حبتنى من غير ما أقصد

انا كنت متعود ادخل على النت واعمل شات وكده يعنى ,وفى يوم كنت داخل على شات جماعي ولقيت ايميل شدنى, المهم طلبت منها نتعرف رفضت وقالت انها مبتكلمش ولاد, انا قلتلها جربى ولو لقيتينى انسان مش محترم متكلمنيش _اقتنعت وكلمنا بعض وشويه شويه بديت ارتحلها واحكيلها عنى وهى كمان بدأت تحكيلى عن نفسها وعن حياتها وكان الكلام كله فى اطار الاحترام والصداقه, وبعدين لقيتها بتصارحنى بحاجات مكنتش قالتلى عليها زى اسمها الحقيقى وسكنها وسنها وكده , انا كنت شايف ان ده مجرد ارتياح لشخصى واحساس بالثقه _خاصة انى كنت مهتم جداا ان كلامى معاها ميخرجش عن حدود الادب والا حترام والصداقه وكمان انا مش فى دماغى موضوع الحب على النت لأنى اساسا لا اعترف بيه))المهم كان كلامها معايا كل مره بيتطور عن المره الى قبلها مره تقولى انا بتشد ليك ومره تقولى مرتحالك ومره تقولى مفتقداك ومره تقولى انا طول الوقت بفكر فيك وحاسه انك معايا انا كنت بكتفى بانى أقولها شكرا وربنا يخليكى وكده علشان متفهمنيش غلط وعلشان متتعلقش بيا اكتر , لكن العكس كان بيحصل كانت بتفتكر ده تقل منى وتتعلق بيا زياده وفى يوم طلبت منى تسألنى سؤال قلتلها اتفضلى قالتلى انا بالنسبه ليك ايه؟,,اقلتلها احنا مش اخوات بس ممكن نكون اصحاب ,زعلت منى وقالتلى انت شايف كده وبعدين سألتنى ممكن تربتط بواحده عرفتها من النت؟,قلتلها احنا عادتنا مقفله شويه فى الموضوع ده بس كل شئ نصيب __واستمر كلامنا بعد كده((على فكره احنا بنتكلم كتابه بس)) وكل مره احس انها بتتعلق بيه اكتر وده بيضايقنى لانى وعدتها انى عمرى ما هجرح اقلبها ولا هكون حتى سبب فى جرح ليها وانا حاسس انها بقت بتحبنى ,, انا بجد مش عارف اعمل معاها ايه لو سبتها ومنعت كلام معاها هكون صدمتها وومكن تفتكرنى كنت بتسلى بيها((انا فى مره مكلمتهاش فى الميعاد الى بنتكلم فيها لقيتها بعتالى 32رساله))ولو استمريت فى الكلام معاها هتتعلق بيا اكتر __ ودلوقتى طالبه رقم تليفونى ..من فضلكم انا محتاج رأيكم انا مش عاوز اخون وعدى ليها ومش عاوز اضحك عليها…

مشاكل وحلول ذات صلة

• حاسة دلوقتى انى رخيصة ومنافقة
• هل حبنا ممكن ام مستحيل ؟
• بحب شاب من النت ومحتارة
• خايفة من اخرة الحب والارتباط على النت
• بحبه لكن مش هعرف اكمل معاه
• صاحبتى وحبيبى خانونى مع بعض
• مش عارفة اخد قرار اسيبه ولا هارجع اندم