السلام عليكم
مشكلتي في تلخيص
انا شاب عمري 17 سنة كنت احب من طرف واحد لمدة سنتيين لحد ما شوفت بنت قريبتنا من بعييد كانت عندنا في مناسبة
وهيا محترمة جدا وشوفتها قبل كدها بس كان عادي وكانت بتبقي ساكتة علي طول المهم اعجبت بيها واقولت ومعرفتش اعمل لحد ما هيا الي بدأت الكلام معايا وكانت سهلت عليا مرحلة مهمة وعلقتي بيها وقعدت فترة حوالي شهر لحد ما عرفت اوصلها وطلبت منها الاكونت بتعاها وهي قالتلي مش بضيف حد غريب وسكتت وقامت قالتلي عليه اتكلمنا علي الفيس فترة وصرحتها من اول رسالة وهيا ما منعتش وقالتلي اني جيت في وقت صعب بالنسبة ليها وابدينا نتعرف علي بعض اكتر واتعلقنا ببعض وبقت تستناني علي طول واستناها لحد ما طلبت اني اسمع صوتها وخلتني اكلمها علي تليفون واحدة صاحبتها ومرة في مرة خدنا علي بعض و طلبت اني اشوفها هيا رفضت وقالت انها متقدرش تكدب عليهم في البيت وفي الاخر شوفتها في وقت قصيير قبل ما تروح هيا الدرس وللعلم هي في منطقة بعيدة عن منطقتي وجبتهلها خط تليفون تكلمني عليه لانها خايفة حد يشوف رقمي في خطها ووفضلنا كده فترة حوالي شهر وكانت احلا فترة عبارة عن كلمة حلوة ومقابلة جميلة هدية بسيطة وكانت تتصل هيا عليا وانا اكون فكر فيها كاانت اوقات جميلة جدا وبقيت ابعتلها اغاني كل مرة وصور حلوة لحد ما جت اخر مرة قابلتها الي هيا كانت تااالت مرة في اليوم ده كان الدرس اتلغي وقعدنا نتمشي حوالي اربع ساعات وقعدنا كتيير ومسكت اديها وكانت اول مرة وقبلتها في ايديها وهيا كانت بتتضحك وفرحانة لما قولتلها ساعتها بحبك
وصلتلها ومن سوء حظي ان خالتها شافتها
ومن ساعتها اتغيرت ولا بتسأل ولا بتكلمني وقلتلي لازم نبعد لان الي بنعملو ده غلط ولازم نبعد وهيا قالت ل خالتو علي كل حاجة ولازم نركز في دراستنا دلوقتي ولسه بدري وفاجءة بقي الكلام بنا حراام ومينفعش نعمل كده ولازم تنساني ومعلشي وانا اسفة
وبقيت كل اما اجي اكلمها بالعافية اقولها وحشتيني تقولي احنا مش قولنا هننسا بقي وبلاش الكلام ده
وقعدت فترة كل يومين احاول اكلمها وهيا تتعب فيا اكتر
وفي يوم قولتلها اتغيرت وانتي الاول كنتي واتكلمت كتير وخلينا نرجع زي الاول قالتلي محمد ابعد عني انا مبحبش حد انت دلوقتي زي اخويا
انا ساعتها اضيقت جدا وقولتها انا غلطان وانتي متستهلييش وانتي وانتي وانتي وبرضو مقدرتش وجيت بعديها اكلمها بقت تقولي ابعد عني انا بقيت بكرهك
انا دلوقتي اعمل ايه مش عارف انسي عملنا حجاات كتيير مع بعض كانت اول مرة بالنسبة ليا والهدايا والاغاني الي افتكر اقول هيا بتحب الاغنية دي وانا سمعتها اغاااني كتيير وهيا برضو
علقتني بيها وسابتني كل حاجة بتفكرني بيها حتي الهدوم وانا باكل وانا بصلي واوقاات كتيير بحلم بيها وانا تعبااان نفسية اوي ومحتاجلها وهيا اتغيرت وغير انها بقت تكرهني الا ان كلامها هو الي وصلني اني اقولها كده انا مش عارف اركز في اي حاااجة وافتكر كلمها والمواقف الي حصلت بنا وحتي طريقة هزارها انا بقيت طريقة كلامي زيها وفي حجاات بقيت اعملها كتيير منها لو رجعت تاني ليا حتي بعد الي عملتو انا بحبها
عيبي اني مش قادر اصدق الي بيحصل كل لما تقولي حاجة توجعني ارجع افتكر الايام الحلوة ضحتكتها لمست ايديها والي كانت بتعملو علشاني
انا اعمل ايه دلوقتي انا بدمر مش هقول مثلا مفيش زيها والكلام السلبي ده بس انا مش عااارف اعمل ايه بقيت مبتكلمش كتيير وبقعد لوحدي زعلان علي طول وانا مش عارف انسي حتي لو معايا مين وانا علي فكرة بحب الاغاني اوي القديمة والجديدة وكل الاغاني الرومانسية ومقدرش ابطل اسمع و بقيت بحس اني مش فاارق معاها ياريت لو حد يقدر يساعدني
تصدقني لو قولتلك انا بكتب الكلام ده وانا عيني مليانة ب الدموع
مشاكل الشباب مع البنات
بحبها اوي واتغيرت مرة واحدة وسابتني
اضيف بتاريخ: Friday, April 13th, 2018 في 09:41
كلمات مشاكل وحلول: اعجاب, الحب, بنت, حب, شاب
مش انت اسمك محمد يعني حامل اسم افضل البشر وسيد المرسلين محمدعليه الصلاة والسلام خليه قدوتك ومثلك الاعلى في هذة الحياة وتخلق باخلاقه واتبع سيرته العطرة بارك الله فيك لاشك انك اخطات في التصرف مع البنت في اقامة علاقة معها دون علم اهلها ومعرفتهم اللي عاوز الحلال ياابني يطرق الباب حسب الدين والاصول اليس كذلك مش يروح ياخذ رقمها ويتكلم معاها ويتغزل فيها الى اخره كلدي التصرفات محرمة وغيراخلاقية ولااظن عاقل يقبل بها على نفسه على الاطلاق الان خالتها شافتكم مع بعض وهذا قد يجعل البنت تخاف على سمعتها وسمعة اهلها وصدقني انها تصرفت تصرف صحيح عندما طلبت منك ان تبعدوا عن بعض وتنساها لوكنت فعلا تحبها وجاد في الارتباط بها تقدم واخطبها من اهلها دون تردد او تاخير اما غير كدا فما ينفعش تستمروا في العلاقة دون رابط رسمي هل ترضاها لاختك طبعا لا فكيف ترضاها لبنات الناس تمنى انك استوعبت كلامي هذا كله واستفدت منه وسوف تعمل به لمافيه الخير والصلاح لك طوال حياتك وربنا يؤفقك ويكرمك ويصلح حالك ويكتب لك اللي فيه الخير والصالح ويسعدك طوال عمرك ان شاء الله