خايف يكون حرام وربنا بيزعل مني

انا ولد عندى 15 سنة انا عارف ان دة مش سن الحب بس انا حبيت انا حبيت واحدة عرفتها فى الدرس الخصوصى بتاعى وهى مؤدبة جدا جدا كنت بشفها بس فى الدرس وحتى لو شفتها صدفة مكنتش بتكلمنى وعمرها ما بينت حبها ليا غير بالنظرات لدرجة انى ذهقت بس فى يوم اتجرءت و كتبتلها رقم المحمول بتاعى علشان تتصل بيا و اعرف اكلمها لاول مرة وفعلن بعدها بشوية كلمتنى وبقينا نتكلم كل يوم مرة لحد فى يوم ما قلتلها بحبك وهيا قلتلى وانا كمان بعديها بقينا نتكلم فى اليوم مرتين او تلاتة بس فى يوم امها عرفت انى بكلمها وكلمتنى وقلتلها انى عاوز اتجوزها وهيا قلتلى انا اتمناك عريس لبنتى بس انتو لسا صغيرين ومينفعش قلتلها ماشى قلتلى بلاش تتكلمو فى الموبيل تانى قلتلها ماشى بس اتكلمنا اكتر من الاول و امها عرفت تانى وزعلت وضربتها و قلتلى ابعد عنها وبرضو اتكلمنا تانى و فى يوم قلتلى انها عاوزة تشوفنى رحتلها البيت مرضيتش تدخلنى وسلمت عليا و اتكلمنا شوية ومشيت ولحد دلوقتى لسا بكلمها فى الموبيل بس وعمرى ما قبلتها وعمرى ما سلمت عليا غير المرة دى بس و كل ما نتكلم اطلب منها انها تقبلنى وهيا بترفض خالص ممكن اعرف كلمنا فى الموبيل دة حرام ولا اية ولو حرام لية ؟ انا دخلت البيت من بابه وطلبت ايديها من امها ولو كان ابوها عايش كنت طلبت منو انى اتجوزها مش عارف اعمل اية خايف لحسن اللى انا بعمله دة يكون حرام وربنا بيزعل منو انا بكلمها علشان متضعش منى بالذات لان ابن عمها اتقدملها قبل كدة يا ريت تردو عليا بسرعة انا عارف ان دة موقع حلو!!!

مشاكل وحلول ذات صلة

• صاحبتى وحبيبى خانونى مع بعض
• حبيبي تركني وصديقتي ستفضحني
• معجبة بيه اقرب له ولا ابعد عنه؟
• خائن ولكن لا أستطيع نسياته
• حبيت صاحب اخويا ومش مستحملة تصرفاته
• خايف حبي لبنت عمي يعمل خلافات مع ابويا
• انفصلنا وفسخنا الخطوبة لكن ندمان