بسم الله الرحمن الرحيم و الصلاة و السلام على اشرف الانبياء المرسليين سيدنا محمد على افضل الصلاة و اتم النسليم و بعد ،،،، ايها الاخواء الاعزاء : اريد منكم مساعدة لانى فعلا تعبان جدا و مش بقيت بعرف انام ولا اذكر ولا اعمل اى حاجة فى حياتى غير حاجة واحدة بس و هى التفكير فى حبيبتى و انا صاحى بفكر فيها نايم بحلم بيها … و رغم كل هذا لا استطيع ان اذهب لها لكى اعترف لها بحبى و المشكلة ليست الخوف فقط من ردها بل هناك مشكلة اكبر و هى انها قريبة صاحبى و صديق عمرى و اخاف ان اعترف لها و يحدث مشاكل و بذلك اخسر كل شئ ( حبيبتى & صاحبى ) …. و عشان كدة خايف اعترف ليها عشان مش يحصل مشاكل بينى و بين صاحبى مع العلم انى مش اقدر استغنى عنها لانى فعلا عرفت معنى الحب و بجد انا ماقدرش اعيش من غيرها و مش هقدر احب غيرها … و عشان تقدرو تقدمو لية الحل الامثل دى معلومات عنى انا 20 سنة طالب فى كلية الاداب جامعة المنيا و كمان عايز اقولكم انى مش جاهز انى اروح اخطبها و لكنى خايف انى افضل ساكت كدة و مش اقولها حد تانى يجى يخطبها . ارجو ان تجدو حل امثل لانى قررارت ان اختار الحل الامثل من هنا حتى اقوم بتطبيقة فى الحقيقة فارجو ان يكون الحل بتفاصيل حتى استطيع تطبيقة .
اخي العزيز باين عليك شاب كويس ومحترم ومن عيلة كويسة انت بتقول انك تحب البنت دي ومش قادر تصارحها بحبك لها لانها قريبة صاحبك ورفيق عمرك ومش عاوز تخسرها ولاتخسر صاحبك اوكي وده شئ رائع وجميل منك لكن انت مش مستعد ولاجاهز للخطوبة في الوقت الحالي وخايف البنت يجيلها احد ويخطبها فلازم تبادر الى مصارحتها بحقيقة مشاعرك ورغبتك في الارتباط بها دون خوف او تردد منك وكل شئ قسمة ونصيب لوربنا كاتب لك نصيب معها سوف يكون المهم البنت تعرف انك تحبها وجاد في الارتباط بها وغرضك شريف مش قاعد تتسلى بها او تضيع وقت زي الشباب الاخرين وايضا تكلم مع صاحبك طالما انو قريبها سوف يساعدك اكثر في هذا الموضوع وربنا يكتب لك اللي فيه الخير والصالح ويؤفقك ويسعدك في هذة الحياة
المسألة محتاجة منك حبة شجاعة بس،،أولا وقبل كل شئ صل استخارة ،،بعدها تروح للبنت تكلمها بكل احترام وتقول لها انا غرضي شريف طالب الحلال وحاتقدم لك بإذن الله بس انا حاليا مش جاهز بس حبيت اسمع رأيك أولا إذا وافقت تراعي ربنا في البنت واوعى تقع معاها في المحرمات وابدأ اشتغل في الاجازات عشان تجمع ولو حق دبلة تربط كلام بيها ،، ولو ماوافقتش يبقى خلاص ربنا يكتب لك الخير حيث كان ،،بالنسبة لصاحبك هو مش حيزعل الا اذا انت جيت للبنت وقلت لهاباحبك وهي اشتكت له،،لكن طالما حتبدأ بكلمة الحلال والتقدم للأهل وكانت نيتك هي دي فعلا فتأكد ان ربنا حيعينك لو لكم خير في بعض،،في حديث للرسول عليه الصلاة والسلام بمامعناه ( ثلاثة حق على الله أن يعينهم،،وذكر منهم الشاب المسلم يريد العفاف )