اليوم بعد ان كنت اشارك فى الردود اليوم انا اعرض مشكلتى
انا شاب ابلغ من العمر 20 سنه , الناس بتقولى انى طيب بزيادة او بهبل حكايتى ان اتعرفت على بنت هى جارتى واخت صاحبي هى اصغر منى ب 4 سنين حبتها اوى اوى ولانى خجول كنت بحبها بالنظرات وهى كانت بتبادلنى النظرات لكن لما سمعت ان فى ناس عايزه تتقدملها كلمتها وكانت نيتى انى اقولها بس عشان معشمش نفسي على الفاضى واتعلقت بيها حاولت اعلمها حاجات كتير كنت بغيرعليها اوى كانت فى البدايه لو غيبت عنها تعيط وقالتلى انا مش ممكن ابعد عنك ابدا بس وحده وحده بدات تتغير لقيتها بتقف مع الولاد وتقولى زى اخواتى مبقتش عارف انا عملتلها ايه وبعدين بدون اى مقدمات لقيتها بتعمل كل حاجه غلط ومبتحترمنيش مع انى عمرى ما زعلتها وكنت احن حد عليها ولو كانت فى مشكله كنت اول واحد اقف جنبها اتغيرت لدرجة انها بقت مبتشفش غير نفسها وطلبت منى فلوس وشحن عشان مزنوقه وفى الاخر طلعت بتشحن عشان تكلم ولد تانى لا وبتاخد منى فلوس عشان تجبله هدايه ,, اكتشفت انها كانت بتخونى مع انى كنت مستعد اعمل اى حاجه عشانها ولو كانت طلبت روحى كنت اديتهالها ليه تعمل كده ده هى الى كانت بتظلمنى وانا كنت بستحملها وبسامحها واقول معلش اكيد بتحبك وهتتعلم انا حبتها اكتر من 6 سنين ويا ريت جت على الخيانه ده مشيت قالت لصحابها والناس كلام كدب عليه وشتمت فيه ,, انا بجد اتعقدت ليه الانسانه الى بعت الدنيا عشانها تعمل فيه كده انا تعبت وحاسس ان كل البنات كده رغم انى عارف ان ده مش صح بس خلاص اتعقدت مين يصدق ان دموعها كانت كدب انا معدتش اصدق حاجه وتعبت اوى ومش عارف اعمل ايه وذنبى ايه ,, انا اسف انى طولت عليكوا
مشاكل الشباب مع البنات
بعت الدنيا عشانها لكن خانتني
اضيف بتاريخ: Friday, April 27th, 2018 في 04:59
كلمات مشاكل وحلول: الحب, بنت, حب, شاب
متقولش كدة انت ضيف خفيف انا مقدر ظروفك لكن لازم تعرف ان كل واحد يختلف عن التاني وفيه خير وشر بنسب متفاوتة عند الشباب والبنات انت واضح وعندك مبادرة لكن اصطدمت بتصرف مغاير ليك في طبيعتك عرفت انت معنى الخداع من اسلوبها معاك وعرفت معنى اللامبالاه والخيانة من تصرفاتها عموماً زي ما فيه بنت بالطبع دة هتلاقي انسانة جادة وعندها مبادرة وصريحة مع نفسها كانت ضحية قصة حب فاشلة بواحد مستهتر أناني بيخونها بدون سابق انذار انتهازي نفعي وقد يكون عاطل عن العمل يبتزها بالمال – قصص بنسمعها كثير – وانا مقدر صراحتك جداً فمواجهتك مع نفسك وكونك مش حاسس انك ظلمت حد دي في حد ذاتها نعمة مجرد ما تعرف نفسك وتقدرها هتقدر تختلط بالناس أما مسألة الصدمة المفاجئة واحساسك انك أخطأت في حق نفسك أما عرفت واحدة زي دي مجرد احساس مؤقت فاحنا بنزعل من الخيانة لاننا بدون أن ندري بنتعلمها من الطرف الي اساء لنا واسوأ شيئ لو المظلوم اتحول لانسان ظالم وهو لا يدري . خطوات عملية راقب نفسك ضروري هي خلاص انتهت من حياتك مافيش حد هينفعك غير نفسك ماتخليهاش تشرب الحاجة الوحشة لغاية ما تتأثر بيها ما تعيشهاش في استعباد وتتعود على المهانة انشغل بنفسك وراقب أفكارك واحميها من كل مكروه وسعيك واهتمامك بنفسك واختلاطك بالناس هيسهل لك الأمور وتعرف ناس كتير متتخدعش فيهم .