اربع شهور وعرفت انها سوف تتزوج من الشخص ده رغم فارق الكبير بيهما في العمر وتجاهلت الموضوع تماما وبعدها لم ترجع للعمل عايزه ايه من الشغل طالما انها متزوجة من راجل ثري وكل طلباتها مجابة ولاناقص عليها شي ولكن شاءت الاقدار ان حياتها لم تكتمل بعد مرور اقل من سنة عرفت انها تطلقت من زوجها الثري لانه كان عاجز جنسيا ومريض صحيا واسودت الحياة في عيينها ورجعت للعمل في الشركة مرة اخرى وكلما تبص في وجهي ارى الدموع والندم في عيينها وتحاول التقرب مني والكلام معي ولكنني اصدها وارفض حتى البص في وشهها صرت اكرهها تماما وجن جنونها اكثر لما سمعت اني سوف اتزوج من وحدة من اقاربنا وفي يوم كنت قاعد في مكتبي واخلص بعض اوراق العمل واغلب الموظفين راحوا فاذا بها واقفة عند باب المكتب وقالت لي حضرتك مش هتروح قلت لا عندي شغل والمدير طلب مني اخلصه اليوم قالت ممكن استنى معك واساعدك قلت لا شكرا مابغا مساعدة من احد تقدري تروح فاذا بها تبكي بحرقة وتلطم في وجهها قلت في ايه قالت حرام عليك تعاملني بالشكل ده قلت اللي بيننا خلاص انتهى قالت انا غلطانة ومعترفة بغلطي ودفعت الثمن عمري ماحبيت احد غيرك ولااستاهلش منك كلدا ارجوك تسامحنى قلت لها خلاص اللي اتكسر عمرو مايتصلح ابدا انت اخترت حياتك وانا برضو من حقي اختار حياتي وطال النقاش بيننا كثيرا في هذا الموضوع قلت لها اعتبريني زي اخوك وعمري ماتاخر عندك في شي ابدا وفعلا تزوجت من قريبتي اللي كنت خاطبها وربي عوضني خير والحمدلله حياتي سعيدة معها ولنا قرابة اكثر من 24سنة عمر زواجنا وعندنا الحمدلله 4 بنات و3اولاد وربنا يديم علينا نعمة الخير والسعادة والستر والاستقرار وكل اخواننا المسلمين

  2. ابوالبتول
    11/04/2018 at 16:29

    الظاهر انك طيب جدا ومتعرفش حاجة عن البنات اغلبهن يعملوا علاقات مع الشاب ولايفكروا الا في المظاهر والشكل الخارجي دون النظر للدين والاخلاق والتربية والواحدة منهم تجدها عاملة علاقات مع اكثر من شاب من اجل التجربة والتعارف ولما يظهر في حياتها شاب اخر ويكون ثري وعندو مال او يصرف عليها بالهبل تجري وراءه وتنسى كل شي في حياتها وهذا ماحصل لك مع البنت اللي كنت تحبها تركتك وراحت تحب ابن خالك اللي عايش بره مصر وده هو حال اغلب البنات اليوم لازم تبعد عنها وتقطع علاقتك بها نهاية والمثل يثول – اللي باعك بيعه بالرخيص – ولعاد تفكرفيها ابدا وربنا بيكرمك ويعوضك باحسن منها ياجدع المهم انك تحفظ كرامتك

اترك رداً أو حلاً لهذه المشكلة